 Re: 互相尊重 ( No.25 ) |
日期：2010/07/06 12:45
留言者：bbling
 |
如此德性的頭架師傅豈止歐陽小姐，有個男的劉乜瑛仲不堪，
他會當面罵演出者：你唱成咁，人哋會以為我唔識玩音樂。
  
但是，但是你交學費做佢學生，幫襯出SHOW咁就唔同喇，就算五音不全也會說：
正呀﹗任劍輝翻生呀﹗﹗
 |
|
| Re: 互相尊重 ( No.26 ) |
日期：2010/07/06 20:43
留言者：大聲婆
 |
如果所講屬實, 呢位劉先生都好狗0下喎. 應該學0下乜0野叫做修養. |
|
| Re: 互相尊重 ( No.27 ) |
日期：2010/07/08 02:02
留言者：失望
|
Elizatsu,
點止香港師傅, 紐約果d重離譜呀, 玩咗幾檔或者幾年就當自己係大師傅, 其實唔知粵曲係乜, 成日要人送番屋企, 食野又揀飲擇食, 自己就咖啡都唔捨得買一杯。
好多樂師都唔做功課(更拒絕聽原唱者), 玩咗一百幾十次都係錯果幾度, 重賴唱口唔識。死啦, 即係唱口出錢畀佢練音樂 (我係講好普通果d歌都玩得唔好) 。舉例, 就算香夭玩到悶晒, 都要玩, 我地日日返工, 做來做去都係果d野夠悶啦, 夠日日見唔鍾意果d人啦, 要出糧咪死忍囉!
其實唱口都唔係要求高, 只係希望音樂有「少少」似番原裝啫, 好心啦, 唔好整到我地使咁多錢都唱到甩頭甩髻! 提醒佢地一聲, 冇呢d牛奶咀, 呢d師傅都冇工做！
最! 最! 最! 最! 最離譜嘅係玩兩隻歌就要食煙果d 「大師傅」, 四個鐘頭唱七支歌就真係好難為皮, 攪到個個荷包穿窿, 再咁落去, 粵曲就好容易沉。
唔好講話初學果d, 見好多唱咗好耐果d都唱到冇哂癮, 真係對紐約的樂師好失望!
|
|
| Re: 互相尊重 ( No.28 ) |
日期：2010/07/08 07:11
留言者：一粟
 |
而家有很多老倌出新CD都附加純音樂, 通常音樂質素更勝卡拉OK, 也實在是曲友們之福, 操曲恩物.
當然, 死樂那及得生樂靈活, 但當你正聲淚俱下的玩緊段長花或木魚時 (亦是唱生樂的主要原因), 但竟有樂師在大談馬經麻雀經及剝花生... 就真係生不如死咯. 
亦曾聽過一些樂師們閒談間都加上毫無必要的助語詞, 這也實在無法忍受. 
不過, 亦見過非常專業的樂師, 有衣食, 有技術, 有禮貌, 有修養, 有品德. 可能是教育水準的差異吧... 謹向他們致敬.  |
|
| Re: 互相尊重 ( No.29 ) |
日期：2010/07/08 13:32
留言者：說得好
 |
失望.......說得好。。美西亦差唔多，如果儲起D曲$,
每半年返香江 then 北上都夠有突。。....  |
|
| Re: 互相尊重 ( No.30 ) |
日期：2010/07/08 15:18
留言者：elizatsui
電郵：elizatsui2008@gmail.com
 |
我試過北上廣州，有師傅帶我們上去開局唱歌，一個個師傅都係煙駁煙，不停煲煙不停玩音樂，哈哈!技巧真係高超，好似係話唔收錢，只係一齊食飯，到時連唔識的唱口同佢地0既家人啦師傅啦都一齊來吃飯，食飯時又煙又酒，叫0左一大枱餸，到頭來吃不完，找數就側側膊，仲貴過我去深圳唱貴局，不停講你唱得好靚，多d上來唱啦，我找一次數啫，以後仲會唔會再上來唱呢？哼---傻都係一次啫！！ 
所以以後有人話上去邊度唱，都係均真d，斷局或斷支計算就最好啦，大家都冇意見！  |
|
| Re: 互相尊重 ( No.31 ) |
日期：2010/07/08 15:19
留言者：唱曲要開心
|
我唸果D系因爲D唱口寵壞左D師傅，唱口至系音樂師傅的米飯班主，如果唱口唔唱，音樂師傅邊有得做，所以唱口首先要自尊，邊個師傅無職業道德，就杯葛佢，睇佢怕唔怕？ |
|
| Re: 互相尊重 ( No.32 ) |
日期：2010/07/08 15:51
留言者：elizatsui
電郵：elizatsui2008@gmail.com
 |
我都己沒有在香港唱局多年啦！同樣原因，俾錢佢地操新歌！錢唔平架，每支必定唱幾次，d音樂叫做好小小，但只得幾件音樂，d師傅又掛住聽手機又冇做功課，有d師傅仲學緊嘢，音式都未得，又話受介，有時d音樂仲打晒交，都唔知想點，錄0左返黎都唔聽得，我不如去深圳唱，雖然唔係個個局都ok，但係一班師傅受過專業訓練，至低限度每局師傅都有八個，拍子同音式都較準d啦，確實唔熟，都唔會離晒大譜啩，呢個局唔得咪唱第個局囉，消費都要開心架。  |
|
| Re: 互相尊重 ( No.33 ) |
日期：2010/07/08 17:11
留言者：james
電郵：jamesinsm@yahoo.com
 |
ELISA曲友,
我也很少在香港唱曲, 只唱过一些私局. 深圳就唱得比较多,
大多数很有水准. 亦很有职业道德.
唱曲要开心曲友,
很同意您的说法. 唱口是消费者, 消费权在您手里. 认为不合理, '就不唱
|
|
| Re: 互相尊重 ( No.34 ) |
日期：2010/07/09 00:40
留言者：向陽老人
|
是否演出者過份超時呢？ |
|
| Re: 互相尊重 ( No.35 ) |
日期：2010/07/09 12:52
留言者：失望
|
哎吔, 講漏咗, 有d 師傅長期遲到重面無愧色呀, sorry都冇句。
我倒有緣認識以上一粟曲友所形容值得專敬的一位師傅: 非常專業, 有衣食, 有技術, 有禮貌, 有修養, 有品德. 有教育水準。
有一次演出前15分鐘, 這位音樂領導調好音, 環顧一周, 問d 師傅去晒邊, 原來走晒去食煙, (他自己也是吸煙之人), 他並沒有發脾氣 , 但我看得出他的不高興, 又不能指責「兄弟」, 他語重心長的教導我們音樂師傅的操守, 不要學他們。十多年前他的幾句教導, 我永遠記在心裡。
|
|
| Re: 互相尊重 ( No.36 ) |
日期：2010/07/10 03:44
留言者：途經者
|
好認同，james.elizatsui，的說法，香港的樂師己到水深火熱境界，以前爆局的都得番一半，但吾係好多人知點解，淨係識話大陸搶生意，我地計過條數，深圳最貴個局同香港D貴局比差最少兩千元，但香港的局，樂器小幾件，氣焰就大幾倍，可能我地係牛奶咀，吾比人尊重啦，但吾經過牛奶咀又點到牛奶樽？我地吾係要人賣口乖，要人讚，淨係想大家尊重下，上到深圳，好多師傅都肯指點，態度又好，<吾係要搵著數，貪小便宜，係感覺良好，覺得被尊重。>而且上面師傅來港演出，三點就在會堂，有得開下口，平時又有得操曲，操到熟，又吾怕到時吾同師傅玩，吾知我拉什麼腔，，香港師傅！無六七點都吾見人，你無名氣或知你吾係D會駛錢阿太，都費事睬你，平時操曲，未必同師傅，大操時，淨係識收貴D，但吾齊人既，有D師傅演出都無份，到演出，幾驚唱時同師傅吾夾，當然不能一竹竿打盡一船人，亦有一粟曲友所說的，所以更希望各位師傅，有則改之，無則嘉勉。香港粵曲好繁榮，但香港樂師就……，係時候檢討下。我地玩得吾開心，吾玩有何不可？最多玩過第二樣，世界上咁多野玩，每學一樣野，我地都會尊重師傅，尊重一齊玩的人，更希望大家互尊重，咁至長久嘛  |
|
|
互相尊重