 Re: 請問有無人知道八和粵劇培訓班好唔好? ( No.97 ) |
日期：2007/06/06 08:20
留言者：789
 |
各位：
看到八和那麼多討論，不知是喜是悲，是憂是怒，人性是不是都是有這些陰暗或光明面呢？似乎是模糊者多．有人說八和唱半小時古腔，有人說有人把持，有人說要擦鞋，卻沒有人看清楚八和為什麼會淪落到這個地步，其一八和要絕境求生，君不見2004年殺聲震天，八和一夜變天，給人一口吃掉，正是倉皇辭廟日，網上猶有罵人時；其二，學生皇帝處處是，唱得唔好又爭主角，演得唔好又話冇揀角，人人上位又話唔負責，做妹仔又話資助大師姐，到底要點分呢？大家有冇留意藝術發展局資助內容，有冇留意粵劇發展基金各位要人公開的新聞講話，留意一下啦，如果八和學院好似啲大團攞咁多資助，就應該鬧多啲，如果啲學生俾晒啲學費就應該將主持人拉出來鞭打，但事實是八和學生人人攞資助，交幾千蚊學費，食幾萬蚊大餐，啲上層又一定要保留傳統，唔做傳統古腔又話唔得，藝發局又話要八和定位喺粵劇傳承，一間學院要喺資助之外搵三倍額外資金去貼學生，仲要俾人鬧，而家結業演出，兩個大師姐都做下欄，各位又點睇呢？講到成績，點解啲上層會同網民又咁唔同，唔通佢地真係冇眼睇，剩係識俾人蒙蔽，剩係識俾人呃，點解又唔鬧吓嗰啲反骨，陰險，貪污，圖謀不詭，自高自大的人呢？
八和嗰個主事人都抵死，鬼叫佢平日牙斬斬，但係鬧人都要講事實．
講到教學，唔知有冇人知，八和未同演藝分拆時，嗰個抵死的主事人，同嗰班剩係識搵錢，教嘢又唔教真嘢的老師，私底下請食飯哦咗好多次，要就一係全部唔好教秘訣，要就全部教真嘢，幾難得而家啲老師，轉一步都話明轉幾多度，隻手點擺至正中，唔使好似以前只有唐ｘｘ至識得搶背向前用力的方向，唔使只有梁ｘｘ至知扑虎可以由踎底做起．
至於嗰兩個大師姐之前仲有幾個大師姐，攞完著數以為你死就一腳踼開嗰個主事人，又唔知大家點想呢？
咁個主事人係唔係攞嚟衰，要貼錢買難受呢？
有冇人知道做學生係八和學院老祖宗黃炎先生生前教佢做呢，黃老先生話明藝術冇公平，戲行有句老話，就係華光師傅睇唔睇中你，唔睇中你都冇辦法，要揀睇中果啲培養，但係有兩條路，一種係偶像式，好似蓋鳴暉，一種係藝術式，好似林家聲，
但係做一個領導人，即使是一間公司，都明白要取捨，點解唔聽話的就要放棄呢？有冇見過戲行一個花門過的人可以成大名，有的也只是新馬仔，十六歲時喺上海花門過一次覺先聲，知唔知會做成幾大損失，一個唔聽話的學生，有乜依郁，要賠償損失邊個揹，所以戲行有句話，唔聽話就唔好要，攞幾千蚊學戲，要人賠十幾萬，有冇可能．
加上而家啲人都唔誠實，好似主事人以前睇中的一個花旦，叫佢專心學戲，唔好周圍八卦，唔好串後台同衣箱，都係因為識得佢父母，當佢世侄女嚟教，加上知道戲行中有人對佢有野心，唔想佢學壞，點知花旦仔話要拆檔，先至知道原來兩年前秘密拜咗名伶做師傅，跟住先公佈，最慘主事人兩年前為佢寫咗個新戲，雖然有資助，但係連編劇費攞埋出嚟之外，仲私人俾咗幾萬蚊，呢個主事人都係夠抵死，不但止將自己搵的錢貼人，仲要八和學院之外搵第二行搵食，先至可以生活，喺零二至零六年，將八和份人工攞晒出嚟貼學生，咁笨就抵佢死啦，但係花旦仔的師傅就精叻，一早教花旦仔唔好爆拜師件事，攞晒著數先，點知兩年後，名伶師傅另一徒弟唔覺意爆咗出嚟話花旦仔兩年前已經拜師，仲個個禮拜上師傅屋企練功添．
又唔知有冇人知道個八和主持人點解俾ａ學院炒幾鑊，最初好風光做學院主任，點知個傻人，為咗學生，俾佢復學，就俾個副校長禁閉鬧足七個半鐘頭，不食不去廁所，事後搵陳主席喊足兩個鐘要辭職，因為嗰個死咗的老師同校長要個女學生退學，個十七歲女學生同個八和主事人講，想自殺，主事人怒不可遏，大罵老師為什麼不可以不作聲，而要附和校長呢？呢件事當年好多八和學生都睇到個主事人點鬧個老師，但係唔會有人記得個主事人咁鬧，如果為咗幾萬蚊人工，要後尾兩年瞓唔著，寧願唔要，結果第一次被日校炒尤，曲藝月刊大肆刊登之餘，主持人欣然離職．
又唔知有冇人記得嗰個被告老師，兩公婆九幾年落嚟香港，做咗一年日校就被炒，主事人到處幫佢介紹工作，包括劍心，朗暉，等到佢地兩公婆每月搵八，九萬，零四年八和拆檔，一樣講咗兩晚六個鐘頭，都係要留喺舊時嗰度，冇法啦，人地話唔知你有冇得做，唔通咬佢食呀？
其實，一日到黑都因為呢個主事人當初最錯，好揀唔揀，研究院揀粵劇嚟學，畢業後就以為可以大展所長，屋企唔使養，就學壞晒，唔珍惜金錢，亂咁使，所以招來如此多謾罵，又戇居到周圍搵錢貼學院同學生，如果走去做生意，住九肚山之餘，人地又會咁鬧法啦，貼錢貼完一個又一個，除咗走咗的花旦仔外，學院靚仔助教係佢第一個貼錢徒弟，以為人地拜咗佢做師傅，就有責任，冇仔女都學人供書教學，到頭來又唔係吉一個，所以我都話抵鬧，而家仲為咗學院，努力勸說兩個大師姐離校唔好阻住人，勸咗三年，可能又係得個吉．
對於呢啲食古不化的人，抵鬧！ |
|
| Re: 請問有無人知道八和粵劇培訓班好唔好? ( No.98 ) |
日期：2007/06/06 08:56
留言者：789
|
搵演藝搞粵劇大學，八和學院主事人一九九八年都做過一次，除咗俾人食咗之外，都唔知人地點行政，犀利之處就係要全面培養人材，還要改造粵劇，唔要鑼鼓，副校長話校長覺得鑼鼓太嘈，所以演藝演出鑼鼓面用玻璃盒包住，攞喺台側入邊或台下，用電視轉播演員動作來打鑼鈸，還有最好棄用廣東鑼鈸．
副校長去新光睇戲，叫高氐兄弟唔好打鑼鈸咁大聲，俾高潤鴻粗口鬧足半晚，所以八和主事人入咗賊船，早就想走，零二年就勸陳主席走人，話明遲早俾人食，但陳主席唔夠膽．零四年因為八和學院可能得到高山新建的永久場地，校長怒炒主事人，以免有第二間藝術學院出現，明唔明？
如果你想做京劇式粵劇，或者革掉粵劇老命，可以試一試？
其實八和主事人都有同陳主席講辭職，計劃五年內走人，但最衰間學院由佢一手復辦，好似個仔，又怕建立制度未完善，事實上好難完善，人話中國人係醬缸文化，古老粵劇行業亦復如是，而家八和所有單據都打晒價錢至簽收，連主事人做會館同康文演出都係咁，就係希望啲數清清楚楚，要收幾多就幾多，唔好詐詐帝話好平又借啲二收貴啲，變成貪污，希望物色一個受過大學教育的粵劇愛好者接班，因為最初佢根本冇想過做呢個位，九六年佢就推荐梁森兒做，點知陳守仁嗰陣同梁森兒唔啱，唔俾主事人做助教，要佢坐呢個位，唔信可以問吓阿姐汪明荃．
說到監察，八和唔知幾多人監察她，但係喺演藝教的又監察她，要推走她，啲舊理事又話佢貪污，最慘就係任大勳生前，八和開會講到學院請任大勳要兩萬元租衫，真係有人告到廉記，八和主席同主事人都要飲咖啡，但係其實當時八和主事人都話任太貴，請了陳國源，錢銀也沒有沾邊，乜事都冇，你話冇人監察，捕風捉影都有人告廉記，主事人除咗免費飲咗杯水，咖啡就戒咗啦．
佢話依家最好留返條命玩幾年，應該為自己打算吓，或者留返俾你地搞粵劇大學，佢就瞓教好過． |
|
| Re: 請問有無人知道八和粵劇培訓班好唔好? ( No.99 ) |
日期：2007/06/06 09:29
留言者：擁躉
|
睇完左789的留言, 雖然唔係好明佢講咩, 但不禁感慨: 家家有本難唸的經!! 共勉之!! |
|
| Re: 請問有無人知道八和粵劇培訓班好唔好? ( No.100 ) |
日期：2007/06/06 09:30
留言者：789
|
爆料越爆越開心，喺八和同演藝都有教的麥惠文問，點解八和同演藝拆咗三年，演藝夜校學生都唔可以進入演藝五樓的賽馬會千禧樓，即日校課室，佢梗係唔知咩叫做門禁森嚴同階級有別，或者演藝夜校改組後，學生可以進入五樓，因為附帶的是公平對待，
講到呢度有啲想喊，因為我都唔想粵劇死，唔好理八和或者演藝，兩間都搞好就最有利，但似乎好多人想唔通，唔識搞，唔知道金錢同人材的來源和重要性，以及如何把握，浪費咗好多人材，這是金錢所不能取回的．
八和有個叔父叫鍾兆漢，同埋死咗的新金山貞，當年就好緊張八和學院，次次演出都有嚟睇，新金山貞後來唔出得街，試過叫人車佢嚟睇，如果八和理事或同人都係咁，唔理邊一度，都會搞好啲粵劇培訓工作，最怕是金錢作怪，有人帶新人演出做老闆，我都好懷疑資金點樣嚟，因為新秀搞演出，做一次蝕一次，所以八和主事人最戇居． |
|
| Re: 請問有無人知道八和粵劇培訓班好唔好? ( No.101 ) |
日期：2007/06/06 09:40
留言者：789
|
加多句，所指帶新人做戲，係帶演藝啲新人，據說八和主事人就蝕咗層樓有多，但係嗰個係搵食的演員，我真係好驚，好似當年捐款做咗歌劇，都係咁啦，八和夜校買靶子給日校用，主事人雖然主動報告同追討，但係演員就係八和理事會差啲要主事人謝罪辭職．當係自己嘢時，就最好阻住你去為阿公爭取資源，所以最好多啲退休老藝人，冇利益沖突，唔好次次都問我地有乜嘢利益先？
就當傳聞咁聽算啦 |
|
| Re: 請問有無人知道八和粵劇培訓班好唔好? ( No.102 ) |
日期：2007/06/06 10:26
留言者：456
|
廢話 |
|
| Re: 請問有無人知道八和粵劇培訓班好唔好? ( No.103 ) |
日期：2007/06/06 10:42
留言者：789
|
好多謝擁躉
講起嚟一売眼淚，噚晚同人食飯，講開忘恩負義，習以為常，恩將仇報人之慣技，
八和主事人幫人幫到出晒面，某劇團因為佢幫助，攞咗藝發局資助，六，七年夾埋有三百幾萬，仲有康文署啲資助未計，點知零四年八和同演藝拆檔，嗰被幫之人，本來被陳博士趕出中大，係八和主事人幫佢起返身，點佑佢又投靠返陳博士，就係二零零四年十月呢個八和學院求生的關鍵時刻，佢竟然派學生做馬前卒來探聽虛實，要打死八和學院，點知個學生有膽，借啲二俾咗報名費又唔敢嚟見，叫佢嚟見又俾多次報名費，叫佢嚟攞返啲錢，連叫你寄返俾佢都唔敢，事實上呢個學生又同時報咗演藝，如果唔係身有屎，點解人地話俾返二百元你，連叫人寄返俾佢都唔敢，但係係人都覺得被幫者一臉忠誠，唔信佢咁衰，連八和主事人當年都為佢抱不平，仲因為佢嗰句〔玩都要玩得專業啲〕，覺得佢對粵劇好有熱情，而家攞政府錢買咗層樓，仲話人地害佢，如果唔係佢連學生嗰份佣金都食埋，個學生都唔會出嚟告佢啦，個學生其實已經話明唔收佢個佣，只係收賣方，呢啲就係人性！
啲人成日鬧人，唔該睇清楚啲．
成日話八和學院分配角色唔公平，喺演藝果陣時，雖然講出嚟唔好聽，但大家都都知係死咗嗰個老師主導角色分配，陪佢打麻雀至有角色，因為有副校長撐腰，八和主事人都要借啲二輸三幾千俾佢買佢怕，而家冇咗副校長，又唔見個八和主事人要耐不耐同老師打麻雀輸錢，差唔多唔打咁滯，真係打都係打一二蚊，上落一兩百．
衣家八和學院有啲學生都俾主事人鬧佢爭做主角，但係鬧完都俾做咗一個折子戲，但係其實佢睇到都想嘔，有啲人只係可以做阿婆，又成日同老師鬥氣，半夜三更打電話哦到四，五點，但係基於應該俾佢有第一次機會，所以只好俾佢做一次咁啦，但係人地又鬧佢係唔係都俾，你估佢想既咩，俾又鬧唔俾又鬧，如果佢地知道自己係咩行當，佢又唔嚟學，個個都係想做文武生，嗰個高的大師姐，唔係八和主事人多番勸說，點會揀鬚生做，又點會俾高軍短上場擔正，佢明白所以才會有進步，但係大多數學生，就想到交咗幾千蚊，最緊要攞返足，你話佢唔係正印文武生同花旦，佢就同你死過，嗰個做完一折戲，但係被八和主事人鬧過的學生，下一年可能會唔讀，但係有咩辦法，本來如果佢肯做女丑，是可以發揮，事實上安排咗佢做〔拾玉鐲〕的大娘，咁又點，都係要做靚女花旦．
有一個八和學生，本來係唱歌，出身於韻文學院，佢話勞韻妍話你咁好聲，不如做埋戲啦，所以佢就係韻文學戲，同埋參加街檔演出，每次都有一百元添，又做主角．佢嚟到八和學戲同音樂，做嚟做去都係鮑四娘呢類阿媽角色，事實上佢身裁四呎多一啲，實在太矮，點唱得唔係主角人選，所以只係一次半次係八和街當做過主角，佢問八和主事人，究竟佢適唔適合做戲，八和主事人唔敢答佢，因為答佢呢，一係講大話，講真話就得罪人，但講唔講都死，如果講大話，就要俾佢喺大場擔正，因為她唱得還可以，如果不答或者講真話，佢實走．最後都係唔答佢，由得佢走，但係佢依然留喺八和學音樂．
你話分角色係唔係好容易，一係就搵著數，如果真係攞個心出嚟做，嗰啲箭係咁插死味．八和主事人曾經要同啲老師商量一齊分角色，依家啲老師又唔會出籠了，咁大鑊的事，梗係俾你做好過．
今次〔無雙譜〕演出，除咗上次無故辭演港穗交流演出的學生要做水族之外，又唔係要每個學生諗一段戲俾佢做，搞到皆大歡喜至得．
寫〔無雙譜〕又冇錢，唔似同八和做，或者金玉堂的〔蘇小卿月夜泛茶船〕八和主事人可以講係而家最貴的粵劇編劇，今年要編的劇本排到滿，點解仲要為學生寫劇本，原因係最初想帶編劇班學生寫，新仔寫唔掂咁多，拖遲咗仲要有排改，手頭上有大陸版〔追魚〕，但係大陸劇本做死人，學生根本實唔掂，香港劇本未必可符合學生需求，與其搵一個改番好，不如索性寫過冇咁嬲，而且根據經驗，好似雛鳳鳴出道都做〔英烈劍中劍〕等特別度身訂做劇本，都係因為新人要獨立思考劇本才可以進步快一啲，如果可以唔寫，又冇錢收，我諗八和主事人寧願唔寫，不如去搥骨仲好．
所以，啲人鬧就識得鬧，佢地唔睇吓事實真相，如果唔係佢，八和今年演廿三場戲，邊有咁多錢，交流演出都使二，三十萬啦，仲有大縱橫，係唔係咁都要鬧佢自把自為，冇人監管，如果佢用自己劇團名義，根本就唔需要俾邊個監管，你估佢攞唔到，佢自己都可以攞完一次又一次啦，佢都請到大陸團嚟香港交流，仲係康文署主辦添，所以如果要揭開所有嘢，只怕係嗰啲鬧人的人有偏見或別有用心．
最好問吓而家〔無雙譜〕擔主角啲八和學生．
如果話佢要八和嚟試劇本，自己學嘢就更加唔啱，當初佢有從八和寫劇本爭取經驗，但只係一九九八年嗰個〔新白蛇傳〕，佢二零零二年同八和再編劇時，已經寫咗十幾個劇本，而家教人寫劇本，編劇，仲要教埋學生唱，佢根本冇學過唱，都要頂硬上，讓學生了解曲式變化，其實呢啲就係佢幫學生的方法，讓學生通過演出佢劇本中唱段不同的地方，掌握曲式結構和技巧，高師姐都係佢咁教出嚟，
連留喺演藝的陳輝鴻都係佢教佢曲式，佢請陳輝鴻教曲式，以為可以咁教好學生唱腔，點知陳輝鴻第一份碌屎，就將慢板講成三頓加兩個活動頓，要派咗之後立刻收回，陳輝鴻話佢好嬲，但係八和主事人話錯的嘢出街要揹鑊，至此才知音樂師傅都唔係真係熟曲式，陳輝鴻試過出考試題，話長句二王頭頓收咩音，答案係〔尺〕，結果又係俾八和主事人收返晒，講明長句二王下句起式可以收〔尺〕同收〔合〕，而家留喺演藝的古月英當時就睇住點改，陳輝鴻連南音點樣分四句，碌屎都係八和主事人差唔多同佢重寫過，但係啲人點都唔信一個唔會唱粵曲的人，會叻過音樂師傅，但係問一問古月英，除非佢講大話，佢都係睇住點改．
原因就係搞粵曲音樂近五，六十年都走錯路，成日以為喺音樂出發，唔知梆王係要喺語言同語音出發，所以要廣東人至可以寫好粵曲．
因為學生學人寫長句二王上句起式，自己又寫唔夠字，又同上兩段板眼搞埋一堆，所以演出的學生又唱唔掂，結果要八和主事人寫埋工尺叮板，先至識唱，如果大家要睇，可以睇吓〔無雙譜〕第一場開頭冇耐就係，事實上長句二王上句起式自從五十年俾八和主事人嗰師傅靳夢萍喺〔玉夢芙蓉〕呢支歌用過之後，呢五十幾年，只係近年由八和主事人用過一次，而家教學生又用一次．
口痕完，其實忙到死，下之再發翕風．
|
|
| Re: 請問有無人知道八和粵劇培訓班好唔好? ( No.104 ) |
日期：2007/06/06 10:58
留言者：456
|
花旦仔拜另外一個師父主持人梗唔高慶,因為她再唔幫主持人自己有份的劇團演出,還有另外一個花旦仔因為想回家揍仔想唔再幫佢劇團做戲,被主持人迫簽一張三年唔準演出的字句,好似黑社會咁又如何呢!成日話政府貼咗幾多幾多比學生,除咗學生得益外粵劇界幾多人有得益包括老師,衣箱,佈景等,最慘係我地的立稅人,根本全世界都找政府著數,講到咁清高唔好要人工,做人要問心! |
|
| Re: 請問有無人知道八和粵劇培訓班好唔好? ( No.105 ) |
日期：2007/06/06 10:58
留言者：789
|
見到456話係癈話，所以加多句，去求證一下啦，去睇一吓啦，如果唔係咁鬧人就一定係別有用心．
八和主事人無疑好多敵人，但事不離實，唔好當政府高層係盲，盲的是你，因為你可能因利益關係被蒙蔽．
使唔使講埋邊個同老師打麻雀有戲做，你知唔知以前個個老師〔麥惠文例外〕，都輸麻雀俾佢，鄭文瑛試過一晚兩公婆輸咗成萬蚊，有劉姓學生試過一場麻雀輸咗五千蚊，陪打麻雀的有何姓男同學，及某律師太太，
其實人死咗唔應該講咁多，呢個老師都好慘，係呢邊作威作福，喺日校就要成日做外賣仔，買外賣請學生食邀寵，因為副校長最怕學生流失，日校學生都好似土皇帝咁，我就見過呢位老師買了二，三百元外買，笑嘻嘻請那十多個學生吃下午茶．
呢啲就係制度上唔公平的地方，所以在講廢話時想清楚． |
|
| Re: 請問有無人知道八和粵劇培訓班好唔好? ( No.106 ) |
日期：2007/06/06 11:08
留言者：789
|
真係有逼簽一件事，講出嚟都唔怕啦，嗰個花旦根本黐咗線，八和主事人本來搵咗鄭詠梅代替演出，打算飛咗佢，但係高矮兩師姐求情，但係如果佢搞嘢，不但要賠償政府場地損失〔不減租計，因為是場地全資助〕，還有已售出門票，當時計算約要五萬元，但係逼簽的不是不准演，而是若然臨時不演，而沒有合理由，需要負責一切追討之損失，因為如果佢喺演出當天話病咗，冇人演出會好大鑊，如果佢又故意被人知佢詐病，甚至喺劇場出現，咁仲大鑊，如果佢諗住唔做戲同你玩過，或者佢證明自己係黐線，你喊三日都冇用，只有賠錢了事．
其實八和主事人以前同戲曲會都試過一次，就係〔桃花源〕的舍長，臨時花門，差點要賠三十四萬，你敢唔敢咁做，梗係寫定張紙，費事佢玩嘢啦！
黑社會都鬥唔過黐線婆，你鬥埋佢嗰份 |
|
| Re: 請問有無人知道八和粵劇培訓班好唔好? ( No.107 ) |
日期：2007/06/06 11:11
留言者：789
|
再加多句
八和主事人在二零零二年至零六年，所有八和人工都俾返晒學生，自己靠家姐間公司，做第二份工作謀生，試過差唔多搞到吊沙煲，如果你可以，請佢食吓飯，當面鬧佢，或者佢會多謝你添． |
|
| Re: 請問有無人知道八和粵劇培訓班好唔好? ( No.108 ) |
日期：2007/06/06 17:17
留言者：C k
|
我睇過789所寫的ハ和主持人遭遇,如是屬實就不如離開這圈子,為何那樣多人欺負他,一個人說他不是可能偏見,兩個也算了,三,四,五,六,七個有問題了,要自我檢討. |
|
請問有無人知道八和粵劇培訓班好唔好?