 Re: 又係南音 ( No.1 ) |
日期：2009/09/21 10:17
留言者：aaa
 |
 點解唔睇下, 留下言呀大家? |
|
| Re: 又係南音 ( No.2 ) |
日期：2010/09/01 22:15
留言者：大海
|
南音
有個別腔口南音,
快、中、慢南音,
正線、乙反線.
南音在廣州時也分幾大類:
只能道出:
１）地水南音
２）舞台南音
３）老舉南音
唔知仲有無呢?
|
|
| Re: 又係南音 ( No.3 ) |
日期：2010/09/03 02:32
留言者：莫財
|
某依漢故事寫左幾首南音
計有：圯上進履、項莊舞劍，夜達檀溪，白登之圍
可惜一路無弦索手拍和，自已淨係識彈野。如果識拉胡可以用電腦合音。 |
|
| Re: 又係南音 ( No.4 ) |
日期：2010/09/10 12:50
留言者：路過客
|
舊時一拙作
鬧名府
城內一山有名府，佢名為叫「禮誠賓」。門面莊嚴復華麗，睇上認真架勢又偉宏。
門前兩籠高高掛，又紅又光嘅大燈。門旁兩張紅底嘅，一文一武嘅門神。
說話府中個屋主，官高手上復有金。佢仍朝庭嘅政要，出街重托著金銀。
佢嘅為人算幾好，不為黑面乞人憎。重喜各文各武藝，不時撚來一手書畫琴。
有次遇來搵工者，哭求三跪為母親。為了疾醫共生活，不免將來辛苦成日貧。
屋主見聞心悒痛，連聲請進與茗斟。傾論三時幾個骨，聽得涕流請佢做工人。
但係從工果時候，認真暢快同開心。先助母親醫惡疾，再出去街暢遊行。
不過人生路不熟，行行又似有人跟。一轉頭來到小巷，牙煙到佢頭暈暈。
一問佢係乜誰客，二回答乃是名君。三問何解跟吾去，四回答是欲成朋。
五導爾人遊城鎮，六供饋食送頭巾。七笑眾談苦與樂，八承是友結成盟。
天日再來城中內，復尋朋友說世身。友聽得爾職於府，欲同去府否與能？
怎料佢真認承佢，請爾來府蒞觀登。爾友聽聞真歡喜，重叫喚來飛仔出一群。
佢趁屋中無人入，就來請友入蒞今。重話隨隨走或坐，連忙請到飛仔臨。
啲客點知一進府，就癲狂發若亂軍。或有坐於古董椅，或於各室周圍騰。
佢見急言快停止，爾回歡快攪氣氛。或撥名琴亂歌唱，珍圖龍鳳搲出痕。
或叫餓饑何處食，有人回答食人參。成個名城被破壞，東西被壞全是塵。
佢哋睇鐘見夠數，即刻鬆頂往外奔。爾望他方就嘆氣，府中打掃兼呻吟。
第日本來好清靜，傳來怒叫若盜侵。快快著衫走出外，忙忙落去下一層。
一見只存怒屋主，面紅耳赤拂衣衿。心想而今幾濕濟，連聲問道心感沉。
屋主聽聞如斯問，怒充塊面紅益增。拎起幅圖叫佢睇，走來一看心如焚。
圖內友朋於府內，表情歡悅樂亨亨。繪了諸人戲古董，睇完覺得真失魂。
復跪主前望主諒，一時怒氣不能吞。語佢走人拾包袱，諗起返蒞屋主真不仁。
惟有返歸養親母，得閒請母食下柑。決不隨隨結朋友，結損友咯，唔會若如以前一舊雲。 |
|
| Re: 又係南音 ( No.5 ) |
日期：2011/04/11 20:10
留言者：大海
|
老舉南音:是廣州花艇技院所唱的南音歌曲,供客人欣賞的,從前技院別稱為"老舉寨",所唱曲的人是技藝,因而得名"老舉南音",但已近失傳了.
地水南音:從前的盲人以占卜為謀生技倆,第七掛師為地水師,所以盲人唱之南音,取之為"地水南音".
舞台南音:是溶入粵劇裏之南音,多是一小段之曲詞. |
|
|
又係南音