 Re: 請問有無人知道八和粵劇培訓班好唔好? ( No.133 ) |
日期：2007/06/08 09:56
留言者：789
 |
我唔係好文采，唔知點解一定要將我等同八和主事人，
講起八和學生會，你話八和主事人又如何，佢話明唔干涉內政，一成立仲捐咗成千蚊，仲俾陳主席私底下鬧話唔單聲，搞到佢仲要特登喺聯歡會捐返千五蚊做禮物，呢啲就係八和主事人戇居，冇諗到個老細會唔鍾意，
但係八和同學會唔知係唔係有人就有分歧，佢都想幫佢地，但係行得埋又話佢主宰晒，行得開又好似路人甲咁講，八和主事人而家只係幫佢地搵錢做戲，話俾佢地聽邊度有機會．
你知唔知個副主席係喺選舉嗰陣時話明要做，個主席話佢係專業班，都唔敢出聲，叫佢同同學會做嘢，又唔識做，最嬲係基金會開記者會，叫佢講感受，己經事先教晒佢擦吓鞋，點知佢搞個大頭佛出嚟，好似質問基金會點解咁遲至批錢，又點解唔係批大把錢俾佢，佢完全唔知係同學會一定要喺四月前做一次演出，爭取其他機會，所以先至要人地咁趕，而且基金會係佢地申請咁多就批咁多，搞到八和主事人叫同學會主席快啲寫道歉信．
咁好似你路人甲咁，你又知唔知？    |
|
| Re: 請問有無人知道八和粵劇培訓班好唔好? ( No.134 ) |
日期：2007/06/08 10:01
留言者：789
|
加多句
而家八和啲學生都幾齊心，不過唔會有人好似我咁頂住度氣，先至咁得閒出聲，其實八和主事人而家係忙到死，但係佢做編劇就係咁，成日要坐喺到等運到，
八和學生點解唔出聲呢，其實大家都知，如果自己冇乜嘢，通常都係企埋一便，多口至講句，所以點解網上咁多流言，呢個就係原因叻． |
|
| Re: 請問有無人知道八和粵劇培訓班好唔好? ( No.135 ) |
日期：2007/06/08 10:44
留言者：小偵探
 |
以你的見識,腳踪和語氣,好難叫人不相信你就是大編劇噃.
既然所說的句句實情,不如表明身份,一定會叫人對你的苦衷,深切同情,對你的學院更是大有好處. |
|
| Re: 請問有無人知道八和粵劇培訓班好唔好? ( No.136 ) |
日期：2007/06/08 12:09
留言者：八卦
|
我是局外人,唔知妳地咁多野!
不過我覺得每個人都需要學習,舊生會的委員們,未做過行政,要時間學習! 八和主事人,搞學院管理,都需要學習! 我看過789的留言,亦好相信主事人是粵劇有心人,希望她能認真聆聽各方意見,有則改之,無則加勉,切忌偏聽和感情用事,更加不要將管理上的問題歸咎於所有不利的客觀因素,做管理就係要唔掂度到掂,一味埋怨,非正確態度! 我相信大部份在這里提意見的,都是希望見到八和健康成長的! 起碼我本人就是不忍八和被打跨的一個! 但話分兩頭,愛之深,責之切,有問題就一定要講,呢度d留言,如果用對抗的心理去看,會覺得人家不負責任,胡說八道! 但從正面角度,這些都是意見的表達,合理的不合理的,起碼給了主事人知道外間有這些不滿,想辦法避嫌,不令人有機可乘,減少這些不滿情緒,才是成功的管理!
補充一句,如果話八和學生齊心,我唔反對,但對主事人管理上的認同,我就有點質疑,否則呢個留言版鬧多過贊呢? 值得深思!
得罪了!!  |
|
| Re: 請問有無人知道八和粵劇培訓班好唔好? ( No.137 ) |
日期：2007/06/08 12:15
留言者：789
|
都話篤爆冇意思，我話我唔係，所以我可以爆料．
八和主事人亦都知佢心直口快，又見事明確，所以反轉嚟睇，佢就係口臭之人，但往往一語中的，令到好多人憎佢，
好似有一次有個錦乜乜文武生，馮乜乜，八和主事人話，你九四年就組織劇團，嗰陣時八和主事人仲讀緊書，所以八和主事人就笑笑口咁話，你都係我個前輩，呢個係事實，但係馮乜乜就好唔高興，覺得八和主事人窒佢，因為八和主事人雖然後生同入行唔係好耐，都有名過佢，所以佢好嬲．
事實歸事實，你估八和主事人好大年紀，佢其實同九六年入讀八和學院嗰班年青新秀差唔多年紀，456都大過佢啦，好似有似官方人員同佢傾偈，話你都做咗好多年編劇，係就係，邊學邊做，仲後過八和復辦嗰班學生，九七年先至學，佢有時都話高軍翔都係佢前輩，但係個官就以為溫誌鵬新佢好多，佢立刻話唔係，溫誌鵬係佢哎吔師兄，都係跟過梁沛錦老師，人地八六年就有劇本演出，早佢十幾年入行．
講吓又講返演藝，因為怕有人唔明點解日校係聊備一格，其實只要睇吓演藝中樂系同中國舞蹈系，都係聊備一格，所以呢一瓣，演藝唔係特別歧視粵劇日校，而係歧視成個東方文化．
但係演藝就發生咗一次好嚴重但係冚得好密既歧視事件，就係西方舞一個新嚟既鬼佬系主任，抱住隻狗入去四樓舞蹈室趕八和夜校班學生，但係隻狗就係間排練室度四圍走，爭在未疴尿，而被拉師傅就俾個鬼佬趕，仲用粗口鬧，呢件事立即有夜校學生報吋同寫匿名信告發，搞到校長即刻冚密佢，呢啲先至係歧視，八和主事人亦受命擺平呢件事．
點解西方文化會高級啲呢，連搞西方文化既中國人同西方人都高級啲，呢啲係演藝既現實，有時又話係自由，好似有一個中國人，教西方嘢，同傳媒有啲啦lung，佢雖然人盡可妻，連胡頭頭有一次見到佢都頭擰擰，但係冇辦法，郁佢唔到．
但有時又唔係咁樣，好似冇sir，幾好人，點知因為演藝啲階級觀念，唔會俾自己隻馬上，搞到驚sir退休，佢都冇得升，大壓力到生can，先至提前半年離職，話去政府劇團，其實佢做埋半年，可以攞廿五巴仙離職酬金，但係半年後走，就會接住個新頭頭，人地就會好多嘢講，佢自己都唔想，但係明白人就會替佢好唔抵．
因此八和主事人要離開演藝日校時，差唔多要擺酒慶祝，馬ｘ條友仲喺份雜誌度攻擊佢，以為人地好傷．
所以一舨人係唔會了解演藝的歧視同階級文化，啲學生仲以為好有寶，要你計人數時就有寶，唔鍾意時，好似洪君兒，幾叻都冇用． |
|
| Re: 請問有無人知道八和粵劇培訓班好唔好? ( No.138 ) |
日期：2007/06/08 12:25
留言者：路人甲
|
789,我係局外人,當然唔會知八和主事人同舊生會咁多野喇!
同意以上八卦的講法! 我也不否定主事人的貢獻,但希望她往後能更注意管理技巧,這才對八和甚至粵劇界發展更為有益! 預先掌聲鼓勵吓  |
|
| Re: 請問有無人知道八和粵劇培訓班好唔好? ( No.139 ) |
日期：2007/06/08 12:33
留言者：路人甲
|
789, 我同意閣下提到演藝對東方文化岐視的講法! 正因為這個崎型,大家就更要團結,做好本份,唔好衰俾人睇! |
|
| Re: 請問有無人知道八和粵劇培訓班好唔好? ( No.140 ) |
日期：2007/06/29 08:53
留言者：789
|
八卦：
你話唔掂管到掂，唔好話八和，演藝，差唔多乜嘢人，乜嘢機構都係管唔掂，點解特區政府咁多攻擊，點解啲局長又咁鍾意夾硬嚟．
你知唔知上有政策下有對策，你咁諗，佢咁睇，邊度有得取得認同，講起點解劉洵要走去日校搞嘢呢，等我重新講俾你聽啦．
八和搞學院，你估阿姐會搵八和主事人，黃毛丫頭，邊個信佢，佢自己都唔敢，要拉梁森兒落水，但呢個係人與人之間關係既政治決定，就係陳xx死都唔俾梁森兒做，所以推八和主事人出嚟做佢既馬前卒，睇實個山頭．
阿姐其實都係想搵劉洵做，仲約咗劉洵傾偈，嗰陣時都未決定擺邊個上去，所以八和主事人都喺隔籬，但係劉洵話要做八年制學院，仲要全日返學，十歲學起，你話設想幾好，但係香港行唔通，八和主事人就提醒阿姐，事關佢負責執筆寫計劃，寫唔成要揹鑊，佢話俾阿姐聽，政府話明係兩年，呢啲建議係好，但係政府一定唔過．咁劉洵至冇咗．
但係劉洵既一腔熱誠走去演藝，做自己嗰一套京劇式粵劇，一樣行唔通，而同仲話接班人喺大陸搵，咁傻既建議都講出嚟，所以佢都係好天真，而且佢都俾人鬧一言堂，唔理劉洵係唔係唔好，但係可以睇到根本唔可能萬眾一心，死咗師傅零四年之前，有一次喺八和主事人前面噴，話劉洵點點點，都有啲後悔幫演藝畢走八和主事人，事關八和主事人點都對佢好識做，而且佢根本冇能力話畢唔畢走八和主事人．
講起上有政策，下有對策，陳主席都話要見吓班老師，又叫過八和主事人公佈吓課程，無論喺演藝時期定係分拆之後，八和主事人都做過，但係班人當中有人頂幾鑊，變相聯同陣線，都幾難搞，因為啲老師個個做得佢老頭或者阿爺，粵劇又要講敬老，有時又要湊仔咁湊，好似何家耀，做得佢老豆有餘，個人係冇機心，但靚過靚仔，有料但係冇自制力，你話幾難搞，好似有個廣東老師，有料教嘢，但乜都計一餐，想話俾啲機會佢發大嚟做，佢寧願頂返轉頭唔做，就係因為演科老師人工高幾百．
以前唔使講，你估佢冇發覺會有男女問題，又唔講得，又要搵人借啲二睇實，最慘係啲學生男女問題，唔掂得又理得，口快又得罪人，有時有啲炸彈都係望佢憎八和，早啲唔讀仲好．
八和主事人試過俾倨學生老公爭啲打，就係因為佢質問佢老婆，點解趕得嚟做主角，但係前一場就趕唔切嚟做妹仔，話明真係趕，可以開的士錢張單，一兩佰都冇所謂，但係明明係唔肯做妹仔，仲同老公詐嬌，佢老公嬲到想打人，你話係唔係好難搞，最衰就係嗰學生同啲林沈學生好朋友，八和主事人驚爆醜聞同俾人打一餐，幾日冇覺好瞓．
仲有，十隻手指都有長短，佢而家都係諗住退休，最好五年後功成身退，係因為等緊個場地安定落嚟，交返俾八和就算，其實佢年幾前都同陳主席話過，搞返起就交返個婆俾八和，但係陳主席話，我唔做主席你都可以繼續，但係冇陳主席，點知八和會點，你知啦，楂住咁大筆錢，好容易出事，八和係會有人叫你將啲錢點用點用，佢地唔理合唔合法，行過一步要坐監，所以有去意就係咁解．佢地以為叫你寫張單，佢地唔話就冇事，人地話就係上頭叫，問既時候就個個都唔認，你估未試過，舊年佢同八和統籌個演出，明明係個經理做錯嘢，死口唔認，八和又唔理，夾硬要八和主事人賠咗萬八蚊出嚟冚住件事，所以話同政府攞嘢做唔使賠錢，你未賠過就唔知，賠份錢仲大過份人工，只有當白做同跌咗，咁又點？ |
|
| Re: 請問有無人知道八和粵劇培訓班好唔好? ( No.141 ) |
日期：2007/06/08 13:30
留言者：做人難
 |
789 小姐  敢言、能言、佩服！It is a good therapeutic exercise for you as it appears that you are hitting the brick wall after so many years of putting your heart and soul into the CO. Personally I think this is not your fault at all though some people thinks that your managment style may contribute to your unpopularity among some people. For me, I think the difficult situation is being created due to the dark side of our culture, that is something no one can do anything about it. So just vent your frustartion through your amazing sppedy typing, CO experience and sharp mind to unfold teh dark sides in the CO circle. I look forward to read more good stories from you.
PS I met you once in 1999 in the foyer of Knowles Building where you were promoting CO culture and I was impressed with your enthusiam and knowldge in CO.
PS Sorry writing in English as I can not do Chinese typing. |
|
| Re: 請問有無人知道八和粵劇培訓班好唔好? ( No.142 ) |
日期：2007/06/08 13:44
留言者：789
|
多謝做人難既支持，好彩我都識少少英文，所以寫英文冇問題．
不過，可以好肯定話俾你知，八和主事人已經立定主意退休，唔係無力回天所以退休，而係人係要有返一啲自己既興趣，其實一兩年前佢都有開始鋪路走人，但係唔係好成功，而家係鋪路退休，佢同佢老師講過，唔想人生就係咁多，希望看看其他世界，佢曾經見過以前喺大陸嗰個編劇何建青，同佢一樣咁口臭同脾氣臭，但係何建青同佢講過，話希望人生有三個不同階段，實踐三方面興趣，包括書法，但係好可惜，何建青雖然書法了得，但係經歷文化大革命，一個粵劇興趣令佢冇咗幾十年，到老係唔係一場空呢，當然有仔有女有文化地位，但係佢好落寞，成日一個人喺陶陶居飲茶，朋友都唔多個，臨死幾年做老人痴呆，八和主事人知佢屈咗幾十年，唔通前車唔可鑒咩，所以希望離開開展人生新一頁，退休後會寫吓劇本，但係生活會分兩大部分，一係做吓社會服務同事務，一係好似讀書嗰陣周圍去旅行，搞佢最鍾意既武俠小說創作，呢個先至係佢十四歲時立既志向，做個武俠小說作家． |
|
| Re: 請問有無人知道八和粵劇培訓班好唔好? ( No.143 ) |
日期：2007/06/08 14:46
留言者：儍人
|
對不起講來講去789是不是那個什麽主事人呢?789是男是女?那個主事人又是男是女?弄到我莫明其妙!!!請好心人觧答. |
|
| Re: 請問有無人知道八和粵劇培訓班好唔好? ( No.144 ) |
日期：2007/06/08 14:51
留言者：做人難
|
人到無求品自高。  Luckily 789 does not live in a society purely (100%) dominated by our culture. If you do, just like 何建青 or other naive people, I suspect you would have an even more nasty consequencies - being framed up, being set-up, being torn into pieces by our mean "country mates" or even thrown into prision for just offending the "small people" unintentionally ... scarey  |
|
請問有無人知道八和粵劇培訓班好唔好?