 Re: 兩套一模一樣的樓台會 ( No.6 ) |
日期：2006/05/03 03:42
留言者：qq
 |
恩薇
陳笑風唱的VCD卡拉OK牒，錦江詩侶/寶玉哭晴雯/六號門之賣仔。  |
|
| Re: 兩套一模一樣的樓台會 ( No.7 ) |
日期：2006/05/03 03:55
留言者：恩薇
 |
QQ, 你答得很快啊.
 |
|
| Re: 兩套一模一樣的樓台會 ( No.8 ) |
日期：2006/05/03 04:50
留言者：qq
|
恩薇姐垂問! 那敢怠慢!...
史Similey...点解唔設計...可以改..."You are the beautiful woman" 啫.. |
|
| Re: 兩套一模一樣的樓台會 ( No.9 ) |
日期：2006/05/03 05:06
留言者：恩薇
 |
QQ啊,
呆地姐妹在這里談話家常,
吾怕被迫搬竇啊?
|
|
| Re: 兩套一模一樣的樓台會 ( No.10 ) |
日期：2006/05/03 05:20
留言者：qq
|
| Re: 兩套一模一樣的樓台會 ( No.11 ) |
日期：2006/05/03 12:26
留言者：老三
 |
hawaiian
香港北角英皇道423號的新光戲院大堂的粵曲店名叫"聯藝影音公司"，
電話：28560119 傳真25900920
牒名：風腔名曲經典回顧------陳笑風原人原唱卡拉OK
一牒有齊：錦江詩侶/寶玉哭晴雯/六號門之賣仔
你朋友若未能買到此牒，可聯絡我，我送隻給你。(一來我有二隻，二來你山長水遠托人買，三來最衰我唔識點樣搞網上傳送光牒)哈哈哈....。 |
|
| Re: 兩套一模一樣的樓台會 ( No.12 ) |
日期：2006/05/03 14:47
留言者：hawaiian
電郵：ommahung@hawaii.rr.com
|
老三兄:
在下首先多謝你的美意,我己聯絡了朋友,佢話有空去新光看看.
qq君:
如果你能畀一隻我,就卻之不恭咯.先睹為快呀嘛!係唔係你傳到我郵箱?我會把郵箱清潔一空,怕太細容唔落.你可唔可以教我如何把光碟和錄音帶放入電腦傳出去?我是電腦白痴,只懂開關,一切都係小輩做.但我家小輩只識講同聽中文,唔識睇,最好用英文表達.靜靜話你知,你估我有幾多套粵劇?未正式數過,怕有二百套.除了幾套梁兆明的買唔到,我知道的都想法買了.但有一人的劇一套都冇買,就係中山劇團張少華主演的戲一套都冇.我覺得佢木口木面,生硬過碌木,除了會唱幾句形似[不是神似]的蝦腔外,不值得看.這是我個私人眼光,並不代表是對.同時我希望你傳來是有聲有影,我曾下載過一片有影冇聲,好似一個廣告咁:
“搵邊個?!”
“阿虫介紹來架.”
……………….
“依?????有野睇,不過冇聲0既.”
你知唔知係乜廣告?我忘記了.希望女士們勿答,否則暴露了你的年齡.
我的電郵是 ommahung@hawaii.rr.com
hawaiian
|
|
| Re: 兩套一模一樣的樓台會 ( No.13 ) |
日期：2006/05/03 17:31
留言者：老三
|
hawaiian
哎也！我唔記得講清楚d添；上述的VCD牒，所謂現場畫面，是陳笑風站於台上唱曲的畫面(唱曲藝式)，並非做大戲的畫面啊，唔知我有冇搞錯左呢。  |
|
| Re: 兩套一模一樣的樓台會 ( No.14 ) |
日期：2006/05/03 17:55
留言者：hawaiian
|
老三兄
冇搞錯,當日我就係睇到陳笑風穿件長衫站在台上唱.
hawaiian
|
|
| Re: 兩套一模一樣的樓台會 ( No.15 ) |
日期：2006/05/06 03:13
留言者：qq
|
hawaiian, VCD Karaoke 今日巳寄出，應該三日之內收到。
說來慚愧, 擁有這碟已一段時間，今日拆封才看見, 陳笑風是穿長衫表演的。
你學識記得唱返比我聽呀！陳笑風也是我喜愛的唱家之一。  |
|
| Re: 兩套一模一樣的樓台會 ( No.16 ) |
日期：2006/05/06 05:15
留言者：思菩
電郵：ceipui@gmail.com
網頁：http://www.perreng.com
 |
阿蟲介昭那個廣告細細個時己播啦﹐好似是賣殺蟲水嘛﹗答了都唔怕啊﹐因為 hawaiian 兄你仍是大我一大截呀﹗(你之前講過你的歲數架﹗)
我想問你﹐你那二百多卷大戲當中﹐有沒有任白的[九天玄女]﹐任羅的[大紅袍]呢﹖在此不便﹐未知能否將答案寄去我的貓箱呢﹖ |
|
| Re: 兩套一模一樣的樓台會 ( No.17 ) |
日期：2006/05/06 18:31
留言者：hawaiian
|
QQ:
我想你會很失望,雖然我對粵曲粵劇很鍾愛,但我不會唱.我指的是站在人前或咪前唱那種,並不是一邊沖涼或一路行一邊唱那種.因為我未學過,只是跟住唱片唱帶來唸口黃.我對粵曲粵劇愛好,始小時候,七八歲跟隨長輩翻山越嶺走兩三個鐘去看戲,散場後又走兩三個鐘回家.十二歲那年,金牌小武靚少佳帶領當時的廣州青年粵劇團在我就讀的學校左近的戲院駐扎了大半年,大約有四五十人,年齡都是十零歲,每星期演一兩晚,其餘都是學戲,排戲,操曲,練功.我有幸時常伏在舞台旁觀看,故此對粵劇亦知皮毛.我也認識其中一些學員,今日只知一個何家耀在香港,其他人久不聞了.他們一早就在山邊吊嗓嗌聲,男嗌合尺,女單嗌一個依字.我當時經常面懵懵跟隨一起嗌,到今日我己花甲年華仍中氣十足,可能是當年盲打誤撞之故.及後偷渡去了香港,雖然仍十分喜愛粵曲,但工作及生活環境不同,冇機會接觸到這方面的人.三十多年前來到番邦,此處當年有兩間音樂社,[現在有幾多間我唔知]友人知我對這方面有興趣,同我一齊上去.我每次都上去坐下,看下人家點.一段時間後,我轉去了另一間,又一段時間我完全絕蹟不再去.第一,裡面的人不甚友善,好多時當你係透明.其次根本冇人教,我以為唱曲首要識叮板,線口,曲牌,然後一步步提升.但那些人識唔識都是疑問,或者有人識冇人開聲.他們都係在家唸熟一曲來到同音樂一齊來玩.這都不是我卻步原因,最要命的是搞小圈子,分堆分派,是是非非,全是雞毛蒜皮小事,雙方都要我企在佢一邊,那些男人老狗竟比無知婦人更小器,叫我點樣與這些人為伍呢?老實講,上來捱更抵夜[因很多人做飲食業收了工沖涼先來己近午夜]都是想開心一下.見到這種情況想唔走都幾難,靜靜話你知,世人多崇拜關公,我卻崇拜張飛,快人快語.其實我有很多嗜好,有良有不良,粵曲只是其中之一.之後在家自唱自娛,有了卡拉ok面世更容易,不過近七八年來冇開過聲,原因是搬了,自問把聲都嘹亮下,鄰居經常投訴.現在進入用耳的時代.講個笑話你知,我是做建築裝修的,一次工程完成,間屋空無一物,心情大樂,一時歌興大發,唱起至愛胡不歸哭墳尾段乙反二王,我曾經有幾次用一口氣跟住新馬仔拉腔,點知呢次都未拉完,屋外有條鬼佬大聲在問:”Are you ok?” 令到我十分尷尬,從此不再唱了
思蓓姐:
我都五十九歲了,怕乜公開呢?很抱歉!!你問的兩隻碟我冇,粵語歌唱片有十隻八隻,但不是我買的,是朋友送給我大人的.係乜東東我唔知,因冇睇過.我所有的全是內地劇團所演拍攝,我覺得這才是粵劇,有台步,關目,做手,功架看.那些香港拍的只能稱是粵語歌唱片,根本同粵劇係兩回事,管他係邊個大老倌做,都係求求其其咁行出來,又求求其其咁行入去.尤其是七日鮮,鑼鼓有鑼鼓響,佢有佢行,站在鏡頭前大唱一輪,而且錄音又不好.如果我要聽佢唱,不如聽唱片,唔好唔灌唱片.不過這都是我個人的意見,並不要求別人認同,所謂青菜蘿蔔各有所好.
|
|
|
兩套一模一樣的樓台會
A 四十年前我在香港曾擁有過兩套樓台會唱片,一是藝聲出品,陳笑風林小群合唱.一是另一公司[忘了名字]歌者是張浩英,李慧珍.但無論什麼兩套都是一模一樣,我經常入套,分明係一版兩用.請問點解?