Re: 四大平喉仲有冇朋友現場聽過呀? ( No.50 ) |
日期:2012/10/31 00:09 留言者:寸心草
|
新馬前輩 "慰妻" 果段: "唯有低聲偷怨,怨一句天....呀牙意呀..(唔好意肆,我偷下氣先..) 茫呀阿牙,吖牙吖呀.......杧......." 听起上黎,好似渠把聲係系大教堂内徘徊..... 我一路奇怪,乜野人把聲可以唱成禁勁既?! ....又有人弹: 又話 "低聲偷怨" 既!............ |
|
Re: 四大平喉仲有冇朋友現場聽過呀? ( No.51 ) |
日期:2012/10/31 03:02 留言者:老坑
|
如果無左高八度呢個天意茫茫,平平無奇則不可做慰妻此曲之模範,聽過後,則可知原來用聲可以用到呢個地步…若唱低八度,則無左一種激動的感覺,又無左搶耳之效果。雖然唔合詞意,但合情境,但最重要就係「好聽」…
你聽下舊式的京劇,老生唱大保國一句:楊波奏本氣昂昂,大淨唱鍘美案一句:包龍圖打坐開封府,都係用腦後音,渾圓而又送遠。 |
|
Re: 四大平喉仲有冇朋友現場聽過呀? ( No.52 ) |
日期:2012/10/31 05:14 留言者:白粉
|
Re: 四大平喉仲有冇朋友現場聽過呀? ( No.53 ) |
日期:2012/10/31 10:04 留言者:Kc
|
琴晩新光雷霆有騷,老先生黃金勝年近八旬!與蘇筌小姐高歌一曲,滿座動容!曲藝高妙也! 可見粵藝中高人不少!值得一再鼓掌! 新馬一代宗師,可遇不可求!明解!明解! |
|
Re: 四大平喉仲有冇朋友現場聽過呀? ( No.54 ) |
日期:2012/10/31 10:57 留言者:辛帆风
|
天才不可复制。
新凡风誉新马声功粤曲平喉第一,这点小弟同意。好多人认为他的高子最劲,其实不少京腔名家亦能。小弟以为他的低子最煞食,超醇厚。高低子、真假声之转换天衣无缝,撩耳之余,不得不佩服能人所不能。
新马唱薛觉先名曲别出心裁,以示超越。他生平一大快事就是唱(逼)走薛觉先返大陆。两人在觉先声剧团曾有一段恩怨。《慰妻》:「天意茫茫」突然扯高八度纯系演野,无其他考虑。高子正是薛氏的弱项。 |
|
Re: 四大平喉仲有冇朋友現場聽過呀? ( No.55 ) |
日期:2012/10/31 13:05 留言者:kc
|
新馬曲藝高妙之處, 聲音運用固是一絕!但新馬能人所不能者, 在乎佢明白表演之道, 如何可以十俗一清式表達!無人能及!
而同新馬伴奏的音樂家也是一絕!
而家見人操新馬曲, 唱到小曲, 竟無人會打番新馬時, 各 的的 各, 各 的的 各,的花竹! 乜味道都冇晒啦! |
|
Re: 四大平喉仲有冇朋友現場聽過呀? ( No.56 ) |
日期:2012/10/31 14:03 留言者:辛帆风
|
Kc兄:
新马御用掌板系「竹王」黄其浩,落竹夹埋个腔,无得顶。而家无边个得架喇!文场大罗大古曲,听新马同崔妙芝既《白蛇传》啦。
|
|
Re: 四大平喉仲有冇朋友現場聽過呀? ( No.57 ) |
日期:2012/10/31 16:00 留言者:Hawaiian
|
個人覺得聽新馬唱曲是一流享受,不過睇佢做戲就要講運,有時真係要保留票尾換回錘仔一個. |
|
Re: 四大平喉仲有冇朋友現場聽過呀? ( No.58 ) |
日期:2012/10/31 18:06 留言者:寸草心
|
时移势易,現今粤語社会,冇人恨做戏子了. 有新馬艺朮細胞的,十零歲就去了外國留学,成曰揸住个iPad周圍逛......咁样落去,佢既潛質都被湮没啦!呢种人,唔係做会計,电腦,律師,醫生,地產,財务.....唔.......或者入左酒樓飲食果行嘞............最接近既歸宿,至多都可能係..........做摇滾歌星或艺員啫. 到了有一曰,碰巖佢有次出現果D慈善騷唱下粤曲,嘩! 當堂一鳴驚人...... 咁又点!......大不了埋左依家果D音樂切計个堆,唱下D滾花都有工尺既曲囉!....... 當然,以佢既天份都會唱倒个"某名業餘唱家"既名銜出黎既....... 不过,果时佢都怕有五張野咯!....... "不知點先可再培育出番個新馬仔呢?" 我地继續幻想啦...... 唔好講新馬,就算係佢果个时代同级數既名家都唔駛指以囉! |
|
Re: 四大平喉仲有冇朋友現場聽過呀? ( No.59 ) |
日期:2012/11/01 10:28 留言者:james
|
寸草心兄, 当有一天,做粤剧演员, 名利双收,好过做医生律师。 那些有天分的人,就自然留下来了。 这是社会的进步,也是香港地转型。 最近在金山看粤剧,看到罗艳卿,
|
|
Re: 四大平喉仲有冇朋友現場聽過呀? ( No.60 ) |
日期:2012/11/01 12:27 留言者:kc
|
重振粵曲粵藝, 的確只可幻想吓!
而家八和政府搞承傳都難!
有人入行至奇!
揾人睇也難!君不見, 新光業餘騷多數派飛, 都唔滿!
唱得唔好, 半場走了大半!
真係只得出騷個班人自己玩! |
|
Re: 四大平喉仲有冇朋友現場聽過呀? ( No.61 ) |
日期:2012/11/01 15:03 留言者:辛帆风
|
小弟想同大家研究吓,究竟演唱会有无可能叫好叫座?即系有人赞又唔使蚀。或者从另一角度睇,乜野骚您会买飞入场睇? |
|