戏曲粤唱越过瘾 日期：2015/01/21 12:23 留言者：蛇仔明 呢度只讲戏曲，唔讲其它。只求趣味，不重点击。酸甜苦辣不拘，百花齐放。请勿人身攻击，或无理取闹是幸。 2014年3月3日开坛。好日子：正是三三不尽，六六无穷呀也。

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79]

< 回上一頁

Re: 戏曲粤唱越过瘾 ( No.39 ) 日期：2014/04/03 15:01 留言者：新凡风 Yee 曲友： 唱局是很私人的，如何自恋没问题。可曲骚是他恋，也就是要争取观众的欣赏。最真实的评价不在围内而在围外：化妆间不如洗手间、场内不如场外、宵夜中不如宵夜後、主观友评不如客观曲评。 Re: 戏曲粤唱越过瘾 ( No.40 ) 日期：2014/04/07 09:34 留言者：蛇仔明 众骚友： 各位出骚有无拜神呀？拜边位神呀？ Re: 戏曲粤唱越过瘾 ( No.41 ) 日期：2014/04/10 00:08 留言者：新凡风 有人说是拜华光，区区却不是梨园子弟。有几次找不到火机没有拜，结果又无事。 Re: 戏曲粤唱越过瘾 ( No.42 ) 日期：2014/04/13 11:09 留言者：蛇仔明 唱曲人都话追求字正腔圆。究竟出自何处？粤曲计又系代表乜野内容？ Re: 戏曲粤唱越过瘾 ( No.43 ) 日期：2014/04/13 17:42 留言者：蛇仔明 隔篱饭香！有人拗话某姓导师系唔系移民加国多年呀芝姐既徒弟。芝姐健在，真唔真好易知。入名门个朵响好多。计细佬话最稳阵认个D走左好耐，又无人无物既名腔喇！新凡凤兄，风哥仍在唔掂，新马多人知容易穿。不如认系凡腔传人喇！凡哥走左卅几年，最贴身既苏翁亦走埋。大龙凤探长再醒都揾唔到证人！薛门唔好认呀，年龄唔岩吖麻。容乜易好似叶XX咁，宣传得星腔真传，但系小明星走个阵佢都未出世！ Re: 戏曲粤唱越过瘾 ( No.44 ) 日期：2014/04/14 22:31 留言者：guan 你讲紧嗰个系咪叶幼祺？香港地叶有好多粉丝，特别系阿伯，好迷佢，梁玉嵘就冇咁受欢迎，可能嫌梁个样生得古肃挂？印象中叶冇话系小明星手把手教导佢啵，亦冇话系小明星入室弟子，虽然真传具体的意思是嫡传，不过现代人的汉语水平大不如前，已经唔太讲究，一般会理解为得到某人造诣的精华，所以叶自诩得星腔真传不过是宣传手法，唔算太过分，唔一定要经过某人亲授至学到佢功夫的精华。系咪？ 你咁唔抵得，是否不认同叶的星腔造诣？咁你觉得佢差在哪里？能否具体点同大家分享下你的心得？ Re: 戏曲粤唱越过瘾 ( No.45 ) 日期：2014/04/14 23:44 留言者：蛇仔明 1.叶系倒模，梁有创造。2.叶声弱，梁声厚。3.叶工尺贴，梁韵味深。小明星气弱，唱腔局住断断续续；好人好姐，唔使依样葫芦。叶唔系曳，只不过梁系超班。品腔呢家野好个人，唔使跟大队既。 细佬读书少，概念中唱艺传递需要媒介。真传只存在师徒身传口授之间。小明星真传只一人，就系唯一徒弟陈锦红，其他都唔算。 Re: 戏曲粤唱越过瘾 ( No.46 ) 日期：2014/04/14 23:40 留言者：guan 叶声弱，梁声厚－－认同． 品腔呢家野好个人，唔使跟大队既。 好多谢你的分享，问多句，梁有创造，创造咗点乜？能否具体点？ Re: 戏曲粤唱越过瘾 ( No.47 ) 日期：2014/04/14 23:42 留言者：guan 重有， 叶工尺贴，这词太技术性，唔明，可否详细点解释？ Re: 戏曲粤唱越过瘾 ( No.48 ) 日期：2014/04/15 09:12 留言者：蛇仔明 Guan曲兄： 工尺贴就系跟足原唱腔口，一粒音、一啖气都唔放过，做影印机。好处是形似，又唔使度。坏处如整容，靓但系唔够自然。毕竟系两个人，DNA唔会相同。梁既创造系吸收星腔精粹来发挥自己既长处。材料系买番来既，参考烹调食谱之余，心得系自己既，宁舍入味。当然学习过程艰苦好多喇，无人天生系大厨师。 Re: 戏曲粤唱越过瘾 ( No.49 ) 日期：2014/04/15 11:43 留言者：guan 蛇仔明， 呵呵！ 估计呆年纪比你大，叫呆兄唔拘，叫曲兄就不必啦，因为同寸友一样，呆都未正式学过粤曲。 不过唔好因此而睇小呆啵，因为呆好学，又好肯学，兼夹自问重好聪明添，聪明唔系现代人所谓的IＱ高，而系传统的耳聪目明，耳聪者就系呆双耳朵好灵敏，唱曲者粒粒音呆都听得到，目明者就系人家写嘢呆个个字睇得明，看得透，呃呆唔到。（唔系耗子跌落天平，认屎认屁，呢处好多曲友见识过，得闲你问下点师兄师姐啦。）教过呆的老师都好开心，因为话头醒尾，重会举一反三，教学相长，大家都唔使劳气。 做完王婆又做番学生，首先好多谢你咁详细的解释，但恕呆打烂沙盘，你重未答呆梁有创造，创造咗点乜？是主观笼统感觉还是有客观证据，边首曲（或者边段，边句甚至哪字？）佢的处理手法同小明星唔同？你剩系话梁既创造系吸收星腔精粹来发挥自己既长处。好笼统啵！星腔的精粹是什么？梁的长处是什么？你要举例说明大家才易理解明白，不然笼统斗朦胧，好容易就各自理解，慢慢就变成穿凿附会，人云亦云架啦！ 讲番工尺贴，你话即系做影印机。坏处如整容，靓但系唔够自然。咁你觉得全盛时期的崔妙芝同钟丽蓉，佢哋之于芳艳芬，红线女，系咪工尺贴呢？ 唔系有意丢难，呆咁问系让你换个角度思考，大家研究下，冇话对错，你慢慢想，想通想透至答，唔急，其他曲友如果有意见补充的话也欢迎参与讨论，谢谢！ Re: 戏曲粤唱越过瘾 ( No.50 ) 日期：2014/04/15 18:43 留言者：蛇仔明 Mr.Guan, 细佬有名你叫，系蛇族，唔会煮残废飧畀人食。你系有心研究既就要实践勒。可以揾枝曲三个人：小明星、梁玉嵘、叶幼琪都有入碟既来反复听同比较，是但抽一枝，《风流梦》应该中。每个人赏曲既悟性唔同，结论亦可能唔同。听到系乜咪乜罗，大家睇法唔一致几咁闲吖！

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79]

< 回上一頁

主題 排列前端 姓名 你的電郵地址 不顯示 顯示 現在心情 小男孩 小女孩(1) 男孩 女孩 鴨子 魚兒 貓咪 猴子 熊貓 男:歡笑 男:憤慨 男:傷心 男:唱歌 男:大哭 男:沒問題 男:驚喜 男:發火 男:害怕 男:唔好意思 男:豈有此理 男:正常 男:冒冷汗 男:傷腦筋 男:笑到肚子痛 男:氣到說不出話 女:歡笑 女:憤慨 女:傷心 女:唱歌 女:大哭 女:沒問題 女:驚喜 女:發火 女:害怕 女:唔好意思 女:豈有此理 女:正常 女:冒冷汗 女:傷腦筋 女:笑到肚子痛 女:氣到說不出話 小新 女孩(2) 女孩(3) 自定心情 管理者 自定心情圖片網址 *心情圖片預覽表 留言密碼 (刪除或修改留言使用) 內容    Cookie 保存

- 阿立粵曲天地 -
聲明

阿立粵曲天地(以下稱本網)所有留言區是以即時上載留言的方式運作，本網對所有留言的真實性、完整性及立場，不負任何法律責任。而一切留言之言論只代表留言者個人意見，並非本網之立場，讀者不應信賴內容，並應自行判斷內容之真實性，讀者若因信賴留言而招致任何損失，本網概不負責。 由於所有留言區受到「即時上載留言」運作方式所規限，故不能完全監察所有留言，若讀者發現有留言出現問題或涉及任何侵權行為，請聯絡本網。本網有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，亦不可上載任何侵權文章，照片，曲詞，錄音及影片，敬請自律。 所有網內留言或文章，留言者均不可保留文章或留言的個人或非個人版權權利，惟他人如需在別處引述或登出，請註明出處。