 Re: 請問有無人知道八和粵劇培訓班好唔好? ( No.121 ) |
日期：2007/06/07 11:53
留言者：789
 |
點解仲要講，就係唔想唔清楚，死咗都要俾人明明白白．
講番零四年嗰陣，校長鐵筆無情剷走八和主事人，仲話明唔俾佢踏足學院，你話佢幾嬲，連學院大堂係公眾地方都唔理．當然亦係有佢用意．
校長當年同班夜校學生開大會，因為話明唔俾八和主事人踏足，所以只有陳主席一人到場，係人都知陳主席唔識講嘢，有時你講乜佢都唔清楚，咁啲學生就更唔信佢，何況學生都對校長好崇敬，陳主席何許人也，更加睇佢唔順超．
事實上，學生最緊要邊度有得繼續學，理得你地工尺合士上，事實上當時因為拆檔，藝發局雖然批咗零四零五資助俾八和，都臨時加一句，你唔夠學生我地會撤回資助．所以八和係隨時壽終正寢．
喺大會上面，校長又會用美麗言詞許諾，話一定俾兩年時間啲學生學戲，又話自己本來可以自己搞，點點點，呢一番說話，都有人偷偷錄返俾八和主事人聽，八和主事人一聽，就知校長講大話，但係啲學生就唔知．
佢話演藝本來可以自己搞夜校，其實大家都知演藝開辦新課程，都慣咗拿來主義，就係搵一間學院搬離照抄，好似中國舞都係抄中央舞蹈學院，但係人地國家級，得鬼閒理你抄嘢咩，就派咗個姓劉既女老師幫佢，點知劉老師住到差唔多七年，雖然中國舞仲有啲唔穩陣，副校同人事頭都要將佢趕返北京，避免政府機構成為內地人士來港途徑，所以而家洪海可以留喺香港搞居留，都係要多謝祖宗十八代照住．
校長美麗謊言第一句，佢地可以自己搞，如果可以都唔會〔平平地〕啦，何況政府一直要佢平穩過渡，最好取得粵劇界認同，但係校長睇唔起粵劇，所以一於硬著陸，順便幾年都頒幾個院士，壓低八和，使乜同你傾呀．
校長謊言第二句，佢地自己搞夜校，講到佢一樣可以喺藝發局攞資助，其實演藝係唔可以喺藝發局攞資助，因為藝發局係法定機構，相同政府部門之間係唔可將錢俾嚟俾去，所以佢地都好哦政府，因為粵劇發展基金有私人捐款，佢地先至可以申請攞錢，但係一樣最多攞五萬．
政府立意好簡單，我都俾咗一大筆錢你，又有生財條件，好似場租收入，係唔可以話點攞就點攞，但係校長就講到佢好似讓俾八和咁．
校長美麗謊言三，亦都係最重要的謊言，就係俾兩年啲學生學戲，其實佢睇死八和呢次摺梗，佢都諗過度過，鐵筆無情剷走八和主事人，一口吃掉所有學生，八和搞唔起，藝發局俾多多資助都冇用，咁樣佢就算喺場租收入嗰度攞幾十萬，你慌以後冇世界，何況八和一摺，佢就立刻可以明正言順問政府攞錢搞粵劇課程．咁點解佢既係謊言呢，因為佢話俾兩年學生，就係佢plan咗兩年後八和摺咗，咁夜校又摺埋，就剩番日校呢班天子門生，係未來粵劇界接班人，因為佢知道如果邊個接到粵劇接班人個波，政府跟住有好多錢撥出嚟．安撫班學生，整死八和，兩年後就狡免死，走狗烹，咁係唔係謊言，因為八和主事人讀咁多書，又喺政府部門工作過，知佢實知道，實索性扮嬲，唔俾佢踏足演藝，鋪晒路．
最慘係班傻佬學生，一腔熱誠學粵劇，鬼理你地裏面咁多籠了，何況校長名成利就，為乜要呃我喎，如果話佢身為校長，為學院呃吓你係唔係公眾利益先．
點知世事無絕對，因為八和主事人俾陳博士趕到絕，只有向家姐乞求救援，幫佢搵多份工打，就係呢份工，令佢無端端聽到香港一個好成功人士既生意秘笈，佢就抄咗呢條橋，令到八和翻生，第一年危危乎爭取喘息機會，後來佢又調整八和策略，唔同演藝正面爭，另開新天地，搞到八和學院嘭嘭聲，學生同收支翻幾翻，咁演藝至頭痕．
咁兩年過去，校長承諾因為八和尚存，就所以過咗都繼續辦，但係政府就一直唔肯俾錢演藝，其實政府喺九八年嗰陣，已經同演藝講名，最好係平穩過渡，而且演藝亦要調節一下，睇吓有冇成效先至決定搞唔搞，但係嗰陣時校長仲有幾年就退休，佢好想係退休前搞好，令到喺自己手上搞出一間包含東西方藝術既學院，咁就建功立業叻．
因為校長好心急，所以八和主事人九八年一到，就要佢著手籌辦日校，唔到一年時間就招生開波，大家都睇到係好快，所以嗰陣時八和主事人係好辛苦，又點解副校對佢咁好，搞起咗就隨時可以郁佢，所以八和主事人喺演藝日校嗰位都未坐暖，做咗一年就被炒，零零年六月就執包袱．為免陳主席阻頭阻勢，而且佢地一向口生獠牙，都唔怕邊一個，所以佢地就放八和主事人一馬，由得佢留喺夜校，嗰陣時八和主事人乜都睇清楚，亦知道有乜依郁就執包袱，但係佢唔死心，所以就扮楚莊王，乜都唔郁，剩係喺出面搵錢，補返份數，初時仲好搵過演藝，但係陳博士就對佢繼續封殺，要將佢趕離粵劇圈，唔使等佢第二日有機會執仇，因為陳博士已經借啲二，利用程序正義將八和主事人趕離中大，雖然八和主事人，喺中大中文系鄧系主任手到攞到份陳博士既手稿，反而證明到係佢唔識嘢，顛倒黑白，但係八和主事人最衰就係個人太過以為自己係正義超人，喺中大做博士生時，無澄澄走去證明中大中文系常高級教授性騷擾學生，令到常大教授被逼提前退休，嗰陣時仲係平機會前主席張妙清做仲裁委員會主席添，加上佢以前既老師詹伯慧教授，同而家走咗去浸大既吳宏一教授爭中文中文係研究院講座教授之職，咁吳宏一做咗講座教授，常大教授又係佢既荐主，所以八和主事人死咗都唔知乜嘢事．
八和主事人扮楚莊王，人人都以為佢好鬼衰，又懶，剩係識攞人工，佢嗰個助理古玉英，以前都喺大陸廠話過吓事，做過中層管理人員，但係年紀大，冇出路，先至馬死落地行，做只有佢原來三分一至四分一人工既八和助理，佢覺得八和主事人做既嘢，我都識做啦，而且佢嗰陣時只係俾八和主事人低千零蚊人工，佢又知佢我勢，佢睇住佢點俾演藝炒尤魚，所以在人人力爭向上的情況下，佢原來私底下投靠咗演藝胡頭頭．連八和主事人都唔知胡頭頭後尾嗰一兩年有密召佢見面．
演藝本來係一間好政治化既學院，呢啲都一早通咗天，原因係佢既成立，係因為邵逸夫俾咗三億俾政府，政府撥地起間學院，唔係好有計劃咁開始，所以政府開辦之初，係政府部門撥人過去做，各路人馬匯聚，又唔知返唔返得政府做，所以一開始就好政治化，胡頭頭就係咁過檔演藝，所以佢雖然冇大學學位，但係嗰位坐得好穩陣，而且佢話明佢係擁抱〔官僚〕既一個人，事實上佢俾副叻好多，因為副校係富家女出身，從來唔楂車，剩係搭的士，婚姻失敗，寄情工作，諗嘢就冇胡頭頭咁識諗．
你點都估唔到，校長嚴令趕走八和主事人，成間演藝，就只有胡頭頭請佢食飯，仲係走既時候，講咗好多勉勵佢既說話，仲講八和主事人係一個好編劇，應該盡力發展．
呢啲係政府出身政治高手既典範，所以演藝夜校搞唔掂，佢地都要搵佢管埋，但係胡頭頭最緊張兩個仔女，佢亦明白對粵劇要有距離至可以生存，而家究竟係點大家都唔知．
舊年演藝話俾錢夜校，其實喺零四年就已經俾，唔俾根本搞唔起，但演藝俾得少啲，所以學費貴啲，舊年點解忽然話俾，原來校長話兩年，係因為零六年係財政周期完成，零六零七年度點做，要看新財政周期，但係政府點都唔俾錢演藝搞粵劇，是因為政策所限，如果演藝唔係單一傳承者，或者搞唔好，佢都唔會俾，政府都有政策所限丫嘛．
所以演藝冇辦法，就將夜校納入日校一部分，所以好似夜校有咗演藝正式資助，古玉英喺零六年粵劇日見到八和主事人，都特登單一聲俾佢知，其實即係話仲有排玩，但係佢唔知高層咁多內幕，到底佢都係冇機會坐過校董會議會議，點可能俾八和主事人知道咁多，又唔知政府隻棋係點玩，唔同八和主事人後生嗰陣同玩過地區政治，又喺政府部門踎過一兩年．
但係演藝都有佢既政策，呢啲包括成立演藝學院時既法例，嗰班校董都唔可以話點就點，要跟指引同政策走，所以演藝就出現咗個難題，就係唔可咁資助夜校學生，結果係一就摺咗佢，一係改為好似專業訓練課程咁．
摺咗佢即係輸晒，所以只得一條路走，唔理係唔係換湯不換藥，都要搞到好似專業課程，因為唔係咁搞就唔得，但係夜校班師奶阿叔係唔係嗰個水平，就唔理咁多，亦唔可以理日校既反對聲音．因為呢件事對日校學生好大傷害．
而家有班盲毛阿婆以為有好嘢，有啲八和舊生仲話趁此機會，撈番將沙紙，等第日可以喺中小學教吓粵劇，其實佢地都係冇腦，唔該睇吓而家喺中小學教戲劇啲演藝畢業生，雖然政府猛話要活動教學，創意思維，但係演藝高級文憑既學生都唔夠資格教書，除非好似上水風采中學，設立一個戲劇經理咁既位，否則都係喺中小學打散工，通常排一個戲都係都五至七千蚊，但係要做成三四個月，十二至十六堂，四五百蚊一堂，三個零鐘頭，絕對係辛苦錢，而且要等運到，唔識人都冇得撈，咁又何必要俾七萬六千蚊學費，捱四年至撈得呢份工呢，其實即使冇張沙紙，如果有演出經驗，人地都會請，你估好多人願意全身投入咩，都係打散工咁．
八和呢一邊都有啲問題，尤其是八和主事人早就厭倦呢啲爭爭鬦鬦，尤其係班無厘頭戇居學生，自己投誠演藝，為了表現自己是對的，就永遠堅持，其實唔好話投誠邊一個，你投誠八和又點啫，好似八和主事人，早就頂唔順班八和理事，咁有利益沖突，都喺個會牙斬斬，成班只係顧自己，連陳主席都話想唔做，其實佢都係有啲想，但係當然佢亦有自己既盤算，而八和理事會裏面二五仔之多，根本唔可以同演藝校董會班人比，但係演藝班人根本唔識搞粵劇，呢啲又係佢地既缺陷．
而家演藝要搞好粵劇，根本唔可以平平地，因為八和尚存，佢連衣箱錢都焗住俾多一兩百，唔似以前副校逼八和主事人，每個衣箱減五十蚊，但係演藝如果搞得成，而家呢一班唔係演藝出身既就聽死，所以係生死競爭，而且有時都擔心傳統會唔會咁就俾演藝一鋪洗晒，唔好以為冇咗傳統就會變僵屍，你有冇睇吓內地啲戲曲，一樣俾幾次戲改改到面目全非，而家內地粵劇仲要重金禮聘話劇導演執導，〔花月影〕明明冇人睇，仲要係大學做，又話一蚊睇大戲嚟做推廣，其實係谷演量同觀眾人數，費事話投資咗上千萬得個吉，啲領導人又炖冬姑，將來香港好似咁都唔會死，康文署買親都係呢啲戲，你唔睇就咪睇．
咁粵劇係唔係唔使改革，八和主事人就最鍾意改革啦，
梗係要改革啦，三十幾場帝女花，啲人仲扮嘢話好睇，八和主事人以前最初都係睇雛鳳，乜都唔識嗰陣時都好虔誠，但係雛鳳拆檔時，佢睇阿刨做到欺晒場都好唔鍾意，但係冇辦法，阿刨都係冇出路，而家做返帝女花，梗係唔及西樓咁有心機，呢個唔係劇本好壞，而係帝女花佢一早就做厭咗．
而家啲大戲多數係阿麻級，社會進步，唔改革一檥係死，但係要摸住石頭過河，好似鄧小平咁，就長命百歲！ |
|
| Re: 請問有無人知道八和粵劇培訓班好唔好? ( No.122 ) |
日期：2007/06/07 13:48
留言者：不明人
 |
一個問題加一個建議:
點解789打字快得咁緊要;不如出書,方便人睇,又可為香港粵劇培訓史添一註腳... |
|
| Re: 請問有無人知道八和粵劇培訓班好唔好? ( No.123 ) |
日期：2007/06/07 14:13
留言者：789
|
因為我只係識打字，而家楂起支筆都好易手軟，最快紀錄係一日打三萬幾字，想過如果冇得撈走去打字都會搵得啖食卦，你請唔請我丫？
出書就咪搞，香港出一本蝕一本，你出過書味，我都出過十本八本． |
|
| Re: 請問有無人知道八和粵劇培訓班好唔好? ( No.124 ) |
日期：2007/06/07 14:19
留言者：789
|
我想問點解456冇留言密碼都可以用789個名留言？留言116係456嚟，係唔係可以用人地個名呢？
有時都好感嘆，文無第一，一牽涉入粵劇就是非多，其實八和主事人仲細過456，但係佢就見到八和主事人就客客氣氣，用假名就大聲大氣，呢啲或者係用假名好處，如果唔係都唔敢爆料，容乜易屍骨無存兼俾人暗殺．
|
|
| Re: 請問有無人知道八和粵劇培訓班好唔好? ( No.125 ) |
日期：2007/06/07 14:44
留言者：789
|
費事人地又話我打字打得快，所以用多幾個格．
其實好少上網咁打嘢，到而家都唔夠五次．但係想講吓粵劇大學既問題，暢所欲言都唔錯，有啲建設性．
你話要唔要粵劇大學呢？
梗係要，從長遠角度嚟睇，有粵劇大學必定對粵劇發展好有利．
咁係演藝做呢定係八和做，還是另外開一間呢？
且聽道來，
八和同演藝，梗係演藝有條件啦，因為佢係現成大專，一切硬件設備已經有喺度，而且佢初級同高級文憑課程，八和主事人喺九八至二零零零年，都同佢花咗兩年時間寫咗出嚟，仲過晒會，又實行咗，雖然劉洵唔係好跟，自己鍾意做乜就做乜，但改吓都可以繼續發展．
不過，演藝最大既問題都係喺呢度，佢本來就係一隻大怪獸，一個新開課程喺佢裏面都開唔到花，結唔到果，仲搞到一鑊泡，你就可知係幾咁困難，好似階級觀念咁，啲演藝夜校生，都唔知自己一直受到歧視，因為佢地唔知校董會啲人話呢班人咁老，培訓嚟把鬼．雖然佢地睇唔到日校都係四十幾歲都收唔少，但係呢啲係〔燈下黑〕，睇唔到自己點衰．
另一方面，而家都冇人肯去演藝擔起個課程，因為班佬倌都漸漸知道係咩一回事，你叫佢去教十堂八堂，貴貴地佢地都制，你叫佢去咩，你又話佢地冇沙紙，點都唔可以俾好高價錢長工人工佢地，而且佬倌知道價值在於演戲，除非收咗水，但係收咗水都唔想綁死自己，所以而家係好唔掂，暫時由張秉權同胡頭頭負責住先，許副就乘機匿埋，因為佢本嚟係用嚟揹鑊，所以佢知道有得避時就幾大都避，如果唔係都唔會喺理工加成一倍人工請佢返嚟等死啦．
八和想搞而家都冇可能，首先佢地仲係妾身未明，都未甩得晒難，離安定繁榮仲有距離，第二行政團隊不足，你估八和主事人係超人，雖然可以照抄佢同演藝寫嗰份課程大綱，但係都要有咁上下資源至做得，雖然資源係可以搵，但係要搵一間大學既資源唔容易．呢啲都係有可能解決得到既問題．
八和最大鑊就係班理事，啲人成日都唔明，以為冇人監管八和主事人，而事實偏偏係八和主事人如何抗拒八和理事啲無理干預，同埋係唔係都想斬一大舊，尤其是新上場副主席，零四年就想趁八和摺埋，招兵買馬，刮一群學生搵錢，但係唔想吓自己幾多料，以前去演藝巡堂就俾死咗老師窒，原因都係窒佢冇料到．最慘係呢班理事有一句口頭禪〔我地有乜利益先〕，有時呢句說話亦被解讀為〔八和有乜利益先〕，但係八和利益就即係佢地利益，所以八和都俾呢班千年理事拖死，阿姐都玩殘就咁解．
不過政府都唔笨，前兩年藝發局明令八和學院要開放校董會，加入外界人士，佢地都冇辦法開放咗，初初以為要通過同人大會，但係原來係可以唔使，佢地都有個名單，如果八和學院可以打破千年校董會局面，搵多啲錢同埋穩定啲，會俾演藝好啲．
第三係唔係可以整間新既呢？當然係可以，但係政府會唔會俾你咁做，如果得，白紙開始係最好，但呢個係目前最難既辦法． |
|
| Re: 請問有無人知道八和粵劇培訓班好唔好? ( No.126 ) |
日期：2007/06/07 14:44
留言者：八卦
|
睇完789咁大篇留言,雖然唔多知佢寫咩野(因為我對八和與演藝的舊仇新恨不太清楚!),但真係有d感慨!
每個機構都會有不同的問題,八和當然不會例外! 學生有問題,課程有問題,管理更有問題,互相責罵無補於事! 再說,打跨了八和,對粵劇界並沒有什麼好處,我們喜見的是八和的健康成長!
如果大家還愛惜粵劇這藝術的話,希望能透過呢個討論區的意見,各方認真反思,為這久延殘喘的粵劇打打氣,這才是粵劇界的褔!! |
|
| Re: 請問有無人知道八和粵劇培訓班好唔好? ( No.127 ) |
日期：2007/06/07 17:06
留言者：CK
|
我個人贊成多幾間粵劇學校,有競争才有進步,等學員有得比較那一個好就去那一間,例如聽說文干崴,漢風,都幾好,政–府應該支助它們. |
|
| Re: 請問有無人知道八和粵劇培訓班好唔好? ( No.128 ) |
日期：2007/06/07 17:17
留言者：789
|
千歲粵劇學院都算幾好，但係係要有番啲家底至好去學，如果要政府資助，佢地都唔係好想資助私人名義既學院，呢啲唔止係粵劇界，其他界別都係，所以政府唔會資助毛妹芭蕾舞學院．
同樣問題，漢風都係咁，而且梁漢威如果要搞，一早搞咗啦，因為邊一個搞教學，都要預咗藝術生命到此為止．所以佬倌係唔會輕易教學，漢風點解剩係搞唱，就係梁漢威唔想咁辛苦，影響自己演出． |
|
| Re: 請問有無人知道八和粵劇培訓班好唔好? ( No.129 ) |
日期：2007/06/07 18:50
留言者：789
|
點解唔見咗456，係唔係講真話就要匿埋，你同八和主事人係上環食飯嗰陣仲好好，點解咁就變成咁，唔通四百八十元學費資助就咁大仇口？
初哥：
等我話俾你聽點解老非之流咁憎八和學院，又話人地腐杤到冇得救呢？八和主事人有一個朋友叫做袁纓華，都可以算係一齊出身，八和主事人仲同佢寫過一出新戲，佢地兩個到而家都冇乜問題，但係喺零六年有一次高師姐同陳嘉鳴做八和主事人編既〔樓台會〕即係後來既〔山伯訪友〕，袁纓華睇完就好嬲咁離場，但其實高師姐同八和主事人都冇得罪佢，事後亦冇乜大問題．
對唔住先麗華，以你為例，但係你確係有人性既表現，因為知道你嬲係有兩個方面，其一係唔抵得高師姐，其二係問點解自己學咗咁多年，都及唔上一個新人呢？
就好似羅家英同你講到你喊，你失咗既係時間，睇到後面有人追上嚟，又嬲人地，又嬲自己．
而家唔關你事啦．有啲人就唔同，嬲自己不如去死，咁就嬲啲比自己得既人，仲要嬲埋俾機會佢既人或機構．
456初初得到八和主事人支持，喺死咗師傅手上爭取到演出半出〔平貴別窰〕，佢好多謝八和主事人，但係佢唔知八和主事人係要將機會俾一啲人去試吓，事實上佢亦冇話擦鞋，又冇話請食飯，但係人就係咁怪，好似做咗主角，就唔可跌番落嚟，做一兩次二幫就冇乜所謂，如果係話自己不足，情感上就接受不來，憎嫌之心頓起．
咁有啲都冇入到八和，點解又咁嬲八和，其實我都唔知點解，好似係呢個話題之前，叫人去鵝頸橋跟鄭詠梅學戲嗰班，八和都有鄭詠梅開班啦，點解要鬧八和呢，其實佢地係一班學粵劇既游離份子，喺金玉堂零四年搞駐場計劃嗰陣時就跟鄭詠梅學，亦冇同高師姐有任何學戲瓜葛，但係佢地多數學咗十幾二十年，唔知係唔係個人先天既妒忌心，所以就好憎八和俾一啲有機會既人出頭，所以極力謾罵．
第三，佢地覺得八和攞咗粵劇界個大餅，好唔公平，我都覺得係唔公平，因為任何人有乜嘢資肋，對有資助既人就可以話唔公平；不迥，佢地有冇想過點解人地有資助，係主動爭取還是從天而降，唔好覺得自己唔攞就係好清高．
再者，請看看八和粵劇學院拿了多少資助，藝發局今年開始先至俾七十萬多一點佢，舊年都係六十幾萬．
多唔多錢？唔算少，亦唔算多，要養成十幾人，咁點會夠．八和主事人今年係街外撈到差唔多二百萬，所以佢家姐都問佢，點解你唔用自己既團體攞呀？佢答佢家姐，有啲計劃只能批一個，就算肯批兩個，佢都做唔切，而且喺呢啲計劃裏面，八和會俾返啲錢佢，不過可能得佢原來攞既一半．
人有時唔係只係有錢，冇錢梗係唔得啦，但係要有一個目標，而家食都唔食得多，只好寄情工作，又冇欠債，啲樓又供到差唔多就算啦．
不過，人地就唔同睇法，點解啲資助俾你攞晒，所以又憎你．
呢個話題唔想講，都係就此打住．頂唔順啲衰人． |
|
| Re: 請問有無人知道八和粵劇培訓班好唔好? ( No.130 ) |
日期：2007/06/08 00:20
留言者：789
|
點解仲係冇人講嘢既，係唔係爆真料就冇人敢出聲呢，人人都估估吓又唔敢出聲？ |
|
| Re: 請問有無人知道八和粵劇培訓班好唔好? ( No.131 ) |
日期：2007/06/08 00:50
留言者：789
|
講開又講，八和主事人最近開咗個課程，會教人攞錢，好多人就慕報名，仲爆晒燈，剩番三幾堂都仲有人話要插班，但係有啲人就一定要人教佢點寫計劃攞到錢至心息．唔知道呢個計劃係八和主事人買班八和理事怕，幫佢地搵錢既計劃，頭尾連籌款演出搵咗七萬蚊，班老嘢至話唔郁佢．所以八和主事人話明只開一次，下不為例，你估佢好開心咩．
八和主事人係想教一班行政人員出嚟接班，唔想嗰啲老不死霸住晒啲位，點知都係冇乜人材，其實係有都唔願意入行，都係想搞掂自己個細團就罷就，但係而家基金會差唔多識得伸隻手埋去都攞到錢，雖然呢個現象可能最多係維持一到兩年，但係搵錢玩吓又使乜學行政丫，學行政應該係要學點樣唔使政府錢，自己賺到錢，
八和主事人最近最巴閉就係叫鄭詠梅同大陸細班做戲，剩係請倨李秋元幫手，竟然滿座兼賺錢，其實佢初初都驚蝕錢，所以都入咗計劃去基金會，但係基金會唔批，話唔支持佬倌做戲．佢與起上嚟，就自己搞，都一樣掂．
其實，啲人學戲都係想做戲，不過八和主事人都睇到，基金會遲啲啲錢都係撥返俾啲佬倌，除咗八和同演藝的新秀，可能都難啲攞錢，所以一定有人覺得唔公平，又點解啲人係都要喺八和同演藝揀啦．
但係佢地又唔夠八和主事人咁精，肯同啲學生爭埋用八和嗰名，演藝係唔可以隨便用演藝個名註冊，咁佢地私人組織既團體就一樣唔容易攞錢．
事實上，佢同學生爭取用八和兩個字，都要過五關斬六將，俾班八和理事哦到一舊舊，呢啲就知道佢係唔係真心幫學生．
其實，八和係一個有商譽既招牌，能夠善用，係可以幫到好多有興趣發展粵劇既人，希望八和班理事，尤其是年青力壯嗰批，努力啲，唔好剩係諗自己有乜著數，咁發展粵劇既成數又會高啲． |
|
| Re: 請問有無人知道八和粵劇培訓班好唔好? ( No.132 ) |
日期：2007/06/08 09:54
留言者：路人甲
|
唔係無人敢出聲,係無人好似妳咁得閒又好文采,打字又快啫,抵妳做編劇! 
如果八和主事人真係想搞好粵劇,搞好八和,應該在行政上落多一點功夫,唔好再怨理事點顧私利,老師傅點難推動等等客觀難題,反而檢討吓過往失誤之處更為實際,其實這正值是管理人的智慧發揮時刻!! 或者先試吓搵學生會/舊生會俾吓意見,搞好課程,調整學生歸屬感,相信主事人的努力,學生是會看到的,得到了學生們的支持,理事會上都會好說話!!
或者是我無知之見! 見諒!!  |
|
請問有無人知道八和粵劇培訓班好唔好?