[粵曲大笪地] 曲友回應專頁 (三) 日期：2013/05/04 19:44 留言者：阿立﹐思菩 電郵：ceipui@gmail.com 不經不覺 [大笪地] 已運作了數年, 小妹自兩年前開始接手管理, 在得到一眾曲友的大力支持下, 一直以來都算風平浪靜﹐而偶有波瀾, 都只可算是小插曲, 無損大家對投曲者的支持和鼓勵。評曲的曲友及被評的曲友相處得倒算得上和諧融洽﹐實令我們感到十分欣慰﹗ 繼續的將來歲月裡, 此專頁仍然需要各位曲友的鼎力支持﹐希望在大家對投曲者的支持和鼓勵之下, 有更多的粵藝愛好者積極投曲, 被使我們能夠聽到更多更好的佳作﹗ 按此進入粵曲大笪地 請注意： 1) 各曲友的回應，無論正面或負面，全屬個人意見，祗供作參考之用，如需精確詳盡的品評及指導，演出者應詢問其專業老師。 2) 本專頁衹為回應唱曲而設，我們會刪除所有無關的留言，而且要求會比所有其他留言區嚴格，請諒。 3) 嚴禁惡意批評對唱曲回應的曲友，所有此類留言，均被視作不友善及可能會被刪除。 4) 嚴禁用化名自己評自己的曲, 犯規者的曲目會被下除。 5) 注意事項： 當你填上平/子/曲名/城市資料後 1 - 莫忘填上正在或將在上演曲目編號 (if applicable) 2 - 點擊其中一個投曲方式： [上 載] 或是 [電 郵] 3 - 若[上 載] 便請按 "Choose File"；若[電 郵]，完成登記投曲資料後才把曲寄給我。 4 - 無論任何方式都要按 [Submit 輸入]來登記投曲資料 過往回應可在此重溫﹕ [粵曲大笪地] 曲友回應專頁 (二)

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79]

< 回上一頁

Re: [粵曲大笪地] 曲友回應專頁 (三) ( No.597 ) 日期：2011/02/25 23:07 留言者：雲 小妹在【大笪地】登出練習曲《梧桐深院鎖清秋》，未播出，先自評； 小妹自己返聽，發現了一個問題，就是【士工慢板】唱段 唔夠 “工”、唔夠亮 ...... 年前課堂上 有同學 向 劉老師 請教 何之謂 有粵曲味？ 劉師 應曰：唱士工有士工味，唱乙反有乙反味。 小妹唱【士工慢板】唔夠 “工”，是故 聽來聽去 總覺 唔似樣 ....... 小妹試以此自評之角度，套入評論 黃炳智君 之《離鸞秋怨》； 上次 黃君 唱《期待今宵》，小妹提議 乙反唱段 要收暗來唱； 而此曲《離鸞秋怨》【醉酒】之後接【士工慢板】， 小妹感覺 此唱 唔夠“醉酒”、唔夠“士工” ..... 哈哈！好似 講o左等於冇講o既廢話，看官請勿見怪 ~~！ 朝朝雲 敬禮 Re: [粵曲大笪地] 曲友回應專頁 (三) ( No.598 ) 日期：2011/02/28 18:19 留言者：話撻詩 749 三策論乾坤 平喉︰發口及歸韻清晰，字音力度夠，有啲字嘅輕重可以聽到，字韻出得幾完整；但個別字音唔多正，儘管如此，露字功夫仍算唔錯。行腔方面，欠圓滑，強弱節奏感唔多夠。拉「吖」腔時，感覺係聲多氣少，但使氣上鼻的「n (吳)腔」又拉得幾好喎，唸白則自然流暢。 ＜士工首板＞ 「起伏心情…(六工六上)…如潮湧」 唱卡拉OK嘅難處就係咁，唔似生樂有追腔，所以時間好難控制，唱完「起伏心情」，音樂 (六工六上) 未能緊貼追上來。當然唔關唱者嘅事，但多少會影響曲情嘅緊湊。 ＜士工慢板＞ 「衾寒斷客夢，怕聽鳴蛩，朝來獻策楊司空，力能舉鼎當大用」 「客(haak3)」字咬得唔係幾正。 「怕」字落在「板」位應較現時好聽啲。 「鳴(ming4)」字首的合口嘴形 m (唔)及尾韻 n 交代得好清楚，其他唱段字音聲母屬(m)都做得好。 「力(Lik6)」字出得靚，聽到聲母(L)嘅邊音，發口清晰。其他唱段聲母屬(L)的字亦出得唔錯。 「策」、「能」及其他唱段的「百」字咬得唔係幾正。 ＜口白＞ 「哦，原來是紅拂姑娘，有禮，咦，何以易服相訪呢？」 口白講得幾自然。 ＜減字芙蓉＞ 「如今中原羣逐鹿，烏鵲南飛擇木難容」 自然流暢，字音有輕重，有感情。 「萍踪飄泊時枉送，鴻圖霸業尚矇矓」 「鴻圖」兩字平均分配在「叮」位後半拍及「霸業」兩字平均分配在「板」位會較現時好聽啲。 ＜反線中板＞ 「進退維谷……冀時勢造英雄」 發口及尾韻清晰，字音有輕重，有感情。 ＜錦城春＞ 「……誰獨領風騷困滿胸……蓄勢伺機有待時移動」 「滿」字應先唱六(5)，再拖腔出工(3)，唔應唱成「悶」工(3)；「移」字音不清，「時移動」好似唱成「時時動」咁。 ＜流水南音＞ 「……夤夜造訪言相共……」 唱得唔錯；但「造訪」應唱「醋訪」，唔應唱「灶訪」。 ＜反線二黃＞ 「感銘五中……合譜撫絲桐吖……」 「吖」長腔唔够靚，欠圓滑。 子喉︰運腔與感情皆保持水準。唸白方面，有啲部份就唔係幾自然，較前唱[秦淮冷月葬花魁]及[孟姜女尋夫]遜色。部份唱段字音仍有短速加力而引起發聲稍大嘅問題。 ＜反線塵拂詠＞ 唱得唔錯，好的開始。 ＜七字清＞＜花上句＞ 「涼風送……」 「夤夜別宮，遽然步履縱」 「月」、「離」、「寵」、「易」、「遽」，嫌發聲力度稍大。 ＜口白＞ 「李公子……」 「子」 字尾音吊高，聽落唔係幾自然。 「我乃楊司空府中執塵拂者，名喚紅拂呀」 「我」字稍微跌墜，與隨後的口白音調唔係幾配合；整句語氣都好似生硬咗啲喎。 ＜減字芙蓉＞ 「當與韓彭稱伯仲」 「韓」字點解唱成「紅 (hung4)」音嘅？ ＜反線中板＞ 「楊素早失寵……冷眼望隋宮……」 唱得好動聽，運腔純熟，有韻味，有感情，「咦」長腔也不俗。 ＜長二黃＞＜錦城春＞ 個別字音力度稍大，影響聽頭，表現不及＜反線中板＞。 ＜口白＞ 「……實為上策」 「……於願足矣」 「策」及「矣」字聽落唔係幾自然。 ＜反線二黃＞ 「……埋沒綺羅……」 唱完南音入反線二黃，技術純熟，悅耳動聽，這唱段完全沒有字音力度過大的問題，證明妳可以做得到。 整體而言，兩位演出算唔錯，但曲藝無止境，Joan 曲友宜在行腔方面放多啲心思；Pauly 曲友的短期目標應是在吐字清晰與用力發聲之間攞到個平衡，希望妳們能突破瓶頸，曲藝更上一層樓。 Re: [粵曲大笪地] 曲友回應專頁 (三) ( No.599 ) 日期：2011/04/11 00:42 留言者：pauly 多謝話撻詩曲友花時間收聽拙唱，給我們詳盡分析此唱， 萬分感謝 ！　真是字字千金！ 平喉的發音問題，定當努力改進，對閣下給予之評語，十分認同。感謝！ 我本人對此唱亦不甚滿意，閣下正好一一指正本人此唱之毛病，　此曲對我有一定的難度，　我尚未能揣摩到如何演譯紅拂這角色，希望能假以時日， 把此曲唱好　！ 閣下的評語對歌者十分重要，本人定當珍而重之，　努力改進，謝謝！　希望能夠繼續得到閣下的批評及指正。 Re: [粵曲大笪地] 曲友回應專頁 (三) ( No.600 ) 日期：2011/03/02 12:48 留言者：話撻詩 Pauly 曲友，前唱[孟姜女尋夫]及[秦淮冷月葬花魁]顯示出妳處理唸白有一定的功力。今次曲中人截然不同，正如妳說，尚未能揣摩到如何演譯紅拂女這角色而已，相信假以時日，定能做到。在聽眾的立場而言，好的唸白，朗誦化之餘，最緊要就係自然嘞。無論如何，記得以後要多啲放曲上大笪地喎！ Re: [粵曲大笪地] 曲友回應專頁 (三) ( No.601 ) 日期：2011/03/03 01:31 留言者：pauly 多謝話撻詩曲友的讚賞和指導，我只是盡力將曲中人物演譯出來而矣！　 有評曲人在此，　我一定投曲！ Re: [粵曲大笪地] 曲友回應專頁 (三) ( No.602 ) 日期：2011/03/07 19:03 留言者：菽荅 771# "蘇小小之離魂".??? Re: [粵曲大笪地] 曲友回應專頁 (三) ( No.603 ) 日期：2011/03/22 08:40 留言者：yuet #771的曲名應是蘇小小離魂吧? Re: [粵曲大笪地] 曲友回應專頁 (三) ( No.604 ) 日期：2011/03/22 09:45 留言者：yuet #773梅宮畫中魂的子喉雖然聲底薄了一點,但有唱粵曲的腔和韻味.拍穩,線準. 這樣短的曲齡(4-6),一定下了不少功夫或有名師指點. Re: [粵曲大笪地] 曲友回應專頁 (三) ( No.605 ) 日期：2011/03/26 02:32 留言者：玉琼 yuet , 多謝收聽#773 , 本人原先唱平喉的, 開口唱曲約在十一 二年前在'夏威夷', 但在五年幾前因病遷居 '拉斯維加斯' 之後就唔可以每個星期去唱曲了,況且 '拉斯維加斯' 冇曲社的, 不過剛剛兩個月前己經康復, 在這幾年因病程反覆, 天天在家, 就因這樣 我只好日日練曲, 希望容易過日, 又可以忘記病痛, 我的情況 都唔知 算唱咗幾多年曲! 我轉唱子喉 都係因我唱過的曲 只得約三十首, 想在網夾曲打發時間的, 但短短時日 就將我唱過的曲 都夾唱完, 所以就連子喉都唱. 又約在三年前 '夏威夷' 的朋友來探訪, 期中有位係粵曲前輩 指點我唱曲 如何- 咬實啲字 發聲 用氣! 至於係唔係名師,我本人覺得都無所謂, 最重要係 表達得到, 領悟得到 就足己令你一生受用. 在這裡多謝曾經指點我唱曲的有心人, 我會繼續練曲的, 謝謝! (本人學識淺薄,以上的字如有錯漏請多多包涵! 多謝!) Re: [粵曲大笪地] 曲友回應專頁 (三) ( No.606 ) 日期：2011/03/22 18:06 留言者：yuet Hi 玉琼, 希望你多放歌在網上, Yuet Re: [粵曲大笪地] 曲友回應專頁 (三) ( No.607 ) 日期：2011/03/23 15:28 留言者：檀郎 電郵：hhwong555@yahoo.com.hk 唱翻平喉才是正路。 Re: [粵曲大笪地] 曲友回應專頁 (三) ( No.608 ) 日期：2011/03/23 17:54 留言者：yuet 電郵：yuethomok@gmail.com 在下也洗耳恭聽玉琼的平喉唱曲

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79]

< 回上一頁

- 阿立粵曲天地 -
聲明