 Re: 粵曲粵劇趣味話題 (卷二) ( No.438 ) |
日期：2015/06/29 06:55
留言者：麥友成
 |
 早晨！ |
|
| Re: 粵曲粵劇趣味話題 (卷二) ( No.439 ) |
日期：2015/06/30 00:18
留言者：KC
 |
講到智慧, 真係講十日十夜也講不完,
坊間有一套書, 集中了古今中外的智慧, 很值得一看, 有時一句說話, 有時一件事, 都可以啓發做人, 做事的態度！
同一件事, 不同人處理, 由於智慧不同, 結果就往往效果相反！
據說春秋時代有位富商在京師做生意, 陷入了寃獄, 於是寫信回家叫太太派小兒子帶錢（强調一定要小兒子）上京救佢, 但大兒子愛父心切（而且誤解了老父的心意ｏ）, 堅持上京救父,
大兒子從父經商多年, 生活經驗豐富, 應該是最佳人選啦！
誰知父親一聽見, 大呼今次死梗！
佢的分析, 小兒子自少已富貴, 視錢財如糞土, 會不吝金錢救我！
但大兒子, 自小便由貧窮中成長, 知道財富來得不易, 一定想慳, 怎會不出事？
果然大兒子答應用巨額金錢買通宮中有力人仕, 於是宮中有人亂傳星象, 令皇帝大赦天下, 大兒子一聽到此消息, 立即以為冇事（欠缺了智慧！）立刻反口不過水！
於是有力人士又向皇帝進言、話此富商在獄中笑皇帝蠢, 亂咁大赦天下, 結果富商慘死獄中！
証實了自已的智慧！
又曾經在三國官渡之役, 曹操打敗了袁紹, 搜到了很多文書, 都是曹操陣營中私通袁紹的投靠書信, 整理好一大箱, 搬到曹操面前, 曹操命人一把火燒晒！
佢話, 當日情勢, 敵強（八十万人馬）我弱（八万）我自已都冇信心, 有機會我都想逃, 何况身边的人呢？此乃人之常情, 與背叛無関（死罪也）！
而家戰爭己經嬴咗, 正要用人, 所以只要以後盡心盡力就得啦, 永不追究！
結果大局穩定, 成就了功業, 這就是智慧了！（常理之做法是追究到底, 大量人頭落地！）
咁唱曲又同智慧有乜關係呢？
咁你地唱曲, 上立網識了KC,
咁KC 日日在此吹水,
潜移默化, 有用嫁！
多D聽KC唱嘢, 一樣有用嫁！
 |
|
| Re: 粵曲粵劇趣味話題 (卷二) ( No.440 ) |
日期：2015/06/30 10:39
留言者：麥友成
|
早晨~  |
|
| Re: 粵曲粵劇趣味話題 (卷二) ( No.441 ) |
日期：2015/06/30 12:18
留言者：KC
|
快樂粵曲？何謂快樂粵曲？
先講何謂快樂？
追求快樂應是人生一大目標, 好多人日日營營役役, 終生都不知如何可以得到快樂！(真悲！)
原來孔夫子的論語, 開宗明義, 第一句 學而時習之, 不亦悅乎？ 己經好直接, 指出做人快樂之源！
原來學嘢就可以得到快樂！
怪不得好多人的計畫, 都是退了休, 學唱歌啦, 學跳舞啦, 學書法啦, 學太極啦, 學氣功啦, 學呢樣, 學果樣, 學過不停, 終身學習, 咁就可以從中, 得到快樂了！
聖人偉大之處, 原來佢一早知道咁係得嘅！
而普通人要試吓試吓, 碰完一次又一次壁, 才揾到原來人生可以咁鬼簡單, 就得到了快樂, 根本上唔駛做咁多無謂嘢！
曾經 亞歷山大大帝 問一個智者快樂之源！（智者好出名, 人人都識, 搞到KC都費事記佢係边鬼個, 變咗而家講唔出！）
智者見亞歷山大大帝剛剛征服完雅典, 就問, 咁你下一步又點呢？
大帝話, 咪打波斯囉, 打完就打埃及, 跟住就征服全世界 天下無敵！
（當時佢知道的全世界, 冇中國！ 冇印度！ 冇東方！ 好鬼無知！）
天下無敵！ 就非常極之快樂了！
智者反問一句, 點解閣下唔可以, 而家就自得其樂呢？一定要做咁死多嘢先至可以快樂咩？
大帝當場啞口無言ｏ 唔知點答！
（結果 亞歷山大大帝未天下無敵, 未征服全世界, 三張幾嘢就瓜鬼咗！冇得快樂！）
可見智者之言, 聰明的大帝也難以理解ｏ 普通人, 就更加以為要做好多嘢, 才可以得到快樂ｏ
誰不知, 論語第一句, 已經講咗嘞！
你話 你D人點鬼樣讀書吖！嘻嘻！
查的撐！
|
|
| Re: 粵曲粵劇趣味話題 (卷二) ( No.442 ) |
日期：2015/06/30 19:28
留言者：麥友成
|
孔子老人家話，最快樂係同班老友游水鼓盆而歌。 |
|
| Re: 粵曲粵劇趣味話題 (卷二) ( No.443 ) |
日期：2015/07/01 00:15
留言者：KC
|
講開快樂, 續講快樂！
如何去尋找快樂之源呢？
看過一個小故事, 都幾發人心省ｏ
話說有條友, 成日自怨自艾, 怨天怨地, 嫌三嫌四, 諸多要求ｏ家人怕晒佢, 朋友怕晒佢, 人人怕晒佢ｏ
但佢又好鬼好彩, 撞倒個神仙, 神仙問: 咁你想點呢？
條友話, 冇嘢想, 想快樂之馬ｏ
神仙二話不說, 立刻令佢變成杏色加橙色, 得番一支公ｏ
朋友又全部離佢而去, 人人當咗佢發瘋, 令佢十分之痛苦, 乜嘢人生樂趣都冇！
求生不得, 求死不能, 仲知道埋, 自已染埋愛滋果隻！
搞到條友就要吊頭之際ｏ
神仙又出現！媽呢媽呢……..空！
全部剛剛發生之事, 原來只是幻覺, 條友一切回復以前一樣, 乜就冇變ｏ
如此一來, 條友就覺得自已幸福非常, 有番家人, 朋友, 生活如常, 冇病冇痛, 快活過神仙！
原來世人大部份都好似呢條友咁, 要失去才識得珍惜, 要苦過才知道甜蜜, 要惨過先至幸福ｏ
大部份有得玩都自怨自艾, 怨天怨地, 嫌三嫌四, 諸多要求ｏ
誰不知, 知足常樂, 平常心是道ｏ
一切隨緣就是快樂之源矣！
大家今日聽完KC牧師講道, 係唔係有小小感悟呢？吓？
查的撐！
|
|
| Re: 粵曲粵劇趣味話題 (卷二) ( No.444 ) |
日期：2015/07/01 01:21
留言者：四姑娘
電郵：tselinyik@gmail.com
 |
KC:
李少華老師很壯健，手持一杖，行動如飛，星期日我們在列治文市做多元文化藝術節，當然要發揚粵劇粵曲啦，粵劇有什麼都show出來。老師親身到來替學生上扣演出起解！溫哥華天氣很熱，感覺和香港差不多，內陸山火，不用來北美避暑 |
|
| Re: 粵曲粵劇趣味話題 (卷二) ( No.445 ) |
日期：2015/07/01 01:59
留言者：KC
|
四姑娘：請代KC向李少華老師致敬！
海外宏揚粵藝！值得大家尊敬也！
 |
|
| Re: 粵曲粵劇趣味話題 (卷二) ( No.446 ) |
日期：2015/07/01 09:13
留言者：麥友成
|
早晨~ |
|
| Re: 粵曲粵劇趣味話題 (卷二) ( No.447 ) |
日期：2015/07/02 00:41
留言者：KC
|
無成有功可快樂？
多年前, KC在電視訪問節目, 看過甘國亮訪問戲劇毛俊輝先生(胡美儀的先生)ｏ
毛SIR話佢而家每日都很努力去做一個 “冇用, 但快樂的人” ｏ
這句話不禁令KC心頭一震, 何以毛SIR染上了癌病之後, 竟會忽然開竅！
莫非人到了生死關頭, 令人不能不想點先至可以快樂？
通常多數人總以為有用（識揾錢, 識做嘢, 勤勤力力, 天天向上爬, 日日要出人頭地, 才會快樂）ｏ
但誰不知, 根本冇貢献, 唔做嘢, 能夠快快樂樂過日子, 己經對世界對家人非常有貢献了！
因為別人會因為你快樂而覺得快樂的, 反而閣下日日苦心經營, 辛辛苦苦, 身邊的人未必快樂！
成語有句話, 無成有功, 就是這個意思！
“無成” 即別人看你好似设有成就, “有功” 的意思就是你其實對世界很有功勞了！
正如一個普通的家庭主婦, 又冇做嘢揾錢, 日日吃喝玩樂, 但是若果佢能令到丈夫孩子快樂地生活, 其實巳經對世界很有貢献的了！
毛SIR大病之後頓悟人生！
訪問結束時, 他與胡美儀對唱了一曲胡不歸之慰妻,
看來他們巳找到了快樂之道了！
|
|
| Re: 粵曲粵劇趣味話題 (卷二) ( No.448 ) |
日期：2015/07/02 01:18
留言者：四姑娘
電郵：tselinyik@gmail.com
|
黃滔師父今早升天 |
|
| Re: 粵曲粵劇趣味話題 (卷二) ( No.449 ) |
日期：2015/07/02 01:38
留言者：KC
|
黃滔師父, 一路好走！
上次李少華師父回港, 將黃滔師父所有著作, 影印了一份給KC！
現在珍貴了！
 |
|
|
注意：這編討論暫時封鎖，不可加入新的投稿留言。
粵曲粵劇趣味話題 (卷二)
