投稿一覽 > 討論內容
十八區比賽
日期：2009/06/15 13:51
留言者：SHUK
電郵：shuk111111@gmail.com

請問那裡可以下載報名表格. 謝謝!

修正或封鎖

Page: [1] [2] [3] [4] [5] [6] < 回上一頁

Re: 十八區比賽 ( No.30 )
日期：2009/11/28 15:24
留言者：反不平

TO：阿好不平 ... NO. 29 你所講的昨天比賽....應該是另一個比賽叫『粵曲精英大賽2009』...它是抄足『全港18區粵曲精英大賽』的，連D 參賽者同紅伶對唱的環節都抄足，會歌又係抄足，連D評判都抄埋，仲要主辦個協會個名都係差唔多名，，好心個會俾Ｄ新意啦，唔好咩都抄！　我都以為一個協會搞二個比賽，講真，我二個比賽都有去，ＴＶＢ個完全係一個笑話，反而我個人覺得１８區個比賽認真及公正好多。

修正或刪除

Re: 十八區比賽 ( No.31 )
日期：2009/11/28 20:59
留言者：福佬


通常名牌或有市場價值的東西才會被人抄襲, 看來18區比賽距離變成粵曲品牌的日子不遠矣。

18區攪手諸君, 努力啊 !! Add Oil !! (表情35)

修正或刪除

Re: 十八區比賽 ( No.32 )
日期：2009/11/28 22:49
留言者：粵劇愛好者

今屆的十八區比賽比上屆公平得多,豈碼透明度高!

修正或刪除

Re: 十八區比賽 ( No.33 )
日期：2009/11/30 11:22
留言者：梁小堅

比賽已經告一段落，故此亦收拾心情去開啟電腦睇亞立網站，於曲友討論區忽然發現竟然有曲友關於我的批評，本來不打算作出回應，但是想到這位有〝心〞人發表的言論如果其他曲友不在現場恐怕就會被誤導。
首先回應於10月20日No.8粵曲迷引述，當日他在鰂魚涌會堂現場聽到大會說補選的兩隊代表灣仔區，我想佢當時一定無專心聽曲嘞！大會當日宣佈因為灣仔區的冠軍及季軍因事臨時退出，故 此大會補選咗兩隊是18區最高分數的優異獎得獎者出賽，一隊係觀塘區的李秀玲女士另一隊係我哋，我無覺得大會有問題！因為三個區域比賽，每區18隊，如果有一區只得16隊比賽，其他人又會話少咗兩隊比賽難度唔高噃！大會又唔公平！所以話每一個人睇嘢的立場都唔同！這位粵曲迷的前輩曲藝水平一定好高？又或者這位粵曲迷有朋友或老師出咗局又或攞獎在我哋之後，故此才有此番言論。我可以好衷心咁講比各位知在這次比賽入面我只付出咗一百元報名費，我的背後沒有任何靠山，沒有任何背景。多年來我的拍檔同大家的睇法一樣〝比賽無公平〞，一定有人事做後台！但我的想法同她相反，我一直堅持現今社會係應該公正持平及透明度高啲。因此在第一屆十八區比賽裡，我選擇由觀塘區參賽，因為在觀塘區我不認識任何人及主辦單位。其實每位參賽者都希望自己能得獎，這個我也不例外，但是在我來講，在比賽中能夠認識一些志同道合的朋友，提升自己的曲藝及由不認識的曲友當中去攞成績表比獎項更加難得！
但是在這曲藝界入面，有一小撮人〝心胸窄〞無包容人的量度，唔會承認別人比自己強！然而我哋有冇撫心自問，點解我哋唔可以豁達一點，就好似〝超級新星比賽〞入面啲後生仔咁，落敗的朋友都得到成功的朋友的祝福呢？坦白講唱曲有一定年資的曲友大部份都半百啦！重係咁唔〝化〞。自己入唔到圍就一定有黑幕，別人的曲藝一定比不上自己！唔好〝井底蛙〞啦！本人1993年父母相繼去世，自己做生意一直營營役役，在偶然機會之下去學唱粵曲舒緩一下壓力，在當年跟隨的老師上課其間的一年內經歷咗好多挫折，自己好傻咁兩脅插刀地一直喺她身邊支持她，大小事務從不推辭去做，自己的生意就放棄大半，老師叫到做嘢自己舖頭就關門大吉，當中連收緊租的樓都賣咗去支付舖頭及生活的開支。直至老師得到政府資助，劇團興旺學生眾多，要在那處生存你要同流合污，不能拒絕。最後味在啲爭權奪利的鬥爭之中令自己黯然離開這個圈子！所以做人唔好太執着啦！
至於粵曲迷描述鰂魚涌比賽當日〝子喉水平尚可，平喉聲音沙啞生硬〞好心你啦！前輩麥炳榮先生都係聲音沙啞啦！況且我都未至於沙啞生硬！如果你做評判死得啦！唔知這位粵曲迷前輩有否曾參加比賽呢？先講我和拍擋一啲點滴，第一次2002年觀塘粵曲比賽進入了總決賽當晚，本人在台上發台瘟甩曲，故此沒有名次，連累拍擋與人無尤。第二年2003年再接再勵在觀塘參加比賽得對唱組冠軍，2004年參加無線電視主辦的全港粵曲之王大賽入選對唱組五強，2007年第一屆十八區比賽，我哋都係在觀塘出賽攞到唱組冠軍，亦都入埋最後八強！今屆子喉冠軍的吳玉華女士當年係對唱組季軍呀！2009年香港電台主辦的粵曲比賽我哋都係對唱組的第一後備；講咁多入選咗的比賽項目唔係向你炫耀，只係話比無去鰂魚涌會堂啲曲友知，有啲人講的嘢唔一定真實，如果我哋一對對唱組合咁差，可唔可以得到咁多比賽啲評判的認同呢？
其實在比賽過程中有些參加者啲心態同粵曲迷前輩一樣唔夠豁達，輸咗咪認自己功夫未夠繼續努力囖！好似喺比賽入面也曾有一位參賽者喺我拍擋耳邊講〝你喺邊度嚟架！你係邊個唔係三甲不入咩，點會企喺度呀！〞我哋尊重這位老人家唔會同佢計較，但是係曲藝界裡面呢啲叫做〝無品〞，試問我只係一個學咗16年粵曲的學生〔其中有三年退出空白咗〕，同一個在灣仔教咗20年粵曲的前輩同站於同一個舞台上，論資歷我怎可以唱得好過她，不過我唔會氣餒喎！今屆三位得獎者資歷都比我哋強，我只會覺得榮幸！粵曲迷前輩！我哋除咗對前輩要謙恭有禮，對後學都要一樣。咁樣粵劇粵曲才有進步，拋開狹窄的心胸啦！

修正或刪除

Re: 十八區比賽 ( No.34 )
日期：2009/12/01 21:54
留言者：梁小堅

更正: 2009/11/30 No.33 今屆子喉冠軍的吳玉華女士當年係對唱組季軍呀！
應是吳玉萍女士 (表情14) sorry! sorry!

修正或刪除

Re: 十八區比賽 ( No.35 )
日期：2009/12/01 22:46
留言者：Frankie

非常認同梁小堅曲友所講的一番說話，我也是本屆的參賽者，上一屆我也有參加，只拿了一個地區初賽的第四名，而今屆得了地區初賽的冠軍，雖然在分區複賽輸了，但不要緊，下次有機會我會再來參加，每次參加比賽，我是當作對自己曲藝的一次考試，今次唔合格，回家做好功課下次再嚟過，今次我又去參加觀塘區舉辦的粵曲比賽，初賽有幸過了關，本月六號晚便會舉行決賽，希望今次可以拿張好些的成績表回來。Happy Singing! (表情34) (表情34) (表情34)

Frankie

修正或刪除

Re: 十八區比賽 ( No.36 )
日期：2009/12/03 13:23
留言者：粵曲英

其實只要系評分的比賽， 往往都會有人認為有黑幕 造馬，如果大家成日甘唔服從評判，時時刻刻認為不公，甘我勸佢地去參加跳遠、跑步、游泳比賽就得啦，因為游到幾多系幾多，跳到幾遠就系幾遠。如果今日系你拎到冠軍，你就唔會覺得評判系不公的。
我覺得18區粵曲精英大賽搞得幾好，給每個熱愛粵曲的人一個平台去展現自己，為了粵曲這個文化唔好邊緣化，請大家繼續支持粵曲比賽！
無線的粵曲比賽感覺好似好趕時間甘 (表情28)，睇落唔夠大氣，同佢大台的身份唔系好搭∼∼
希望兩邊都可以改進啦！

修正或刪除

Re: 十八區比賽 ( No.37 )
日期：2009/12/07 22:19
留言者：kwanman

梁小堅 講多無謂 請放一曲上大箮地 公度自在人心 (表情18)

修正或刪除

Re: 十八區比賽 ( No.38 )
日期：2009/12/09 13:57
留言者：路過的人

梁小堅,你講到自己咁勁牙,咁我估好多大佬倌都冇你咁多獎喇...係咪?不如你自己去出張碟,睇吓有冇人買..!? (表情29)

修正或刪除

Re: 十八區比賽 ( No.39 )
日期：2009/12/10 16:47
留言者：寧

勝者為皇，敗者為冦，
最少參賽者可以拋低曲譜，證明沒有『老人痴呆』，
等如比賽田徑，你可以說他跑姿不美，但是他最快跑到終點。就是勝利者。
無得妒嫉﹗ (表情29) (表情29) (表情29)

唱歌好不好聽見仁見智，幾多名師大家還不給別人批評。

修正或刪除

Re: 十八區比賽 ( No.40 )
日期：2009/12/10 18:07
留言者：賞賞

上網有得download 18區o個個總決賽個賽事
上 tvboxnow.com 入面的 香港綜藝節目專區 下載啦

修正或刪除

Re: 十八區比賽 ( No.41 )
日期：2009/12/11 11:43
留言者：粵曲後輩

梁小堅：

你講到自己咁勁又攞過咁多獎，咁多年前又已經得到不同評判既肯定，咁就唔好再參加比賽，留番啲機會比啲後輩或者啲未攞過獎既人喇。捨己去鼓勵更多喜愛粵曲的新手參賽，才可真正推動到粵曲/粵劇既發展。其實每年比賽入到圍既都係個班熟口熟面既前輩老手，搞到好似小圈子活動咁，今年就你攞獎，明年又到我攞番，啲新手後輩又點敢參賽呢! 好心啲前輩老手，尤其係那些已開班授徒的高人，請你們高抬貴手，不要再同班後輩爭獎喇！

修正或刪除

Page: [1] [2] [3] [4] [5] [6] < 回上一頁

主題 排列前端
姓名
你的電郵地址
現在心情 自定心情圖片網址 *心情圖片預覽表
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -
聲明
阿立粵曲天地(以下稱本網)所有留言區是以即時上載留言的方式運作，本網對所有留言的真實性、完整性及立場，不負任何法律責任。而一切留言之言論只代表留言者個人意見，並非本網之立場，讀者不應信賴內容，並應自行判斷內容之真實性，讀者若因信賴留言而招致任何損失，本網概不負責。 由於所有留言區受到「即時上載留言」運作方式所規限，故不能完全監察所有留言，若讀者發現有留言出現問題或涉及任何侵權行為，請聯絡本網。本網有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，亦不可上載任何侵權文章，照片，曲詞，錄音及影片，敬請自律。 所有網內留言或文章，留言者均不可保留文章或留言的個人或非個人版權權利，惟他人如需在別處引述或登出，請註明出處。