Re: d 人成日話白雪仙做粵劇好, 我睇過之後, 平平無奇而已! ( No.6 ) |
日期:2006/09/05 10:54 留言者:发达
|
太过装饰音?唔觉呀!
而且这是风格的课题,可以不喜欢,但如果整体听起来没有错处、不协调或者兀突,就不应该批评为“好差”。
装饰音必须建基于节拍时值和音准上,行路未稳便报名一百公尺赛跑?阮兆辉此话是讲给曲友听的,还给是专业程度的粤剧曲艺从业员听的呢? |
|
Re: d 人成日話白雪仙做粵劇好, 我睇過之後, 平平無奇而已! ( No.7 ) |
日期:2006/09/05 11:26 留言者:阿武
|
好多人都係人云亦云既! 人地話白雪仙做粵劇好, 就盲目咁相信! 真是可憐加可笑! 點解唔信自己對眼同埋耳? |
|
Re: d 人成日話白雪仙做粵劇好, 我睇過之後, 平平無奇而已! ( No.8 ) |
日期:2006/09/05 12:34 留言者:老三
|
哈哈.......! |
|
Re: d 人成日話白雪仙做粵劇好, 我睇過之後, 平平無奇 ( No.9 ) |
日期:2006/09/05 14:06 留言者:抱不平
|
看她60年代的電影,我也覺得她有d"假嗲",就是做不到旦角的溫柔,也做唔到大家閨秀的感覺,就算經典的帝女花,
我都感受唔到公主的氣質,唱功也很多鼻音。不過她有幸拍到任劍輝,所以就套套經典,任姐要瀟洒有瀟洒,要氣慨有氣慨,要懦弱有懦弱,
加上唐滌生的劇本,成功就是好多野加埋,個人來說麻,就是亞武的一句"平平無奇"。
每個人也可以發表自己的意見,不應笑人,而且在電視的粵語長片或市面的dvd也可看到她的電影,有咩出奇?
唔勢發夢下化? |
|
Re: d 人成日話白雪仙做粵劇好, 我睇過之後, 平平無奇而已! ( No.10 ) |
日期:2006/09/05 14:33 留言者:Aron
|
偶然路过, 看到亚武发贴. 首先在下听过唔少仙姐嘅曲, 虽然唔讲得话登峰造极, 后无来者, 但系点都算得唔错两个字. 人地辉哥都系话仙姐太過裝飾音, 无话仙姐唱得唔好裝飾得唔好喎. (裝飾音要裝飾得好, 要有好高唱曲技巧至得架, 亚武哥), 辉哥叫人唔好学系知道你D初哥唔够QUALI, 学唔到呀! 亚武哥连人云亦云都讲唔上, 居然话仙姐唱功好差, 厉害啦. 亚武哥外行人批评内行人唱功, 怕且辉哥都唔敢撑你啦.
不过外行人唔识欣赏系平常事, 唔识咪话唔识囖, 咪乱发议论得架. |
|
Re: d 人成日話白雪仙做粵劇好, 我睇過之後, 平平無奇而已! ( No.11 ) |
日期:2006/09/05 15:04 留言者:亞武
|
"抱不平"說得好! 好野! 終於有番一個有識之士! 好!
|
|
Re: d 人成日話白雪仙做粵劇好, 我睇過之後, 平平無奇而已! ( No.12 ) |
日期:2006/09/05 21:08 留言者:skeppi
電郵:niyon99@hotmail.com
|
粵語歌唱片同粵劇根本係兩回事! 而家呢個標題係講明話"白雪仙做粵劇"噃,我地又點可以用粵語歌唱片嘅演出嚟批評一個老倌嘅粵劇造詣呢? 如果你用搜書院、關漢卿嚟評論馬師曾、紅線女嘅粵劇造詣就可以,因為該兩劇是舞台記錄片形式攝製。 粵語歌唱片有幾何睇到老倌真正嘅粵劇工架?紫釵記闖府一幕、仙姐食住鑼鼓在府門石級三上三落一段工架,出DVD 都 cut 咗喇!
|
|
Re: d 人成日話白雪仙做粵劇好, 我睇過之後, 平平無奇而已! ( No.13 ) |
日期:2006/09/05 21:32 留言者:skeppi
電郵:niyon99@hotmail.com
|
【阮兆輝曾經公開批評, 白雪仙後期唱曲, 太過裝飾音!!!他勸告曲友不要模仿!】
咁阮兆輝兩、三年前在中文大學"帝女花"研討會上大讚仙姐"寫表"一幕,拈筆時企任姐左抑或右、身位幾多分向觀眾都一絲不苟....你亞武哥又有冇在場呀? |
|
Re: d 人成日話白雪仙做粵劇好, 我睇過之後, 平平無奇而已! ( No.14 ) |
日期:2006/09/05 22:03 留言者:杏天
|
以粵曲歌唱片來評價粵劇老倌造詣,的確不公平。
在片中,每人說話都生活化,粵劇講究的"千斤口白"都付之闕如,難道我們又批評他們連口白都不懂唸?
這叫做有識之士? |
|
Re: d 人成日話白雪仙做粵劇好, 我睇過之後, 平平無奇 ( No.15 ) |
日期:2006/09/05 23:11 留言者:抱不平
|
我承認電影和粵劇的功架是兩回事,但唱功在cd上都應該反映到掛,而且身為粵劇老倌,我們欣賞的不只是她
的功架做手,角式的演繹都好重要。
而且這只是個人發表的意見,喜歡和賞識都好主觀,不需要作人生攻擊。 |
|
Re: d 人成日話白雪仙做粵劇好, 我睇過之後, 平平無奇而已! ( No.16 ) |
日期:2006/09/06 04:00 留言者:初哥
|
我都好想有機會睇佢做粵劇,可惜唔會再有此機會。只有睇電影囉,不過我地d唔係好識既,覺得佢好入戲,要眼淚有眼淚,睇到我自己有時都眼濕濕,我諗呢d就係戲掛。 至於唱,就更加各人有各人愛好,把聲亦係見仁見智,好似佢紫釵記隻碟我就成日聽,尤其喜歡《陽關折柳》及《節鎮宣恩》,前者離別的哀怨,任姐仙姐好有感情;後者,仙姐入府前唱的古老中板,「聞鐘鼓。郎就鳳凰宴。橫來白羽穿心箭,酸得我芳心碎盡步顛連。女子由來心眼淺,那禁他金枝玉葉,年年月月,依戀伴郎眠。怯酸風,怒碎了桃花雙臉。」 充份表現出她心急心痛的妒氣一發不可收拾,還有這句急速的滾花「不待通傳尋相見」,雖然無得睇,已經imagine到個畫面係點,入戲,有感情,是他們成功之道一點也沒有錯! |
|
Re: d 人成日話白雪仙做粵劇好, 我睇過之後, 平平無奇而已! ( No.17 ) |
日期:2006/09/06 07:53 留言者:孟强
|
skeppi:【所以我問佢係唔係發夢嗰陣睇囉! 可惜發夢冇得搭單,如果唔係我都想掹吓衫尾去睇仙姐做戲! 】 亞武哥真係講到自己親身睇過仙姐做大戲咁噃!
武哥:【好多人都係人云亦云既! 人地話白雪仙做粵劇好, 就盲目咁相信! 真是可憐加可笑! 點解唔信自己對眼同埋耳?】 呢段嘢冷嘲熱諷,似人身攻擊多 d。
Aron:【裝飾得唔好喎. (裝飾音要裝飾得好, 要有好高唱曲技巧至得架, 亚武哥), 辉哥叫人唔好学系知道你D初哥唔够QUALI, 学唔到呀! 亚武哥连人云亦云都讲唔上, 居然话仙姐唱功好差, 厉害啦. 亚武哥外行人批评内行人唱功, 怕且辉哥都唔敢撑你啦.
不过外行人唔识欣赏系平常事, 唔识咪话唔识囖, 咪乱发议论得架. 】 理論持平公正。
skeppi:【而家呢個標題係講明話"白雪仙做粵劇"噃,我地又點可以用粵語歌唱片嘅演出嚟批評一個老倌嘅粵劇造詣呢? 如果你用搜書院、關漢卿嚟評論馬師曾、紅線女嘅粵劇造詣就可以,因為該兩劇是舞台記錄片形式攝製。】 見解完全正確!就算我地以搜書院、關漢卿嚟評論馬師曾、紅線女嘅粵劇造詣,都應該有所見而云,而不是以個人喜惡為依歸。
skeppi:【咁阮兆輝兩、三年前在中文大學"帝女花"研討會上大讚仙姐"寫表"一幕,拈筆時企任姐左抑或右、身位幾多分向觀眾都一絲不苟....你亞武哥又有冇在場呀?】 真有其事!當年參與研討會的還有名編劇家蘇翁與葉紹德等人,可惜蘇翁已作古。希望葉紹德長壽,培植粵劇編劇接班人。
杏天:【在片中,每人說話都生活化,粵劇講究的"千斤口白"都付之闕如,難道我們又批評他們連口白都不懂唸?】 理論正確。
抱不平:【而且這只是個人發表的意見,喜歡和賞識都好主觀,不需要作人生攻擊。】 理論正確。亞抱不平批評亞武哥對他人作人生攻擊...係好啱!
|
|
|