Re: 簡譜與工尺譜 ( No.3 ) |
日期:2011/10/31 15:14 留言者:楊林
|
如果從前要睇譜先識玩音樂,一早俾人炒左啦。咁唔用譜用乜呀咁?用手影呀嘛。傻人。
不過依家唔同喇,一支歌有一支新小曲,唔怪得有人夠膽話朱慶祥唔識玩囉。
咁玩粵曲弦索者號稱甚麼呢?「拍和」也。拍和者生,伴奏者死,咁用唔用簡譜又有乜所謂?大陸現今之頭架師傅有邊個唔係用簡譜,有邊個叻得過尹自重,呂文成,梁以忠,王者師?如果無,進步云乎哉?講得現實的,莫講話進步,連邊都掹唔到呀。
痾屎唔出賴地硬,技術唔好賴工尺。
拍一首粵曲,用電阮,二胡,揚琴,色士個簡譜唔知係唔係一樣既呢? |
|
Re: 簡譜與工尺譜 ( No.4 ) |
日期:2011/10/31 08:32 留言者:kh
|
Re: 簡譜與工尺譜 ( No.5 ) |
日期:2011/10/31 09:04 留言者:煩夫俗子
|
粵曲本無譜,要知道粵曲音樂是拍和非演奏!要譜何用?正因為現今每曲全譜,才有今天千人一腔現象.若邦黃中一板有十音難道你會玩足十個音符? |
|
Re: 簡譜與工尺譜 ( No.6 ) |
日期:2011/10/31 18:19 留言者:不懂裝懂
|
「工尺譜衹有板位標記,但卻沒有如四份一拍或二份一拍等的時值觀念,如樂師不熟曲,用工尺譜同奏一首生曲,效果一定比用簡譜差,因為拍與拍之間的音,究是前半拍出,半拍出或後半拍出才對?這些樂師只有靠熟曲了,但簡譜便不同,六十四分音符也可記得清清楚楚,一目了然。」
一睇呢段嘢,就知講嗰個對粵曲拍和熟極有限。粵曲拍和特別係梆黃,係講求「兜搭」,唔一定係同唱口同步進行,例如反線中板,「我忍淚半含悲」,傳統嘅玩法係,樂師要等唱口唱咗「我忍淚」,先至俾音樂玩「我忍淚」,然後再追上去拍住唱口唱嘅「半含悲」。首先要問吓唱口唱唔唱到六十四分音嘅時值先?唱唔到,嗰譜記嚟有乜用呀?
|
|
Re: 簡譜與工尺譜 ( No.7 ) |
日期:2011/11/01 08:20 留言者:sam
電郵:samkkw@hotmail.com
|
Re: 簡譜與工尺譜 ( No.8 ) |
日期:2011/11/01 13:36 留言者:raymond
|
傳統粵曲都話要乜譜物譜個 d 所謂樂師同唱口, 唔該佢地早 d 番歸瞓覺啦! 咁攪法, 區君祥 同埋 唐小燕 咪唔駛玩嘢同唱嘢? |
|
Re: 簡譜與工尺譜 ( No.9 ) |
日期:2011/11/02 03:25 留言者:楊林
|
知唔知乜係堅料?
睇下盧啟光現場演繹時遷盜甲,只係對住個頭架講左一句「滾花轉中板」,就已經可以唱,盧錦叔腔口快如流水,個梵鈴居然拍到滴水不漏。
要用簡譜先識拍和者,可剪了絃索,小提琴破柴煲水飲矣 |
|
Re: 簡譜與工尺譜 ( No.10 ) |
日期:2011/11/04 10:46 留言者:不懂裝懂
|
要睇簡譜先至玩得到粵曲嗰啲,證明佢哋只可以視奏,唔識聽音,唔可以聽奏,咁玩法,嚴格嚟講算唔算拍和都成問題,似伴奏多啲喎。
|
|
Re: 簡譜與工尺譜 ( No.11 ) |
日期:2011/11/04 11:01 留言者:懂裝不懂
|
十分同意,所有樂師都不應看曲本,否則都是唔識拍和。 就算看曲本,曲本也不應附上任何工尺譜或簡譜。 撰曲人在曲上寫上任何工尺譜是多餘的, |
|
Re: 簡譜與工尺譜 ( No.12 ) |
日期:2011/11/04 11:32 留言者:yy
|
有時有些特別情況, 遇著些唱口穩穩鎮鎮的就好些, 但有時遇著d唱口, 連自己都唔知自己想拉d咩腔,收d咩音, 邦黃又沒有工尺, 就真係一定要靠熟曲帶佢地. |
|
Re: 簡譜與工尺譜 ( No.13 ) |
日期:2011/11/04 14:55 留言者:楊林
|
十分同意,[所有]樂師都不應看曲本 ,否則[都是]唔識拍和。 就算看曲本,曲本也不附上[ 任何]工尺譜或簡譜。 撰曲人在曲上寫上[ 任何]工尺譜是多餘的,
語理乖舛,邏輯謬誤,強詞奪理,是非不分,捨本逐末,理解錯誤 |
|
Re: 簡譜與工尺譜 ( No.14 ) |
日期:2011/11/04 14:49 留言者:raymond
|
唱口唔穩陣, 音樂師父都要穩陣. 同樣音樂師父唔穩陣, 唱口都要穩陣. 咁先至係唱和丫嘛! 千祈唔好互相賴三賴四作掩飾自己唔掂的借口. |
|