 Re: 粵曲粵劇趣味話題 (卷二) ( No.426 ) |
日期：2015/06/26 18:03
留言者：KC
 |
人生八苦
何謂八苦
先談人生四苦, 生, 老, 病, 死！
其實呢四苦都冇乜料到, 人人皆知, 費事嘥口水！
但吾友釋迦牟茂里先生就話仲有多四樣苦, 就係……
愛別離苦, （即係同自己喜愛的人, 生離死別, 就會痛苦了, 即係話唔痛苦果個, 都唔係人泥嘅！痛苦係好正常, 正常過正常, 根本唔駛隱瞞, 唔駛內疚, 話俾人聽都唔駛怕, 大把人會同情你, 甚至安慰你, 有D好到俾錢你駛, 請你飲茶食飯之類！所以有痛苦, 唔駛估, 正常事矣！）
怨憎會苦, （呢個就係當黑就會遇倒, 一個唔好彩就會識倒D令你怨恨的人！例如一D怨偶, 結咗婚, 日日鬧交, 男嘅去滾, 女嘅去賭, 仲唔痛苦, 一唔係識埋D損友, 成日屈你呢樣果樣, 冇個好人, 真係痛苦了！一唔係打工遇到D衰老細, 衰同事, 真痛苦, 好彩果D就遇少D！好似KC咁遇親都好人, 真係好夠運！）
求不得苦, （想得到果樣就冇果樣, 仲唔慘？想嬴馬, 变輸馬, 好鬼痛苦嫁, KC就經常要受此苦嘞！）
五陰盛苦, （當我們肉體或精神衰退時, 所產生肉體的痛苦, 就係此苦了！如眼矇, 耳聾, 骨痛！其實人老咗自然會出現此情况, 無可避免, 只有接受, 忍受, 無可奈何！）
前面四苦, 生 老 病 死 人人有份, 冇得避！
後面四苦, 好彩就遇唔倒, 或者遇少D！唱粵曲就可以避倒D！
所以奉勸各位, 應該樂天知命, 常懷感恩,
就算有人在網上攪鬼, 都一於少理, 才可以快活過神仙也！
义的撐！
 |
|
| Re: 粵曲粵劇趣味話題 (卷二) ( No.427 ) |
日期：2015/06/26 18:54
留言者：麥友成
 |
吃得苦中苦，方為人上人！多吃川蓮炆苦瓜啦∼  |
|
| Re: 粵曲粵劇趣味話題 (卷二) ( No.428 ) |
日期：2015/06/27 01:13
留言者：四姑娘
電郵：tselinyik@gmail.com
 |
川蓮炆苦瓜苦不過那支兩文雞的戒啜手指藥。
當年我侄女啜手指，啜到八九歲，用盡方法都唔掂，我送了一支給她，抹上一次，苦足幾日。現在已為人母的她仍然不能忘掉那種味！ |
|
| Re: 粵曲粵劇趣味話題 (卷二) ( No.429 ) |
日期：2015/06/27 09:54
留言者：KC
|
不立文字
吾友釋迦牟尼先生傳了一生教之後, 奉勸接班人, 教外別傳, 以心傳心, 不立文字！
（意思的係, 如果你想教識人, 千萬不要寫低來教！一定要用個心（即用腦傳腦, 古人傻咗, 以為用個心諗嘢, 個心用嚟泵血, 又點識諗嘢呢？）即係雙方都要有腦, 才可以高智地溝通也！
一旦寫低咗, 就麻煩了, 正如道家講丹田, 有D儍瓜道士就去用爐火練丹葯！做鬼咗化學家！（咁錯都幾得意！）
禪宗說傳衣缽, 世人就以為取得衣砵就可以得道, 六祖慧能俾D師兄弟追咗九條街, 要攞番D衣砵！據記載六祖於是放低俾班友攞, 結果冇人郁得, 拎唔起！重得滯, 有符FIT也！（你又知唔知有乜魔術呢？）KC就識！
西方宗教仲離譜, 翻譯希伯來文, 搞到耶蘇的母親瑪利亞處女懷孕！一D都唔科學, 夾硬要出神仙至搞得掂, 神的子女係咁出世矣！既然咁都得, 不如天跌落嚟仲方便啦！
（聽講最近教會研究小組要搞重譯！）唔係處女而係少女！
MAID字不一定處女, 少女都得！以前譯鬼錯咗, 唔好意思！（死嘞, MAID字的希伯來文唔記得添！KC明明識格！）
唔駛驚！
D網友又有幾多個識吖, 我機呢姑LU亂吹, 佢地都以為真, 有好多人傻到以為KC自大狂, 乜都話識, 唱嘢好過任劍輝嘛！
KC話識邊個邊個, 吹水！唔整蠱吓佢地, 仲有人嚟睇乎？
KC話放下, 茶餐廳D伙計就放低杯奶茶！DHL就放低D貨係KC門口！個個人聽到放下反應都不同！KC個女就最乖, 放低D錢俾KC！
所以話以心傳心幾過癮, 一寫低就俾人抽抨了！
所以吾友釋迦牟尼先生叫人傳智慧, 要以心傳心, 不立文字, 係啱嘅！
在BLOG上, 不用文字, 又可以點呢？
聽KC唱歌啦！
义的撐！
 |
|
| Re: 粵曲粵劇趣味話題 (卷二) ( No.430 ) |
日期：2015/06/27 11:05
留言者：麥友成
|
早晨。  |
|
| Re: 粵曲粵劇趣味話題 (卷二) ( No.431 ) |
日期：2015/06/27 16:23
留言者：寸草心
|
| Re: 粵曲粵劇趣味話題 (卷二) ( No.432 ) |
日期：2015/06/27 21:08
留言者：老三
|
著名粵劇大師秦中英去世
http://news.wenweipo.com [2015-06-27]
放大圖片
著名粵劇編劇大師秦中英一生節儉，唯有買書和抽煙很捨得。
【文匯網訊】(記者 胡若璋 廣州報道)從事粵劇編劇60年之久的著名粵劇編劇大師秦中英，27日上午12時在廣州市第一人民醫院病逝，享年90歲。去世前，秦中英仍然筆耕不輟，近期剛完成了編劇作品《司徒美堂》，一為獻禮中國抗戰勝利70週年;二為紀念司徒美堂這位愛國僑領。作品已經計劃於今年10月16日在中山紀念堂公演，孰料竟成這位粵劇編劇的絕筆。
去世前任筆耕不輟 深夜醒來常淚流滿面
1925年生於廣州市黃埔區的秦中英是粵劇名作家，廣州市粵劇團專業編劇，中國劇協廣東分會會員。在大學讀書時已從事粵劇業餘編劇及參加演出工作。1954年在廣州「百花粵劇團」開始任專業編劇，之後又在南方粵劇團、廣東粵劇院任專業編劇。1981年，由紅線女主演，秦中英編劇的作品《昭君出塞》，獲得了粵劇「百花獎」最佳編劇獎。
秦中英一生創作了近300部劇本，《情鑄虎丘山》、《越王勾踐》、《天罡劍傳奇》、《羊城暗哨》等一部部橫跨兩個世紀的知名粵劇，為粵港澳三地的粵劇戲班提供源源不斷的好作品的同時，也為戲迷們不斷奉送經典之作。 而在如今，這個「粵劇劇本不好寫」、「編劇人才奇缺」的時代，90歲高齡的秦中英依舊以每年幾個劇本的產量服務粵劇市場。
和秦中英忘年之交的廣州市政協委員、致公黨越秀區基層委員會副組委陳德發告訴記者，秦老一生非常節儉，唯有買書和抽煙成為他最大的開支。對於生活不是很講究的他，作息時間更是隨意。睡不著的時候，他就起來想想劇本，很多次被夫人發現在流眼淚，秦中英也時常和身邊的人提起：「劇本寫得好不好，首先要感染自己」。
陳德發告訴記者，聽聞老秦去世，心裡特別內疚。《司徒美堂》這個劇本就是他提議創作的。90歲的老人，只花了兩個多月時間就把劇本完成了，這是非常難得的。陳德發回想起，前日去醫院探病時，秦老在病床上還醉心構思粵劇「李蓮英」。當時精神奕奕的他激動地抓住我的手說，出院就要馬上動筆。
和「女姐」說話也不客氣
陳德發告訴記者，和秦老近距離接觸的五年，受他感染，做人做事也會變得風趣卻又務實。陳德發回憶起，秦中英在和很多老藝術家的交往中，從不會奉承別人。就連紅線女在世時，和女姐說話也是從不客氣的。
幾年前在紅線女藝術中心內看到紅線女的大幅照片，秦中英在照片前端詳了一陣並直言：「這得迷倒了多少老人」，當時紅線女恰巧出現在身後，並立馬追問：「那你呢?」秦中英毫不猶豫甩出一句：「那我是例外」。惹得女姐笑言：「要成為藝術家，就必須要有一種調皮的老頑童性格」。 |
|
| Re: 粵曲粵劇趣味話題 (卷二) ( No.433 ) |
日期：2015/06/28 09:52
留言者：KC
|
三生有幸（恨）？
佛家講三生, 即 前世, 今生, 來生！
正所謂:
欲知前生事, 今生受者是,
欲知來生事, 今生作者是！
人世事有時飛來橫禍, 遭逢突變, 不由得仰首問天, 想自己一生謹慎, 孝順父母,努力讀書, 與人為善, 為何得此果報？
想不通, 自然會自怨自艾, 甚至自殘以求解脫！
誰不知佛家巳為閣下提供了答案: 閣下今生所有不幸, 乃是閣下上一世欠下的帳, 今世清還, 合理啩？
寿元長短, 乃前生修來, 强求不得！
明乎此, 就會心安理得！
如想來生幸福, 咁閣下今生就要努力了！
千祈咪欠人嘢, 因為今世唔還, 來世都要還！
所以出得泥行, 一定要預佐要還！
人生有時三衰六旺（注意旺有60%, 衰只得30%, 剩返,10%唔衰唔旺）！
好運又唔知點解, 衰又唔知點解,
有咗佛家三生的思想, 就心安理得, 積極生活, 積極面對人生！
唔會再為一D自已不能控制的事而煩惱矣！
因為有了三生呢個慨念, 一切幸運 與 不幸, 全部可以解釋得一清二楚也！
勁啩？
查的撑！
|
|
| Re: 粵曲粵劇趣味話題 (卷二) ( No.434 ) |
日期：2015/06/28 09:07
留言者：麥友成
|
早晨! |
|
| Re: 粵曲粵劇趣味話題 (卷二) ( No.435 ) |
日期：2015/06/28 10:32
留言者：KC
|
麗姫的悲慯
吾友麗姬小姐, 聽到了晉獻公要選佢做妃, 登時喊得死去活來, 十分哀慯, 終日以淚洗面, 痛苦得想割脈自殺, 人生陷入了至低點！
誰知入了宮中之後, 大王對佢十分寵愛, 食得好, 住得好, 又有粵曲唱, 又有社交舞跳, 快話過神仙！
麗姫不禁想, 當日的哭泣, 哀傷, 豈不是十分多餘？
吾友莊子先生知道了這件事, 就教訓他的門徒:
世人都會為死去了的人哀慯, 哭泣, 情緒低落！
但是如果有朝一日, 明白天堂的生活, 都一如麗姬入宮後一樣幸福愉快！
到時是不是才會明白自已的悲慯, 哭泣, 情緒低落, 一如麗姬一樣, 是不必要的呢？
對於一些心靈上需要安慰的朋友, 又明唔明KC想講D乜呢？
查的撐！
|
|
| Re: 粵曲粵劇趣味話題 (卷二) ( No.436 ) |
日期：2015/06/28 16:09
留言者：寸草心
|
| Re: 粵曲粵劇趣味話題 (卷二) ( No.437 ) |
日期：2015/06/29 01:26
留言者：KC
|
有智者事竟成
有志者事竟成, 這句話是不夠用的！
有志就會成功？KC成日想嬴馬（KC的大志）又唔見KC次次成功,
所以應該改為: 有智者事竟成, 就好好多了！
智慧不是聰明, 而是終極勝者的思維！
有D好聰明的人, 但卻设有智慧, 結果事事碰壁, 但有D好似好老襯, 但卻路路皆通！
能夠明白別人的心意, 又能成功化解別人對自已的敵意, 是很需要智慧的！
在金庸小說中, 大英雄喬峰, 被丐幫幫主夫人馬夫人狂屈, 害到佢鷄毛鴨血, 一直不知何故！
至到馬夫人死前, 才講出要害喬峰的原因, 是因為在一個公開的場合, 馬夫人出現, 人人都驚艷, 但喬峰卻正眼也不看她, 令她覺得受到侮辱, 一定要想法子去整一下, 這個她心目中的（偽君子）！（喬峰都吹漲！咁都領嘢, 有真係防不勝防也！）
至於在拍案驚奇中有一段, 描寫一個人被一位狂人瘋狂攻擊, 不斷追殺, 如有十寃九仇！
到佢被殺之前, 佢要求對手講出, 點解咁恨佢！ 對手話, 你記唔記得, 有一次在市集上, 我賣一塊古玉, 等住返屋企同老婆和兒子睇病, 你不明不白, 人地已想買, 你就口不擇言話: 呢塊真玉係假嘅（随口噏,貪口爽）結果累到我賣唔成！我老婆及兒子冇錢医, 病死晒！我而冢剩下來, 生存的目的, 就係揾你報仇！（唉！你話幾寃枉！）
做人如此飛來橫禍, 真是不勝枚舉！
日常生活, 好多時事情的處理, 大家的誤會, 都需要智慧解决的！趙吖是！
查的撐！
|
|
|
注意：這編討論暫時封鎖，不可加入新的投稿留言。
粵曲粵劇趣味話題 (卷二)
