水能載舟 日期：2005/06/24 20:20 留言者：胡塗 註 : “水”為已經先做好之音樂， “舟”為唱此音樂者。 在如今粵曲卡拉OK極為普遍與泛及之局面, 此問題想必直得大家客觀地談論一下的 。 究是唱卡拉OK好呀抑或唱live音樂好呢 ? 卡拉OK唱得多會唱壞人喎，真的嗎 ??? 卡拉OK唔好唱架，給它牽著鼻子走，好辛苦，而且腔口一點也沒得發揮，生樂好唱過 ! 車，卡拉OK係給有程度的人唱架！不對，不對，卡拉OK係給沒程度的人唱咧 •••••• 唉， 眾說紛紜，莫衷一是 ! 觀看有些人唱卡拉OK唱得鬼咁好，但一轉去唱生樂時便唱到東倒西歪。亦有些人唱生樂時唱得四平八穩，揮灑自如，但一轉去唱卡拉OK時卻唱得滿不是味道，縛手縛腳••• 問題出在哪裡呢 ? 1. 初學唱粵曲者 : 辜莫論唱生樂或卡拉OK，初時都一定唱得不好，節奏感不好，音準不好，吐字不好，運腔更不 ……等等各樣都不好。 若是生樂 : 音樂師傅們吃鐵打丸吃到怕，兜住你又唔係，唔兜住你又唔係 (因一個好音樂伴奏師傅係應該儘量不使唱者出醜的)，但最慘初學者唔知你在兜佢呢 ! 一笑 ! 若是卡拉OK : 你儘管開大喉嚨叫歌，喊歌，撞板撞爆機亦可，線底線面都無所謂 ! 咪當作叫 “合尺” 開開聲和舒解下粵曲歌隱毒咯 ， 聲係越叫越靚架嘛 ! 卡拉OK有樣好，因佢係死架嘛，所以絕不會有心情不佳時候而…等等，總之佢不受唱者及外界事物之影響， “相當”準確地帶你行。唱卡拉OK更不用勞師動眾，省時省錢省事非 ! 實除師傅外，乃初學者之最好幫助 ! 萬物之靈的你可把兩者作比較，自行選擇 ! 咪作盲從 。 2. 有程度者 : 至此階段者當必都是歷盡艱辛，十年寒窗，銀嘜唱穿了的 ! 實應兩者都無問題才是 ! 喜歡唱生樂便唱生樂，喜歡唱卡拉OK便唱卡拉OK。 若有問題請看以下 : * 請注意卡拉OK的線口係特別比生樂高的。 * 慣唱生樂者唱卡拉OK時，應先聽看過其卡拉OK最少要幾趟，兼邊聽看邊拿份曲對照其丁板上落，唱腔出入，寸度快慢 … 等並作下記錄。到唱時可拿已作下記錄之曲譜看著唱，別受螢幕上所出的字影響(口白時才看螢幕)。若依足做，擔保唱得信心十足。 * 至於慣唱卡拉OK者唱生樂時，應留意統一曲譜，不要你份一個版本，師傅份一個版本，因師傅係按照你所給的曲譜玩的。唱者還要留意通常曲譜的丁板與卡拉OK的丁板係有上落，介口，詩白，口白，和音樂過序 … 等等各樣偶爾也會有出入不同的。同時有樣不得不認同，卡拉OK的音樂師傅多是經過精挑細選了的，玩得圴有相當職業水準 (不好的卡拉OK亦不敢面市而偷偷拿去丟掉垃圾桶啦)。但現場音樂卻會因許多客觀關係 … 往往會令慣唱卡拉OK者捉摸不定而唱得有點搖搖晃晃。 舉個例 : 寶華卡拉OK “映紅霞-姚志強-曾慧演唱” 其中生唱段二王 “接過紅菱手上 …” 係有起音樂的，但份曲卻寫明係禿唱，唱生樂時師傅當然按照曲玩唔起啦，唉，唱者一個不小心便令全部都停曬。還有很多場合，明明這句卡拉OK有起兩粒 “先鋒指” 帶個唱者開口，但生樂師傅有權不起的，有陣時明明無佢又起喎(生樂師傅有權)，鑼鈸方面也是一樣(生樂師傅有權表演功夫)，唱者要自己執生呀，想想也怕怕 ! (總而言之，唱生樂七成靠自己打板，三成聽音樂。唱卡拉OK七成靠聽音樂，三成自己打板) 3. 登峰造極者 : 到此境界者，請鑽研金庸神鵰之劍塚獨孤大俠遺書 … “草木竹石皆可為劍”一節 …。手中無劍，心中有劍，手上無曲，心上有曲，無招似有招，有招似無招，問題應再不是問題了 ! 以上純屬是個人之愚見，實有很多不是處，請有識之士多多批評，給予意見，謝謝 !

Page: [1] [2] [3] [4]

< 回上一頁

Re: 水能載舟 ( No.22 ) 日期：2005/06/29 00:11 留言者：胡塗 Tim 兄 : "大多數的卡啦ok，水準都是一般" 你是說唱者抑是其音樂 ? 本人亦沒說要以其作為教材呀 ? 亦沒說學粵曲者,不需要不拜師呀 ! 我們萬物之靈應對一件事情作多角度觀看，不應一竹竿打一船人， 對嗎 ? 一笑 ! 不知其他藏龍臥虎者有何高見呢 ? Re: 水能載舟 ( No.23 ) 日期：2005/06/30 00:40 留言者：Tim 胡塗兄： 我說的一般, 主要是指唱者而言. 音樂方面, 表面可以說大多數是音色豐富, 但對初學者並不見得有好處. 我沒有說作為教材是你說的. 我說卡啦ok不宜作為教材或學習對象, 是我個人對卡啦ok作多角度觀看後的見解, 純粹表達, 並沒有打人的意思(一笑). Re: 水能載舟 ( No.24 ) 日期：2005/06/30 13:01 留言者：胡塗 你說的沒錯, 一般卡拉ok唱者的唱功都麻麻(除少數如彭熾權 ... 例外) 。不過其音響的確幾好 ! 我們應要懂得利用呀 ! 對嗎 ? 至於初學者宜不宜多唱卡拉ok, 更希望多聽些其他網友高見 ! Re: 水能載舟 ( No.25 ) 日期：2005/06/30 14:19 留言者：Tim 我不敢亦沒有資格批評唱者的唱功. 我說唱者一般的意思, 是想說他們在卡拉ok裡的唱法比較大路而已; 至於音樂方面, 我覺得對初學者來說, 孤絃寡索似乎比較容易吸收. 不過, 話又說回來, 如果要無師自通, 好像沒有更好選擇了. Re: 水能載舟 ( No.26 ) 日期：2005/07/01 00:27 留言者：ling karaoke 碟唱者都是演戲的伶人 (尤其香港伶人), 他們做的是戲, 不單是唱歌, 伶人做戲時的唱腔都不會太難太"翹"口. Re: 水能載舟 ( No.27 ) 日期：2005/07/01 12:43 留言者：胡塗 電郵：huhutoutou@yahoo.com Tim 兄, Ling 兄 : 本人心得愚見, 曲與唱腔並非要 "太難太"翹"口" 才為之好曲, 好唱. 實要從平凡中見功夫才算好野 ! 越轉來兜去越非洲 ... 和尚, 一笑 ! 又何見得大路不大路呢 ? 卡拉ok"幾度悔情慳"姚志強-蘇春梅，"沈園會"小神鷹-關 ... ,等, 其唱腔都依照足份曲來唱呀。至於沒壓譜的腔, 大家有權各去各的... 對嗎 ? 我就不敢說了。 可見問題所在不是腔口大路不大路, 亦非 "太難太"翹"口"的事, 本人說的乃功力深淺問題(吐字, 放收聲, 運腔, 感情, ... )。卡拉ok其唱者出碟時很多忽略了"感情" 這重要一項, 音響更靓亦是死歌一隻, 鞋 ... ! 個人感想, 見諒, 見諒 ! Re: 水能載舟 ( No.28 ) 日期：2005/07/02 23:02 留言者：胡塗 咦, 咦, 咦, 咦, 咦 .... 沒有反應0既 ? Re: 水能載舟 ( No.29 ) 日期：2005/07/05 19:01 留言者：yayawoowewa 電郵：yayawoowewa@yahoo.com.hk 我支持初學跟卡拉ok係好ge選擇，理由如下: 一。 整體速度平均，可以培養節奏感，呢樣係好多人ge weak point。 二。一般演奏樂器足夠。 三。可以隨時參考老倌唱腔，返復練習, 到比較熟習時才試伴奏。 要玩腔或拉長縮短係現場伴奏好，但係唔適合初學者，唱都末穩就學人玩腔或拉長縮短要棚音樂就你好似唔多合羅輯。 Re: 水能載舟 ( No.30 ) 日期：2005/07/05 22:10 留言者：胡塗 yayawoowewa: 真是理由充足 ! Re: 水能載舟 ( No.31 ) 日期：2005/07/16 21:11 留言者：胡塗 師父仔兄 : 你說"你提供的錄音是 Karaoke 版本，未能確認你對於版路的度數，因要配上 Live Music 方能得知唱者的真正功力。" 本人不同意, 本人覺得 Karaoke 更能顯示出唱者功力, 因它不會兜你, 節奏快慢要很準確才可以, 本人此貼不應貼在此, 但為回應師父仔兄, 望立 sir 見諒 ! 师傅仔兄 : 你評語說唱硬樂未能顯出唱者時間功力, 因佢帶唱者行, 我亦不同意 ! 請問何為帶 ? 是否帶者應行頭, 追者跟尾 ? 若節奏感很好者, 唱得和硬樂時間貼一貼, 沒先後的, 那算不算帶呢 ? 若更高手者, 唱早硬樂時間4/1秒, 是不是唱者反帶音樂呢 ? 再說, 唱生樂就沒帶嗎 ? (可能帶得更離譜 ! ) 再說腔口, 聽熟了才唱的, 早已知佢行乜路咯, 咪各行各的, 錄出來聽食到貼一貼, 何見得帶不帶呢 ? 還有一點需知, "橡筋板"者係無法唱得好硬樂的 ! 但佢唱生樂係紋係路喎, 原因何在呀 ? 乃在於師傅跟唱家, 你慢0的, 我也慢0的, 你快0的, 我也快 0的, 更有, 唱生樂喜愛唱乜腔都得, 無意中自由好多 ! 本人愚見, 在有規定內而做得好更顯出功夫 ! 純粹討論, 開罪處, 見諒 ! 亦望立 sir 見諒, 此貼不應貼在此處的, sorry ! Re: 水能載舟 ( No.32 ) 日期：2005/07/17 03:03 留言者：Tim 胡塗兄： 單以音準和叮板而論，只要背到滾瓜爛熟，可以唱到似模似樣，並不是難題，可能對著卡啦ok還佔便宜，因為有影像提場。我有位朋友「埋鑼查」就會撞板走音，但唱卡啦ok就ok。但要衡量功力，只有音準和叮板又好似少咗啲，我認為衡量功力，不能單以音準和叮板作準。 很明顯，唱卡啦ok是唱「死」歌，唱者和音樂都是一成不變的，沒有所謂「帶」或「跟」。「埋鑼查」就有變化，唱者和音樂有機會交流，互相輝映。 如果唱者撞板或拍子唔準，唱卡啦ok時當然很容易察覺到，而「埋鑼查」時拍子唔準，就算掌板就住來車前倒後，冇理由聽唔到啩？果如是，又怎能算「係紋係路」？ 純粹討論, 開罪處, 見諒 ! Re: 水能載舟 ( No.33 ) 日期：2005/07/17 23:57 留言者：胡塗 Tim 兄 : 你說 : "唱卡啦ok是唱「死」歌，唱者和音樂都是一成不變的，沒有所謂「帶」或「跟」。" 真係講得好呀 ! 佩服, 佩服, 大家討論一件事雙方要憑良心, 不偏不倚, 我亦係生樂, 硬樂愛好者, 自信兩者都唱得「係紋係路」。對不起, 我從沒說過唱生樂不好, 若生樂, 唱者與玩者配合得好, 真是別有一番難言趣味, 非局外人所能體會的 。 唉 ... 難就難在渾為一體0個度 ! 我先前說的「係紋係路」, 係說唔易察覺到, 相信以你0既程度, 唔說你都知, 好多唱者都係 "大笨象打針 - 冇知覺0架" , 明明係墜0左, 或稍為爽0左0的, 佢竟然可以全不感覺到, 重大大聲講自己唱得很好 ... !!!! "只要背到滾瓜爛熟，可以唱到似模似樣，並不是難題" 相信你說的不是橡筋板者, 照我多年來觀看, 橡筋板者係無法 "唱好" 硬樂的 ! 不知兄你有否同感 ? "可能對著卡啦ok還佔便宜，因為有影像提場" 我不同意, 覺得反為給它撓亂, 硬樂唱得"好"者, 相信"大部份" 唔係因為有影像提場的 ! 而"大部份"係靠聽音樂和看曲本0既, 小部份係自己打板, 因有的地方聽唔準音樂0既, 比如 : "同是天涯-陳小漢-郭鳳女", 尾段 : 一杯捋向 ... ", 係要打板唱才準的, 不知兄你亦有否同感 ? 純粹討論, 開罪處, 見諒 !

Page: [1] [2] [3] [4]

< 回上一頁

- 阿立粵曲天地 -
聲明