 Re: 789的CO探討上一層 ( No.9 ) |
日期：2007/06/11 00:41
留言者：路人
 |
789:其實因為做嘢做到掹，八和主事人又俾人借啲二窒出劇本慢，其實呢啲係佢唔知，邊佪編劇出劇本唔慢，連杜sir都係咁，你敢唔敢鬧人丫，唐滌生都時不時要寫到演出前至派曲
拜託! 人家寫給的是專業演員,有很好的演出經驗和功底! 請問八和的學生,有幾多個敢講自己係專業演員? 心照不宣!!
看來是八和主事人把自己跟杜sir和唐滌生劃上了等號!!!
p.s '做人難'是否就是'789',化名在這兒自我吹噓?? |
|
| Re: 789的CO探討上一層 ( No.10 ) |
日期：2007/06/11 00:53
留言者：789
|
789絕對唔係做人難，佢都摸唔清佢想點，所以唔好估．
789同八和主事人慣咗認叻，你鍾意話佢等同又得，話佢等差又得，或者佢以為佢叻過杜國威同唐滌生都唔定，事實定想象你都無法知道，因為佢未死，唔鍾意一嘢打死佢就唔使講囉，因為蓋棺至可以定論．
你話佢認叻，唔該睇吓其他與佢無關啲欄目，啲人一係互相吹捧，一係互相切磋到死為止，有料與冇料共冶一爐，我玩咗幾日都清楚啦，正所謂〔千格不留名〕，又何必呢！
反而學吓人地華山論劍，網上論曲，有真知灼見，就灼吓人地，當打邊爐，大言不慚，就大吓人地得啖笑，你估八和主事人好鍾意講咁多咩，佢同789都係貪玩，其實呢度同八和好多學生，都除時大過佢地啦．
講吓曲式問題好唔好，順吓佢地啲發表欲，又唔會搞到劍拔弩張，豈不甚佳？   
仲有挖鼻屎瞓覺同埋搞嘢係佢地專長，比呢啲都得． |
|
| Re: 789的CO探討上一層 ( No.11 ) |
日期：2007/06/11 00:59
留言者：路人
|
789:講吓曲式問題好唔好，順吓佢地啲發表欲，又唔會搞到劍拔弩張，豈不甚佳？
呢句最啱聽!! 789終於開竅咯!! |
|
| Re: 789的CO探討上一層 ( No.12 ) |
日期：2007/06/11 01:02
留言者：789
|
咁就你講先啦路人． |
|
| Re: 789的CO探討上一層 ( No.13 ) |
日期：2007/06/11 01:10
留言者：路人
|
好抱歉, 我對粵曲的認識, 可謂不及皮毛, 無資格與789閣下比拼!!
我只是同意閣下對留言區的取態而已! |
|
| Re: 789的CO探討上一層 ( No.14 ) |
日期：2007/06/11 01:19
留言者：苦學生
|
我話789才是有力人事,佢在綱上專揭人私事,連什麽[陳手滛]卻也寫得出來(NO.140段的留言)眞是有辱斯文,卻设有被删徐? |
|
| Re: 789的CO探討上一層 ( No.15 ) |
日期：2007/06/11 01:28
留言者：路人
|
哎! 苦學生, 妳又夠唔啱咯, 連789係有力人事, 妳都將佢揭出來, 佢都話佢唔係八和主事人咯, 連'做人難'的留言中都曾經稱789做AU小姐,之後都立即改翻!
有好多野, 係心照不宣嘅! 唔係就無咁好玩啦!!  |
|
| Re: 789的CO探討上一層 ( No.16 ) |
日期：2007/06/11 01:48
留言者：789
|
而家其實唔得閒，但係好想講，好似唱半拍咁，
而家啲人成日以為啲師教半拍，將啲工尺叮板寫實晒就係好，佢地完全唔知啲佬倌一定唔俾人地喺啲板腔度寫叮板同工尺，見到就鬧死，但係而家啲新晉佬倌同埋一啲拗唔過人地或者音樂師傅先至會咁做，其實梁漢威點解啲佬倌唔認同，呢一點都係原因，佢認為將一切安排妥貼係好，呢個係佢作為導演同音樂設計既創作，但係傳統佬倌唔鍾意，認為限制咗演出，但係而家啲佬倌最驚其實係驚臨場失手，因為要記晒啲譜咪話唔大鑊．
但係我想講既唔係佬倌，而係牛奶咀唱者，佢地見到師傅寫到咁明確，又細心教導，都好心服口服，但係唔知係餵緊毒藥俾佢地食．
教半拍最出名兩個師傅，其實都同八和有關係，都係八和教過，第一個有筆記派，但係而家佢收到好貴，喺近住演藝嗰度開班，就係因為啲人覺得佢教得細致，特別受歡迎，另一個梗係留喺演藝，而家又係名師．
但係我覺得都係啲牛奶咀抵死，因為佢地好鍾意人地細心教同關心，唔知道啲老叔父或者有料啲音樂師傅成人噴人，噴人都係呢個圈既習慣．
好似有一個牛奶咀係一個生仔滿月宴會中，猛鬧劉建榮，話佢唔係真咁培訓新人，你都唔知，見到啲蠢人，係人都想打佢兩巴，尤其是學極都唔識，同埋啲大師傅仲要講身份，你俾一千蚊個鐘又點，佢地都有藝術家脾氣．所以呢個牛奶咀猛咁讚另一個地位差九皮既師傅，我諗人地搵食，梗係順你意啦．
講返嗰兩個教半拍既，一個收千五蚊粒鐘，一個收五百蚊粒鐘，佢地都唔知道，我叫過佢地做伴奏演出，都係有限公司，講呢句一定又俾人插我，其實係論曲，因為佢地都係玩慣唱局，我試過講過玩唱局啲師傅唔及玩做戲嗰啲，俾人窒到一舊舊，但係偏偏最收得錢既都係唱局師傅，因為唱歌啲人有錢使，好似五百蚊粒鐘嗰個，當年好想做香港青年粵劇團頭架，講到出晒口，但係佢以為喺沙田收西樂八千蚊係好合理，但係我覺得俾五千蚊都嫌多，應該倒返轉頭收，喺演藝演出，佢問宋向民，話餅錄音帶唔係咁打鑼鼓，就俾宋向民窒佢，而家係做戲，唔係唱局，呢啲就係唱局師傅唔及演戲師傅．
其實伴奏演戲既師傅一定唔叫你唱半拍，就係班人以為半拍先至寫得清楚，唔知到板腔時值，其實由唱者控制，並注入感情，所以心板極為緊要，老叔父江牛話齋，打鑼鼓要俾譜，睇住個譜冇晒心板，一定要記，唔俾譜．
唱半拍會引起一個嚴重後果，就係彈功板，八和好多舊生都有呢個弊病，就係多得呢位老師，而家啲人仲話演藝唱科教得好啲，唔知入門容易提昇困難．
第二，寫實啲譜又冇咩問題？
點解啲唱家把聲咁靚，點都唱唔羸做戲嗰班，就係唱慣譜囉，但係你冇譜，深圳啲曲社又唔得，香港啲樂社又唔得．
唱譜其實係唱走晒啲創意，所以有佬倌唔鍾意梁漢威，就係因為變咗係梁漢威啲創意，不過話分兩頭，梁漢威啲創意又好過好多佬倌，如果佢覺得嗰個佬倌係有自己一套，佢又唔會特登寫啲音樂俾佢．
我指唱譜其實係指梆黃要有譜既問題，亦都唔係指唱譜練習嗰啲．
成日話粵曲唔使學，就係咁越學越衰，學到返唔到轉頭．
而家仲衰就係有啲唱局師傅要扮嚴，令到啲人食毒藥都食到入肉啲，冇得救，
因為慣咗跟譜唱，就好似翻版CD，越唱越得個売，冇感情，又冇得臨場發揮．
你估人地彈鋼琴攞冠軍，個個彈個支，但係處理感情先至係攞分要素，如果真係一成不變，就不如聽帶，聽原唱者啲創意好過．
所以，好似〔鹿鼎記〕韋小寶都知唔擦鞋有真料，牛奶咀應該睇吓啲老師有脾氣係唔係藝術家脾氣，當然要分開扮嚴厲啲師傅同真係叻既師，其實，而家最好把頭架既師傅係劉建榮，牛奶咀買櫝還珠仲牙斬斬，係唔係抵佢越唱越衰． |
|
| Re: 789的CO探討上一層 ( No.17 ) |
日期：2007/06/11 01:51
留言者：苦學生
|
多謝提點!咁以後叫的綱友唔好再問誰是誰了無意思.  |
|
| Re: 789的CO探討上一層 ( No.18 ) |
日期：2007/06/11 07:06
留言者：789
|
好憎陳xx，話呢句點都認．
其實你地都係講是非之人，唔好扮嘢．
咁既留言，你我在道德沒有高低，所以我不怕．
只想發牙痕，所以想講曲，唔好講是非．
講唱局師傅係現象，不要說是誰人．
梁漢威實為省港澳粵劇第一人，佢比阮兆輝叻，係因為佢係通才，但係每一個人既觀點，可能係另一個人既損害，這也是人人常說是非之意．
八和主事人若無才，便不會招惹是非，當明之！加上佢把口又真係唔收，佢自己都好苦惱，大抵壓力太大，所以成日都想噴吓人，有時又因為不合理現象．
點解啲人俾咗錢做傻仔仲要咁，啲師傅個個講包裝，睇都睇到厭． |
|
| Re: 789的CO探討上一層 ( No.19 ) |
日期：2007/06/12 17:09
留言者：做人難
 |
"789絕對唔係做人難"
Bingo
"再討論八和演藝是非，即別有目的，非有的放矢，雖然盡皆真話，請刪有關文字．"
haha 做人難從沒有在呢欄內再加討論，可來別有目的?
做人難開此欄的目的就是:
"...收集789君的散文於一处。希望789君繼續揮笔，"金猴奮起千鈞捧" 令吾等牛奶咀茅塞頓開。"
收集別人的散文於一处並註明出處( References )，並冇不妥吧?  |
|
| Re: 789的CO探討上一層 ( No.20 ) |
日期：2007/06/23 21:37
留言者：788
 |
很欣賞 "板腔，由唱者控制， 並注入感情"的說法。
任白咁受歡迎，都係感情豐富，同意嗎?
有一次，我用金嗓子M60單聲道直駁CD聽"帝女花"(3萬幾銀音響)
仙姐切切之情，任姐無奈、焦慮。簡直聽出耳油。
各位愛唱粵曲人士，想唱好粵曲，唔該買套好啲嘅音響，嗒真啲曲味，唱嘢就自然有感情，
有感情就有生命，就唱得靓，就得人讚，
|
|
789的CO探討上一層