 Re: 請問有無人知道八和粵劇培訓班好唔好? ( No.109 ) |
日期：2007/06/06 20:16
留言者：greatsnatcher
 |
C k,
我們是局外人，八和主持人就是局內人。我們怎能知道誰應該檢討。正如你和我在工作上，亦都會遇到一些和自己不咬絃的人，難道每一次都要轉換工作來避免問題。檢討的是要檢討。但看來並不是一個人的問題。
說真一點，每一個人都會認為自己所說的話是對的，有道理的，別人不聽，就是別人不對。職場上，就難免有所爭拗。
而且，難道你忘記了我所提出過的reminder，在這個網絡世界，要化名去留言的實在太輕易了。我們所看見的所謂四五六七八九，甚至於十百千萬億的人，亦是同一個人。請賜敎如何分別。
本人立場，只希望各位仁兄仁姐，做人要忠誠一點，不要妄語，對於自己的說話要負責任。我不是一個迷信鬼神之人，但我相信要有良心。我們冇謂要作假搬弄，令別人受害。
請不要以個人"私利"或"仇怨"去傷害別人。若果所説是事實，請拿出証據吧! |
|
| Re: 請問有無人知道八和粵劇培訓班好唔好? ( No.110 ) |
日期：2007/06/06 23:19
留言者：Ling
 |
有人的地方就有是非, 何況演藝圈子?? 既然點做都比人鬧, 那問心無愧便是了! 789來抱不平, 正正視聽也好, 讓大家明白事情並非一面倒.
經一事, 長一智. 管理學院就是要恰當管理當中的人和事, 誰個在位也要面對同樣問題, 日光之下並無新事. |
|
| Re: 請問有無人知道八和粵劇培訓班好唔好? ( No.111 ) |
日期：2007/06/07 00:54
留言者：10
電郵：greatsnatcher@yahoo.com.hk
 |
 看得人一殼眼淚。應該向前看！做每一件事也不容易。特別是和人有關的事，真不容易，做一件事要堅持下去一點也不容易，在八和學的、用功的、誰不是拖着疲憊的身軀去學習，這麼辛苦確是對這門藝術那顆熱熾的心。這些年來流了多汗水、淚水，有受傷的淚水、不被了解的淚水、堅持與不堅持內心爭扎矛盾抑鬱的淚水、被眾人孤立仍強作堅強的淚水，不過是一門興趣，為甚麼不回到當初？不過是一個學院幾個人，真難得大眾這麽關心！清心對明月，明月照溝渠的事時時有。學戲這些年真明白到道理就在有道理的人身上，功勞也歸功於日常的勤勤懇懇，巧言佞色、弄虛作假能瞞聾瞶，不能瞞耳聰目明的人，也瞞不過華光師傅。太多有的放矢的人，難道割下別人身上一塊肉，就能往自己身上縫嗎？八和若真的倒了，那些既在網上臭罵主事人，在學院又一副阿諛奉𠄘的假臉的同學啊！你們往那裏寄生呢？ |
|
| Re: 請問有無人知道八和粵劇培訓班好唔好? ( No.112 ) |
日期：2007/06/07 00:56
留言者：789
|
又係我，睇完456講嘢，諗吓就知佢係邊個，佢都係八和同演藝拆檔，最早去深水埗學戲嗰批，佢本來同八和主事人好好，仲話一齊搞show，點知搞唔成，後來佢參加何家耀的〔南北武場訓練班〕考試，因為設有十三個免費學額，三個半費學額，佢考到半費，就話何家耀唔公平，要同何家耀講數，八和主事人梗係阻住佢啦，個個學生係咁得了，點知就咁嬲咗，唔讀八和．
佢講嗰個黐線婆，的確係要湊女，個女當時十二歲，因為父母離婚，有啲問題，開始要見學校社工，咁八和主事人就同高矮兩個師姐同佢講，做埋〔寒江關〕就唔好做兩三年，搞掂個女先啦，點知佢就黐咗線，搞到人地雞毛鴨血，結果嗰女最後越搞越大鑊，佢仲走去讀演藝日校，都因為嗰女返唔到學，好似掛名掛到畢業．其實佢成日以為自己係白雪仙，又因為不願和矮師姐拍檔，高師姐又唔鍾意同佢拍檔，佢試過兩三次叫八和主事人摺咗個劇團，話唔好咁辛苦，保重身體，其實想一拍兩散，你話都唔知點解，其實八和主事人都想摺埋個團，因為蝕本蝕入肉，零四零五年仲搞到欠六萬蚊債，所以人地問佢點解唔離開呢個圈，佢都好矛盾，可能係唔想辛苦多年付諸東流啦．
講返花旦仔，其實件事仲離奇，八和主事人帶佢去劇團做和唱，賺返啲錢同免費睇大戲，點知佢話唔見咗個三千幾蚊的新手提電話，八和主事人坐喺佢隔籬幾個位，就叫佢試吓打電話，睇吓有冇人執到，佢話唔使，一支箭咁走入高山後台，兩三場後出返嚟，話佢個衣箱同佢執返，俾返佢．但係佢唔知咁既大話，一講就穿，
因為八和主事人初入行時，問梁漢威借一套練功靠，話攞喺高山後台，嗰陣時八和學院仲係借高山排練室上課，梁漢威話俾咗你啦，因為高山後台係條街嚟，跌一蚊都執唔返，攞套練功靠就實唔見，因為梁漢威咁講，反而小心啲，套練功靠冇唔見到，但係高山後台係條街就深入八和主事人腦中，
另一方面，花旦仔話佢個衣箱執返俾佢，但係佢唔知一般做大戲的職業演員，都會好小心自己的財物，咁你明啦，而佢嗰個衣箱，仲出咗名係全行多咗隻手之人，唔好話執到個三千幾蚊的新電話，你攞係到都會閃一聲唔見咗，所以八和主事人知道佢講大話，但係當時佢有揭穿佢，人地唔想講，唔通你逼人地講咩，但係過咗一排，麥惠文話某音樂師傅很注意花旦仔，八和主事人一聽就諗死啦，因為以前戲行有一個唔好的風氣，就係覺得呢個花旦有前途，就瞓咗佢，幾十年前不知凡幾，今天有冇就唔會講，所以八和主事人先至話唔俾佢去戲班後台探班，點知就搞出事．
如果話花旦仔唔同八和主事人劇團做戲，佢就好嬲，其實係八和主事人戇居，因為八和主事人曾經夾係花旦仔同鄭詠梅中間，花旦仔竟然要求八和主事人唔好同鄭詠梅搞新戲，就係嗰套〔青乜與白乜〕，八和主事人話我要搵食，而且你都有份參加，點解唔好搞？
講出嚟就係想大家知道係唔係冇咗花旦仔就冇人做戲，唔好咁傻啦．
八和主事人除咗做晒啲新戲服俾花旦仔著之外，仲每場俾咗一千元演員酬金俾佢，嗰陣時陳銘英，林寶珠都仲係收緊七百，點知花旦收咗兩千元，仲係八和主事人面前話，都唔夠俾衣箱錢，後來王超群知道，仲鬧八和主事人，話抵佢死，縱壞晒，但係花旦仔同八和主事人最大的問題，並唔係只係因為佢拜咗名伶做師傅咁簡單，
其實花旦仔係被拉師傅的私淑弟子，被拉師傅初到香港，乜都唔識，戇居居咁對花旦仔另有所想，唔知到香港啲女仔鍾意係唔係都放吓電，以免核電廠爆炸，但係被拉師傅有老婆係隔籬，但係花旦仔就搞到被拉師傅剩係教佢一個，搞到成日俾人投訴，八和主事人見有問題，又怕出事，就先同被拉師傅講，話香港啲女仔係熱情啲，後來搞到要兩公婆一齊講，又係飯都食咗幾餐．
被拉師傅本來係好純，但係佢嚟咗香港之後，耳濡目染，尤其是死咗師傅對佢影響好大，除咗成日一齊打麻雀，他還以為死咗師傅啲做法好啱，搞到一鑊泡，但係呢啲就係被拉師傅同八和主事人之間一啲心病，可能因為咁，被拉師傅死都唔俾佢老婆喺零四年返番八和．
所以有人話點解八和主事人唔早走早著，我都好奇怪，可能係睇到人事關係處處都係咁啦，而被拉師傅呢件事亦令到花旦仔唔係好鍾意八和主事人，而且佢又唔鍾意高師姐，成日覺得八和主事人幫住佢，八和主事人雖然喺佢面前話唔會俾高師姐蝦佢，佢可能都唔係好信，不過，我記得八和主事人講過，佢話花旦仔同高師姐係同學，其實最好一齊拍檔，先至有默契，呢個都係佢想留低花旦仔的原因吧，但唔會因為一句默契，就會冇咗個人咁嬲，其實佢最嬲係嗰個所謂名伶，
講起呢個名伶有段古，佢話有第三者，所以同老婆離婚，其實佢而家呢個老婆仔，根本唔係第三者，因為佢而家呢個老婆仔好憎八和主事人，
事綠八和學院女多男少，所以花旦仔其實嗰陣時同老婆仔都爭緊一個男同學，人人都知道，因為八和主事人口快舌快，講錯一句三角戀愛，搞到老婆仔嬲到飛起，所以八和主事人都係把口唔收之人，有啲抵死，
而名伶同老婆離婚，係有一日佢老婆同吳仟峰做神功戲，佢走嚟同佢老婆講，不如返屋做家庭婦女罷啦，仲話要事業就唔好要家庭，要家庭就唔好要事業，搞到老婆即刻傻咗，戲都做唔落去，吳仟峰講起呢件事都仲係媽媽聲，
咁點解佢要同老婆咁講呢？原來因為佢老婆同輝哥組織嗰個乜笙輝劇團好勁，打到佢的乜鳳鳴劇團一橦都冇，蝕到死吓死吓，名伶初初同乜鳳組班，話明係俾人請，每場人工兩萬大元，是當時最高人工，但係唔係路，做極都蝕，後來乜鳳話不如夾份啦，名伶啲戲迷就從此慘矣，因為要包飛，
因為太過講排場，乜鳳鳴做極都蝕，加上乜笙輝太勁，所以先至出現呢個情況，件事我都係輾轉聽啲名伶傳來傳去，
不過我就諗，點解名伶咁冇丈夫氣，其實佢早就應該好似而家咁，做師傅，佢老婆做戲幾好睇，可以話係香港第一花旦，唔應該要佢放棄事業，呢啲就係我所知的真相，
花旦仔點解會喺嗰陣時先至講出嚟拜師呢，就係因為名伶師傅乜鳳鳴劇團做唔住要拆檔，另組新班，所以放炓搏宣傳．如果唔係，花旦仔根本唔會話要走，你估佢傻咩，兩杯茶唔飲，飲一杯茶．
花旦仔而家係日校做嘢，好似話幾俾人睇得起，前兩年佢見到八和主事人，眼尾都唔睇一下，但係我喺3月21日，粵劇基金會既新聞發佈會，就聽到花旦仔細細聲咁叫八和主事人乜小姐，呢個係佢以前慣咗既叫法，事實上八和主事人同花旦仔的父母都好熟，佢沙田同粉嶺兩個屋都去過好多次，估唔到粵劇會令人搞到咁，真係該專． |
|
| Re: 請問有無人知道八和粵劇培訓班好唔好? ( No.113 ) |
日期：2007/06/07 02:02
留言者：456
|
唉!greatsnatcher:
你講得無錯真係有人化名留言,話係人地其實講緊自己,從她第一段留言我就知佢係边個,所以回覆留言試她,這世界上有誰比八和主持人知道粵劇界咁多醜聞又咁多口去唱人,現在還在綱上唱,佢係十年如一日,無腦! |
|
| Re: 請問有無人知道八和粵劇培訓班好唔好? ( No.114 ) |
日期：2007/06/07 02:19
留言者：789
|
講吓想爆多啲，等大家知道多啲內幕，唔好係度估估吓，又挾持個人恩怨，話呢個好，呢個唔好．
其實搞到今日八和同演藝咁多爭論，係有原因既．
啲人唔知香港政府係七十年代己經想搞粵劇，嗰陣時係為咗歌舞昇平，仲有少少統戰意味．雖然香港回歸，但係政府文化政策冇變，所以希望搞好香港粵劇，代表香港．
政府一直對八和有啲戒心，因為政府政策，對所有工會性質組織都有戒心．本來政府想搵阮兆輝搞粵劇訓練工作，所以九五喺高山俾咗一舊錢佢搞，啲董事仲包括演藝校長添，點知輝哥有錢身痕習慣不改，搞到一鑊粥，
嗰陣時，本來阿姐都係叫輝哥搞，但係輝哥梗係搵有錢既搞啦．
輝哥搞唔掂，政府只好轉軚搵返八和阿姐，八和主事人嗰陣時仲係學生身份，但係同阿姐私人打緊工賺學費，所以承阿姐之命，幫佢搞個計劃，其實佢嗰陣時乜嘢都唔識，剩係識做研究，一舊飯咁，但係喺當時康文署長，即係後來做咗香港奧運代表團團長嗰個高官支持下，無澄澄攞咗百幾萬幫八和搞返間學院，佢嗰陣時都唔係好敢，又怕俾粵劇拖死搵唔到食，見梁森兒冇嘢做，就推荐佢做副課程主任，由陳守仁做課程主席，佢就留喺中大幫陳守仁做研究，點知人事關係，佢竟然被逼出掌八和學院，其實佢當時少咗三千蚊人工一個月，又冇咗宿舍，都唔知幾咁唔情願，但唔到佢話事．
政府支持咗八和學院兩年，中大校外進修學院本來同八和合辦，但中大嫌管理費用少，八和啲人又有啲內閧，而政府就好希望八和同演藝合辦，所以拉晒線，叫八和主事人同校長見面，八和主事人嗰陣時做慣乞兒懶做官，又黐咗線，想話做大佢，自己搞創作，呢啲就係佢上晒腦，好似啲做大戲啲咁傻，滿腔熱誠走去同演藝傾，促成合作．
嗰陣時八和主事人同演藝都係蜜月期，但係校長要佢一年內搞掂間日校，佢記得初初見校長嗰陣時，校長話最好〔平平地〕搞起個課程，其實而家諗起係好牙煙，〔平平地〕既含義係好複雜．
蜜月期好似颶風襲港，一吹就唔知去咗大西洋邊度，首先係所有工作都攞在八和主事人身上，搞唔掂，負責既副校長就話不如夜校返少啲，但係八和主事人仲戇居居同校長講，只係知道盡責搞好日校同夜校．
各位梗係以為校長要佢搞好日校，攞明車馬吃不溜咀啦，原來唔係咁，而係日校同夜校都唔好搞好佢，
佢既意思就係，最好夜校無疾而終，日校聊備一格，但係最好全面入侵粵劇界，讓學生多一條出路．
佢為學生打出路係好啱，但係點解要日校聊備一格便可．原來學院本來係以西方藝術為主，但逼於形勢，都要順吓政府意思，搞返啲東方文化，何況政府叫八和入演藝，就係希望由演藝挑起傳承粵劇既責任．但係演藝啲學院個個都睇唔起粵劇，個個學院都唔肯同粵劇搞埋一堆，所以校長都冇辦法，只好叫副校長睇住，佢自己都唔係好鍾意粵劇，但學院要攞政府資源，唔可以唔聽政府話．
嗰陣時，演藝學院差唔多有一半畢業生，唔單止畢業即係失業，仲係一失就至少一年半載，就業率之低，令到班高層瞓唔著，所以捉住粵劇呢條水，都係一個方法，至少畢業兼職撈粵劇都唔算失業丫．
點知八和主事人唔生性，仲話搞好佢，唔嗱嗱林摺埋八和夜校，然後自己自盡謝罪，所以得罪晒啲高層，加上陳師傅忌佢會爬上去，又唔俾佢考日校課程主任份職，令到高層對佢都好冇信心，初期副校長都一心想搵隻乖馬仔，對八和主事人呵護備至，周不時送啲小禮物討佢歡心，但係副校長其實一直係演藝炸彈，佢曾經用英文講過，意思喺呢度〔指演藝〕邊個唔係服侍我，佢同啲職員食晏晝，係手下班女最痛苦既時候，慢慢八和主事人又戇居居，以為乜都可以同佢講真話，點知仲得罪咗佢，好似用匯豐百幾萬到蘇州買戲服，間蘇州戲服廠衰到用唔同色既布做兵裝，本來兵裝係下價衫，好多劇團平平地都會要咗，但係佢要收上價，門口明明一個盔頭賣九十蚊，入去就同副校長講賣三百，八和主事人仲揭穿佢，點知佢地送咗啲小禮物俾副校同財務長嗰幾個女人，就乜都冇問題，後來連北京啲衫都係咁，求其發俾人地繡，然後連埋一齊，件衫就特別重同硬，八和主事人仲有碗話碗，有碟話碟，結果俾人批到一舊舊，亦開始失去副校長歡心．
嗰陣時日校都幾多學生，八和主事人重以為做人要講良心，應該培訓本地學生，所以雖然收咗洪海，都會俾機會所有人．啱啱有一個學生，就係後來叫洪君兒藝名嗰個，雖然係十三點蒸生瓜，但十七歲女乜都唔識，佢阿媽就特別麻煩，以為個女係天之嬌女，傳真份嘢嚟俾八和主事人，要學校俾佢個女八點前放學，如果唔係就點點點．點知副校攞係八和主事人身邊隻間碟，封信都唔俾八和主事人睇，就偷偷地俾咗副校睇，嗰陣時洪君兒因病請假一個月，就嚟返學，八和主事人唔知道，批准咗佢復學，副校至丟封信出嚟，話八和主事人唔應該俾佢復學．
八和主事人想，唔通趕個十七歲細佬女出校，就頂轉頭，結果就出現頭先講嗰件事情，後來洪君兒想參加校際粵曲比賽，副校都唔俾，都係八和主事人偷偷蓋咗章，等佢合資格參加，結果攞咗個冠軍，演藝就話點叻點叻，
嗰陣時仲發生咗一件小插曲，但係係大件事，因為匯豐啲靶子未到，副校就要八和主事人簽咗張單，買咗兩萬幾蚊靶子俾日校，錢就係八和夜校，講明佢會同陳主席單聲，遲啲匯豐靶子到時，歸還夜校．點知後來成班女人話冇件咁既事，八和主事人就諗死啦，如果俾人篤出嚟，監都有得坐，都唔知點解佢地咁熱愛學校，連犯法嘢都做，所以偷偷地影印咗張單俾陳主席，表明唔關自己事，最多唔做份工，咁事件發展大家都知道啦，八和有理事要大興問罪之師，話八和主事人失職，但係後來佢地兩公婆又去演藝教嘢，仲話請演藝班學生做幾日戲，仲去埋新加坡添．
大家知道，冇人好似八和主事人咁戇居，會貼錢俾學生做班，呢啲就係食慣無憂米咯死蠢，咁理事紅伶就冇佢咁笨．
結果八和同演藝就更生嫌隙，而政府初期以為八和同演藝會好到兩公婆咁，八和會自動獻身，將夜校摺埋，俾晒訓練權俾演藝．但事實上邊個做主席都唔夠膽將間學院摺埋送俾人，嗰個主席實聽俾人鬧足十世．
其實八和主事人早就睇穿呢一點，但係人家簷下過，所以曾以諷喻形式，勸演藝爭取雙羸局面，但演藝因為從來睇唔起東方文化，而且已經成為傳統，並且成間學院好有階級觀念，所以徒勞無功．
演藝逐漸起咗硬著陸既心，要一口吃掉夜校，陳主席就每次去演藝開會都好似死老豆咁，唔知點算，八和主事人零二年就同佢講，不如走啦，但陳主席冇膽，好想做埋嗰屆就留返俾下一屆搞掂，誰知做吓做吓，八和冇人肯接班，搞到佢都冇晒表情．
後來陳博士仲整份嘢要整死八和主事人，陳劍聲知道咗一段時間，又怕要保密，唔敢話俾主事人聽，到差唔多零三年尾，至話俾佢聽，因為佢怕八和主事人一走，孤掌難鳴，八和主事人就教佢釜底抽薪，話唔識睇文件，推翻份文件，點知政府又蛇were，喺嗰年五月底話可能將高山新建練功場交俾八和，校長立刻可怒也，就鐵筆無情剷走八和主事人，一於硬來合併，好似李國章合併教院一樣．
點解校長要咁做呢，因為政府以八和夜校尚存，一直唔肯俾錢演藝搞日校，搞到佢地將場租收入使咗二千萬咁滯，副校又因為剷唔死八和主事人，被逼提前離職，唔見咗成廿七個月人工，差唔多三百萬，副校係校長忠心馬仔，由理工跟到演藝，又點會唔嬲，
所以一日都係八和主事人阻人發達，至搞成咁，既然豺狼張咀吃你，你唔斬開自己廿八塊，等人地唔使咬，反而楂住碌竹反抗，梗係衰啦！
八和同演藝既生死恩仇就係咁越結越深，但係八和主事人都唔係好憎校長，因為佢係為演藝著想，不過對佢咁睇唔起粵劇，仲粗暴地要改革粵劇，革除鑼鼓就十分唔同意．
而家，演藝仍然受傳統勢力左右，偏偏係呢班無謂人，成日扮嘢，或者挾恩仇故意報復，或者唔抵得鍾意中傷，夾硬差隻腳落嚟，人地套戲點唱都唔知，我都係喺度睇緊基度山恩仇記，其實你鍾意邊間就去邊間學，呢間去吓，嗰間去吓都得，講咁多做乜．
不過，我知道留喺演藝嗰班都好唔脮八和主事人，鬼叩佢企喺三煞位，唔係阻呢個就阻嗰一個，唔知道個個任劍輝翻生，白雪仙翻版，係都話人地唔靚仔，好似由八和走返去演藝，喺女兒香做太子嗰高二寸，成日以為自己係寶玉再世，同高軍短係死對頭，唔順超人地有天份，又關你八和主事人乜嘢事，雖然佢喺零四年明做牆頭草，鬼叫你保證唔到人地有戲學，雖然佢事後鬼拍後尾寢，成日疑神疑鬼以為人地針對佢，呢個就係456個fan，咁你話八和主事人係唔係抵死丫！ |
|
| Re: 請問有無人知道八和粵劇培訓班好唔好? ( No.115 ) |
日期：2007/06/07 02:21
留言者：789
|
456
我都知你係邊個，點解明人就偏做暗事，如果我789講假話，我就咀生瘡，生到死，你敢唔敢丫？ |
|
| Re: 請問有無人知道八和粵劇培訓班好唔好? ( No.116 ) |
日期：2007/06/07 02:35
留言者：789
|
789
唔使要生要死,你死咗邊有咁多是非聽 |
|
| Re: 請問有無人知道八和粵劇培訓班好唔好? ( No.117 ) |
日期：2007/06/07 02:52
留言者：789
|
乜你又係789咩，唔好咀生瘡，生到死呀456． |
|
| Re: 請問有無人知道八和粵劇培訓班好唔好? ( No.118 ) |
日期：2007/06/07 02:58
留言者：789
|
講咁多都係唔想估估吓，唔通你冇聽卨宋向民牙痛咁聲，問點解要厘係台底睇電視打鑼鈸？
八和演藝大決戰仲有排做，你估你我可以左右嗎？
都係嗰一句，鍾意食粥就食粥，食飯就食飯，正所謂同台食飯，各自修行，唔好妒忌人，你唔鍾意可以眼尾都唔睇，係唔係？ |
|
| Re: 請問有無人知道八和粵劇培訓班好唔好? ( No.119 ) |
日期：2007/06/07 10:30
留言者：路人
 |
我睇過下各位嘅留言, 大家何必針鋒相對呢.
大家黎得d度, 都係粵劇嘅愛好者.
不論邊個開嘅粵劇訓練班, 都值得支持一下佢地為走下坡嘅粵劇作出貢獻.
與其係度說三道四, 不如多d去支持粵劇.
仙姐果句'付出唔計較收穫', 大家領略下. |
|
| Re: 請問有無人知道八和粵劇培訓班好唔好? ( No.120 ) |
日期：2007/06/07 11:43
留言者：八卦
|
其實邊個啱邊個錯,永遠都唔會拗到結果,大多數人都會覺得自己所做的是對的!
瘡疤只有越揭越糟! 誰是誰非,俾你爭贏了又如何? 如果係為粵劇前途著想的話, 倒不如在這裡提出一些建設性的建議, 相信有關人士是會看到的! 若看了不反思, 執迷不悟, 是永遠沒有前途的!! |
|
請問有無人知道八和粵劇培訓班好唔好?