唱粤曲与用气 日期：2012/11/21 00:48 留言者：辛奇士 阿立哥： 头先看了你2006年的学曲笔记，新马话佢唱霸腔之外不用丹田气，烧晒一切教唱曲既书。小弟听祥哥既曲几十年，认为他除了少数轻巧唱段如南音外，一定是用了丹田力(比气准确)，即腹式呼吸，以小腹支点送出气息来推动共鸣，否则嗓音无可能如此洪亮。 他的声功揉合了京剧唱法，必用丹田。他的讲法有两可能：1.用了不自觉因已成了自然习惯。2.他特意标榜与人不同。公认的科学理论，不必因为某人(无论他是谁)而乱生怀疑者也。

Page: [1] [2] [3] [4] [5] [6] [7] [8] [9]

< 回上一頁

Re: 唱粤曲与用气 ( No.70 ) 日期：2012/12/25 01:27 留言者：諾基亞 老關，做乜咁耐唔蒲頭，整返幾句好野黎益下曲友？ 講幾句黎贈下慶 羅家寶老喉嗓音類靚次伯，然靚次伯唱功深厚，聲唔靚則行腔少，著重唱字堅實，低音沉厚，中高音爽淨，而羅家寶唱腔局限於中音，一字「掘」，基本上不能高音，就唱二流「翡翠衾寒」亦見乾澀，而低音甚扁。 靚次伯之戲路，全在武生，老生，總生之類，生來之老喉則可發揮其角式之妙處，羅家寶做文武生，猶以小生居多，其帶老喉不堪聽，而成名一支再進沈園正合其戲路，故而傳唱。 不過咁，彈完又要讚下，佢的口白，確實有戲味，功力比陳笑風高。 Re: 唱粤曲与用气 ( No.71 ) 日期：2012/12/26 16:01 留言者：我又估 關兄， 何瑞流 ！ Re: 唱粤曲与用气 ( No.72 ) 日期：2012/12/27 01:43 留言者：guan 手机大佬， 乜呆哋识得嘅咩？脑退化，唔记得添，失觉晒！ 益？呵呵，唔冲凉几日咪益咯！ 做乜咁耐唔蒲頭？唉，真系黄肿脚，不消蹄！早排被个神神哋嘅追斩，重唔闪咩！嗰个唔记得叫乜嘢客（必胜客？），系咁喊打喊杀，都唔知系唔系文革余孽．当年专门清算人家的小头目，话什么沉默等于认同呆的歪理，助纣为虐，所以要出来清算呆，以正视听，吹水啫，使唔使上纲上线成咁啊？其实呆什么道理都晓，就是歪理不懂，咁比佢屈，真冤枉！ 记得早几年他也曾追着唐健垣来咬，当时觉得好好笑，依家轮到自己被咬至体会到当年唐博士的苦况，正是咬唔到肉唔知痛，啖啖到肉至知为难！ 虽然自问都算系学富五车嘅文士，唔止出口成文，重舌灿莲花添，但到底唔系得道高僧，唔能够令顽石点头，遇着个咁嘅瘟神，有乜计？惟有退避三舍，怕咗佢至怕米贵喇！ 我又估， 呵呵！系你估唔系呆估，你系咪答（定估？）中邓志驹嗰个啊？ 今匀估何瑞流？唔好意思，唔知系呆部猪脑定系土豆网的问题，听唔到，（初步估计应该是唱大陆腔的，因为看她唱的曲目多是用大喉唱的，如路安洲，白龙关等等。特别想听她唱还琴记，可惜播不了，只限于大陆地区广播．）等呆过几日揾个代理（proxy）试下能否攀墙而入，迟点至具体答你。 金山橙， 或者你试下帮呆听听，从你列举的清单来看，你应该能分辨出大陆腔，不过好听唔听，喜欢听风腔，即系仍有进步空间咯！唔好话呆知咸鱼青菜，各有所爱，这道理呆比你明白得多，迟点至解释过你知这道理缘何不能应用在风腔处，现在太夜，早抖！ Re: 唱粤曲与用气 ( No.73 ) 日期：2012/12/27 02:12 留言者：TL guan亦曾經俾人追斬也？我記憶中都係你過關斬將者。 Re: 唱粤曲与用气 ( No.74 ) 日期：2012/12/27 05:10 留言者：Hawaiian 何世榮 Re: 唱粤曲与用气 ( No.75 ) 日期：2012/12/28 08:43 留言者：我又估 關兄， 上次估 鄧志駒，係覺得佢唱起黎似舊時聽d粵曲，唔似而家國內d 男喉。 而家再估一個，估中，就有獎品呵！估 何瑞流，係覺得佢唱平喉，聽起黎唔多似 何萍 同 梁玉嶸個類聲，反而有 d 似後生時個 李鳳聲，但聽佢唱子喉就覺佢似國內花旦聲。多謝了。 Re: 唱粤曲与用气 ( No.76 ) 日期：2012/12/28 14:16 留言者：辛奇士 何瑞流老师出身自大陆粤剧团花旦，当年训练自是大陆式。後来生BB不知如何影响了子喉，便改习平喉，沾杂了香港模式。子喉恢复後(她自己讲尚未回到原来咁靓)便兼唱平子；有时亦唱大喉。 Re: 唱粤曲与用气 ( No.77 ) 日期：2012/12/28 19:48 留言者：guan 你又估， 重系叫你做 "你又估" 自然点，明明是你估，却说我估，感觉好怪，希望你唔好介意。 唔．．．唔好彩，今匀估唔中噃！ 你是内地曲友吗？点解你咁厉害，连李凤声都识，认句蔽乡，余生也晚，人家息影嗰阵，呆还未懂事，所以唔知她原来识唱粤曲，刚才上网一听，唱得不错，是正宗的粤曲唱腔，同何瑞流分别好大，李是掰大个喉龙来唱的，所以唱来很舒展，听落也很舒服，何是吊着个喉龙来唱，所以感觉有点压抑，是典型的大陆腔，点解你会觉得她俩相像呢？ 　何萍同梁玉嶸的声线没有问题，重好靓添，不过是用美声唱法，何瑞流的发声方法和她们如出一撤，没有分别，听完呆讲，你再细心体会一下，希望你能有改进吧！ 乜得你咁恨攞奖品呢？吹水啫，咪咁认真啊! 好喇，你都算答中过一个，补番个安慰奖你啦,你话何瑞流的子喉似國內花旦聲，乜你识分辩国内和香港的花旦声？估计你都是估估下，就算知其然也不知其所以然，留只猫址，呆教你听子喉吧。 夏叔， 乜咁错荡，真系要叫声你叔台至得，呆系度同班后生嘅玩，顺便教吓佢哋听曲，寓学习于游戏，乜得你兴致咁高，来玩埋一份？呵呵！你哋点叔父辈，听了几十年正宗粤曲，又点会唔晓分辩大陆腔呢，就算不知其所以然也知其然啦，完全唔同味道，一嗒就知啦！莫非年纪大，怕双耳朵退化，所以来测试下？唔使担忧，放心喇，一切正常，何世榮唱的是正宗粤艺唱腔，唔系大陆腔． 不过同卢启光一样，何世榮早早就移民喇，据讲同薛觉先，马师曾等移咗去夏威夷添噃，你唔知吗？得闲晚上落去WAIKIKI个海滩，话唔定撞倒佢哋四个打马吊晒月光啊。 依家讨论紧的是现存在世的唱家老倌，所以唔算你中，不过如果你要攞奖品，不嫌有污清鉴，是呆的荣幸。 Re: 唱粤曲与用气 ( No.78 ) 日期：2013/01/03 11:50 留言者：我又估 關兄， 你又估 我又估 都無問題 ，最開心有安慰獎 ，多謝了。 Re: 唱粤曲与用气 ( No.79 ) 日期：2012/12/29 01:30 留言者：Hawaiian 為自己(Waikiki)陽氣太重,人又擠迫沙灘又唔靚,睇來四位唔會去.要開局大把地方啦.相信會去大風坳(Pali Lookout)多啲.土人話,過咗午夜如架車唔放塊生豬肉在內就會死火.有次深宵經過,見是磷光閃閃,亦是奇景也.唔知四位會唔會將夏威夷草裙舞(Hula),和聽到人懨懨欲睡的夏威夷音樂注入粵曲粵劇呢? 雖然步入暮年,但耳尚健,還可分得出. Re: 唱粤曲与用气 ( No.80 ) 日期：2012/12/29 03:08 留言者：TL 舊日仲有用夏威夷結他，現今無晒踪影矣。 Re: 唱粤曲与用气 ( No.81 ) 日期：2012/12/29 03:26 留言者：TL guan兄：我在電郵中也和你交流過對大陸腔的看法，現在換個馬甲，認不出來了？

Page: [1] [2] [3] [4] [5] [6] [7] [8] [9]

< 回上一頁

主題 排列前端 姓名 你的電郵地址 不顯示 顯示 現在心情 小男孩 小女孩(1) 男孩 女孩 鴨子 魚兒 貓咪 猴子 熊貓 男:歡笑 男:憤慨 男:傷心 男:唱歌 男:大哭 男:沒問題 男:驚喜 男:發火 男:害怕 男:唔好意思 男:豈有此理 男:正常 男:冒冷汗 男:傷腦筋 男:笑到肚子痛 男:氣到說不出話 女:歡笑 女:憤慨 女:傷心 女:唱歌 女:大哭 女:沒問題 女:驚喜 女:發火 女:害怕 女:唔好意思 女:豈有此理 女:正常 女:冒冷汗 女:傷腦筋 女:笑到肚子痛 女:氣到說不出話 小新 女孩(2) 女孩(3) 自定心情 管理者 自定心情圖片網址 *心情圖片預覽表 留言密碼 (刪除或修改留言使用) 內容    Cookie 保存

- 阿立粵曲天地 -
聲明

阿立粵曲天地(以下稱本網)所有留言區是以即時上載留言的方式運作，本網對所有留言的真實性、完整性及立場，不負任何法律責任。而一切留言之言論只代表留言者個人意見，並非本網之立場，讀者不應信賴內容，並應自行判斷內容之真實性，讀者若因信賴留言而招致任何損失，本網概不負責。 由於所有留言區受到「即時上載留言」運作方式所規限，故不能完全監察所有留言，若讀者發現有留言出現問題或涉及任何侵權行為，請聯絡本網。本網有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，亦不可上載任何侵權文章，照片，曲詞，錄音及影片，敬請自律。 所有網內留言或文章，留言者均不可保留文章或留言的個人或非個人版權權利，惟他人如需在別處引述或登出，請註明出處。