 Re: 雲雨巫山枉斷腸的兩個版本 ( No.66 ) |
日期：2010/09/06 12:49
留言者：guan
 |
玩完音樂社回來，睡不着，又來噴口水。說是廢話，也是事實。畢竟功夫在手，比如學豉味者，能學到三成似，也勝過千言萬語。
此宜與知音者道，不足與外行人語。
_____________________________
呵呵！人人都想学豉味腔而又学唔到，老郎兄竟然学到，重有三成咁多，你都算好嘢咯！不过...唱豉味曲同唱豉味腔系唔同架，千祈咪搞错噃！
刚刚文兴发，写咗对对联自嘲一番，送埋比檀郎兄欣赏，莫嫌有污清鉴．
上联：慢笑外行，纵外行，不外行
下联：休言专家，比专家，还专家
横批：说比唱易
|
|
| Re: 雲雨巫山枉斷腸的兩個版本 ( No.67 ) |
日期：2010/09/06 13:30
留言者：廢話
|
| Re: 雲雨巫山枉斷腸的兩個版本 ( No.68 ) |
日期：2010/09/06 15:01
留言者：檀郎
電郵：hhwong555@yahoo.com.hk
|
我不会唱曲，Guan兄会错意了。
对子要讲平仄。 |
|
| Re: 雲雨巫山枉斷腸的兩個版本 ( No.69 ) |
日期：2010/09/06 15:16
留言者：檀郎
電郵：hhwong555@yahoo.com.hk
|
寂夜敲詩舊绪縈，捫心未悔采薇行。踏歌好送春歸去，起舞欣如蝶夢成。
時多風雨青衫濕，世没英雄豎子名。又見繽紛花落也，天涯白髮獨飛觥。
求同存異吧。交給朋友！  |
|
| Re: 雲雨巫山枉斷腸的兩個版本 ( No.70 ) |
日期：2010/09/06 19:20
留言者：raymond
 |
阿關專咬呂洞賓
認真不知好人心
老關呀老關, 你認真係有眼無珠囉, 好歹不分, 唔識嘅又認親認戚.
又以為同你自己識得很久的朋友, 卻原來比蕉皮你踩,
辣著火頭後就厘埋, 來一個隔岸觀火, 推你落火坑, 嚡......!
我同老三係幫你嘅, 提醒你, 但你仍昏睡於冧中. 無法!
話得說回來, 你倆確實是一雙認識已很久的兄弟!  |
|
| Re: 雲雨巫山枉斷腸的兩個版本 ( No.71 ) |
日期：2010/09/06 19:41
留言者：guan
|
豉味風格，唱腔忍而內歛，
一若蹯根老樹，細韌綿長，
行腔似有若無，似無實有，
高而不噪，低而不浮，
蒼凉蕭颯，九轉迴腸，
跟一般的 “開水喉” 式唱法，截然不同。
－－－－－－－－－－－－－－－－－－－
几许成名唱家不是忍而內歛？连林家声呆都可以话他唱曲忍而內歛，唔通薛腔又有豉味囖？
〔一若蹯根老樹，細韌綿長，〕──有曲友讥讽为难道老人唱老腔=豉味？！一语中的！
李向荣是什么时候获得豉味歌王的称号架？难道是老年的时候？他是什么时候灌唱片云雨巫山枉断肠架？该唱片演绎的唱腔是否豉味腔？大家有没有老樹盘根的感觉？呆就没有了！
边个老人唱老腔唔系〔一若蹯根老樹，細韌綿長，行腔似有若無，似無實有，〕架？白驹荣，靓次伯，廖合怀，白龙珠，马师曾等等，等等！甚至呆话半日安都有老樹盘根的感觉噃！唔通他们都是唱豉味腔的？
所谓〔高而不噪〕，豉味曲基本就无甚高子，何来高而不噪？
〔低而不浮，蒼凉蕭颯，九轉迴腸，〕个个成名的老唱家唱抒情一点文曲的时候大都如此！白驹荣，杜焕，刘就，靓次伯，陳鑒，边个不是？
现在讨论的是平喉，又不是大喉，边个成名唱家的平喉是“開水喉”架？
|
|
| Re: 雲雨巫山枉斷腸的兩個版本 ( No.72 ) |
日期：2010/09/06 20:29
留言者：ming
 |
讓我也來趁熱鬧。 
李向榮雲雨一曲是在1958年在新聲唱片公司灌錄，擔任這曲的音樂領導是王者師先生。當年李公約五十一、二歲。據說約在57年李公在電台播音演唱這曲，梁以忠聽後十分讚賞，便邀請他到其開設的新聲公司灌片。
至於豉味一詞，有一說法是鄧芬所賜，原意是像醇厚的豉味玉冰燒，不會嗆喉。
小弟不會喝酒，並不太理解。
講錯勿插。
 |
|
| Re: 雲雨巫山枉斷腸的兩個版本 ( No.73 ) |
日期：2010/09/06 20:58
留言者：raymond
 |
所以話你老哥又唔識唱嘢, 又唔識玩嘢, 祇會扮嘢, 真係無錯架!
边个老人唱老腔唔系〔一若蹯根老樹，細韌綿長，行腔似有若無，似無實有，〕架？白驹荣，靓次伯，廖合怀，白龙珠，马师曾等等，等等！甚至呆话半日安都有老樹盘根的感觉噃！唔通他们都是唱豉味腔的？
扮嘢! 又踢爆你先, 你根本都無聽過 靓次伯，廖合怀，白龙珠，马师曾 佢地唱嘢架? 佢地根本唔係果種風格.
所谓〔高而不噪〕，豉味曲基本就无甚高子，何来高而不噪？
自認識唱嘢嘅就不妨試唱一下 "離鸞秋怨" 果段龍舟吖, 唔唱到你氣咳就問我!
〔低而不浮，蒼凉蕭颯，九轉迴腸，〕个个成名的老唱家唱抒情一点文曲的时候大都如此！白驹荣，杜焕，刘就，靓次伯，陳鑒，边个不是？
又亂咁拋, 小心漁農處抓你....晦氣呀! 杜焕，刘就，靓次伯，陳鑒 等的演譯方式, 全部偏爽, 又豈有低而不浮，蒼凉蕭颯，九轉迴腸之效呀!
又不妨試吓叫家陣呢班所謂名家唱吓, 睇吓點!
现在讨论的是平喉，又不是大喉，边个成名唱家的平喉是“開水喉”架？
有一班所謂的成名唱家, 又有一班好似阿老關你咁無料又鍾意聽水喉歌嘅擁躉, 咁咪造就咗咁多你地心目中的所謂成名唱家囉!
 |
|
| Re: 雲雨巫山枉斷腸的兩個版本 ( No.74 ) |
日期：2010/09/07 13:50
留言者：老三
|
口水關啊口水關，你米話你既新番薯小黃係"懵炳"添播，佢真係唔懵呀！老三上個月同佢分別去兩處地方唱曲，老三唱左兩隻豉味曲：吟盡楚江秋、離鸞秋怨，佢亦唱左"雲雨"。你現在想在同老三的"打賭"上打矛波，又修改主題，又增加問題，仲離譜到增加笑親人既：老三的回應要你們認可接受既謊天下之大謬的關卡。而你既懵炳亦馬上增加"雲雨"既幾條問題來幫你啊！知帽？
現在口水關你又見人就點火，撞物就拔刀。算點呀？離曬主題播！
|
|
| Re: 雲雨巫山枉斷腸的兩個版本 ( No.75 ) |
日期：2010/09/07 14:33
留言者：guan
|
今天喜获一忘年友，心情舒畅，唔同你班二打六计较，你哋话陈锦红唔系小明星个入室弟子就唔系啦！你哋话呆未听过靓次伯，廖俠怀，白龙珠，马师曾等老倌唱嘢就未听过啦！把口喺你哋处，你哋话点袂点咯，你哋咁恨系咁袂就咁囖，不过事物客观的存在和发展很多时不以人的意愿为依归的！
你哋话钟自强是豉味唱家佢就系豉味唱家啦，连李公学神都听出佢哋的豉味是属于两种不同的范畴，如果李公的豉味是来自那大大块的猪肉，那么钟氏的一定来自那小小的黄豆，边个正宗，孰优孰劣，孰醇孰杂，你哋班李公超级粉丝自己评论啦！反正你哋好多人都以为豉味双蒸米酒是用豆豉来酿造的，误把钟自强当豉味唱家有什么希奇？
你哋呢班二打六李公超级粉丝唔系一晓不通，就是一知半解，本来知其然不知其所以然也就算啦，强不知为知至恶顶，简直是死症，冇药医！
有本事就把呆的问题答复，不要阿芝阿咗声多多，冇帮趁！让人鄙视你哋呢班所谓的李公超级粉丝！
＊＊＊
檀郎：
对联要求上联句尾字仄声，下联句尾字平声，呆是知道的．
广东话有所谓九声六调，分别是阴平（1）、阴上（2）、阴去（3）、阴入（1）、阳平（4）、阳上（5）、阳去（6）、阳入（6）和中入（3）．其中阿拉伯数字是调值．
行字的九声六调是康（阴平１）、hong2（阴上2）、炕（阴去3）、hok1（阴入1）、杭（阳平4）、hong5（阳上5）、巷（阳去6）學（阳入6）和殼（中入3）．
在呆的对联中，上联外行的行字不唸杭（阳平4）而唸hong2（阴上2），（就是我哋平日口语话人唱曲唔够圆润，比较 “糠” ，糠字的变调音．）是仄声字，下联专家的家是平声字．符合对联的基本要求．（呵呵！有打茅波之嫌啊！屎坑文人，系咁多料子了，将就点吧！）
另外，你首诗的叶韵字，行、成、名、觥，按傳統平水韵应该是怎么发音？能否用拼音方式告之？谢谢！
|
|
| Re: 雲雨巫山枉斷腸的兩個版本 ( No.76 ) |
日期：2010/09/07 14:58
留言者：老三
|
"如果有李公的超级粉丝能解答该李公學神的问题，呆就除了偃旗息鼓之外，重拜贴谢罪，以后唔敢再在此多言，总之佢在街头行过，呆街尾都唔敢逗留！君子一言，快马一鞭！决不食言！"
口水關啊口水關，想發難渣唔玩落去，唔洗"拜贴谢罪"兼"運路行"呀？趁早再講清楚佢，你上面既"君子一言"有效定無效先？我要回應的是文首樓主小黃的問題，還是回應你的問題呀？我幾時應承回應你既問題呀？那你怎又有下面的說話啊？
"有本事就把呆的问题答复，不要阿芝阿咗声多多，冇帮趁！............！"
如果你對你講既"君子一言"唔再認數，那就早抖！以後都不用再同人打賭、斗擂台！
垃圾！！！ |
|
| Re: 雲雨巫山枉斷腸的兩個版本 ( No.77 ) |
日期：2010/09/08 05:25
留言者：徐時發
|
哈哈哈，咩邊段龍舟呀，龍舟就係龍舟，如果龍舟係咁易氣咳，你叫班盲公點搵錢買大煙食？
原來依家聲揚高亢就叫開水喉，咁唔怪得全世界得返的病壞老鬼唱野咯。你叫李向榮做戲丫，錄套碟丫，唱十奏嚴嵩丫，稟神咁聲唱：五品官，乘皇命，有志鋤奸…包保漏氣夾聲悶，就係咁簡單。李向榮傳世得幾支曲，你地日聽夜聽都得個幾支，講到佢天下無敵。一葉障目，莫此為甚。
如果聲高揚就叫開大水喉，第一個係盲公狀元要清衣，四大女平都唔入流。得返李向榮做八面台口，日做夜做都係失戀失業失敗，咁你地就至舒服。
講聲低沉唱野，蝦哥都算一流。至少唱到唔同類形，做得陸遊到李白，又唱得聶政荊軻。
根本用唱平喉既角度黎評文武生喉係邏輯有誤。更何況係一種狹窄歌路既平喉。你可以話你鐘意聽吟尋唱腔，但係唔可以只依你既喜愛就話吟尋唱腔係世界第一。踩到其他歌手一個仙都唔值。就算鍾雲山把聲咁清，都唱唔到威風既歌。乜野係天下第一？
唔講話呢個天下第一既豉味腔。即如我喜愛之柳仙腔，骨子腔，都似乎無人學得似。原因係：柳仙腔即係徐柳仙，骨子腔即係鍾雲山。
學人唱腔如整餅。學到個樣整唔到個餡。點會有個種味道？ |
|
雲雨巫山枉斷腸的兩個版本
