 Re: 戲曲表演 - apa 課程 ( No.25 ) |
日期：2007/07/19 22:04
留言者：ling
 |
無線同亞視藝訓班還真培育了不少影帝/影后!
真係出自演藝咪好似梁榮忠之類.. 最近也有個第一榮譽(唔知咩證書) 畢業的做"同事三分親" 的. |
|
| Re: 戲曲表演 - apa 課程 ( No.26 ) |
日期：2007/07/20 00:24
留言者：影帝阿媽
 |
影帝影后都是他們父母所生的,佢地供書教學並且自小栽培一段時間之後,先至到無線亞視藝訓班進修.就等如梁朝偉, 都係得到父母優良的遺傳(尤其係靚仔嗰part),冇好材料APA,無線,亞視,八和有幾好培訓水平都冇用.
|
|
| Re: 戲曲表演 - apa 課程 ( No.27 ) |
日期：2007/07/20 00:10
留言者：影帝阿爸
 |
所以......如果無線同亞視藝訓班由最最最"基本"嗰步開始培育影帝影后,我就寫個服字. |
|
| Re: 戲曲表演 - apa 課程 ( No.28 ) |
日期：2007/07/20 06:04
留言者：生仔開始
 |
講來講去都係講原來題目,不過咁仲好,不如講生仔開始,
第一係生仔定女,素描睇唔睇到佢乜野性別,
再講養仔供書教學, 你知唔知香港有d幼稚園每月收學費差唔多兩萬蚊,
講供書教學養大佢要四百萬,其實讀書已經可以係四百萬,用四百萬可能係冇飯俾佢食,
跟住講佢出黎做野,偏偏大陸蘋果--種壞咗, 乜都唔做做隱蔽青年,
再講佢結婚生仔, 佢唔做野就梗係識唔到女仔,咁同佢返大陸搵返個,點知有香港身份證就走人,
跟住就夫妻爭兒女,繼而動武,引至連串家庭悲劇,甚至好似前嗰排...
都係唔講,好恐怖,
講返APA罷啦. |
|
| Re: 戲曲表演 - apa 課程 ( No.29 ) |
日期：2007/07/20 12:14
留言者：戲曲迷
|
噤即係演藝唔好 ?
我不是想做影后/帝
只係想有個正統d的地方學吓野
起碼都可以提升自己欣賞戲曲的質樸
|
|
| Re: 戲曲表演 - apa 課程 ( No.30 ) |
日期：2007/07/20 17:39
留言者：路人
|
之前有個版面講八和, 好多人話唔好, 依家講演藝又話唔好, 難道真的天下烏雅一樣黑? 
出面好多劇團, 除咗正常上課外, 一搞演出又話要夾幾多幾多錢, 呢樣果樣, 加加埋埋, 唔係一般人可以應付.... 唉!! 有心學粵劇嘅, 想搵個真係學野嘅地方, 都真係幾難!! 唔怪得粵劇息微咯......
真是可悲!!! |
|
| Re: 戲曲表演 - apa 課程 ( No.31 ) |
日期：2007/07/20 22:30
留言者：yy
|
做演出者要成功必須要有先天的條件，外型、聲綫、悟性和觀衆緣再加上後天努力，再遇到名師，那成功必有望。雛鳳嗚內的成員為甚麽只得龍劍笙和梅雪詩成為萬人迷呢？而其他成員呢？不也是同是任白教出來嗎？但成功有幾人呢？所以在甚麽學院，甚麽師傅處學藝前這先考慮吓自己的條件吧。 |
|
| Re: 戲曲表演 - apa 課程 ( No.32 ) |
日期：2007/07/21 00:28
留言者：普通人
|
完全同意yy的意見,一個具潛質的人如果肯努力,成功的可能性就會大,英雄也莫問出處,無論是任何一所學院或師傅都有可能教出好的學生,當然也教不出好學生.又何必要歸功於某一人呢?人人有不同的天賦,有時勉強求功,反而會浪費光陰....... |
|
| Re: 戲曲表演 - apa 課程 ( No.33 ) |
日期：2007/07/21 00:53
留言者：影帝阿哥
|
我阿爸阿媽唔係想同人講生仔,只係用側面手法提醒大家英雄莫問出處,成功離不開個人天賦同努力啫.佢兩個好開心見到yy留言,大讚佢好聰明,有天資....
阿爸阿媽去左睇"無間道"隻影碟,叫我代佢打字,佢地話唔好講點解睇呢套,等d人想吓.
我都覺得香港人係唔係太沉重呢,唔知點解冇晒幽默感,反而成日借題閙交,搞到阿立個網亂晒. |
|
| Re: 戲曲表演 - apa 課程 ( No.34 ) |
日期：2007/07/26 13:35
留言者：有感
|
我都讀過APA既課程...咁樣睇到真係好感慨.......
點解呢??自問於學院不算是那些被重點培育的朋友....可是一樣學得很開心呢...
我覺得學野係自己心態的間題...縱使老師不是在教你..站在一旁學可能學得更快呢......旁觀者清嗎....
一個老師不論好不好...總有東西是值得學習的......
時時裝備好自己我相信總有被人賞識的一日
|
|
| Re: 戲曲表演 - apa 課程 ( No.35 ) |
日期：2007/07/26 18:37
留言者：天竺葵
 |
有感君,
"一個老師不論好不好...總有東西是值得學習的......
時時裝備好自己我相信總有被人賞識的一日"
絶對同意, 就算是最好的老師, 也不會所有一切都好.
據小妹所知, 當年任白教雛鳯時也有請其他導師教她們, 所謂集各家之大成, 將最好的給徒弟們, 才是對她們無私的愛. |
|
| Re: 戲曲表演 - apa 課程 ( No.36 ) |
日期：2007/08/04 13:29
留言者：知小小
|
原來apa有咁多負面批評,希望有關主辦單位的要員要好地檢討及改善,多流灠阿立呢個網址,免令有志前往學習的人士望而卻步. 現在我可將一些知小小有關學粵劇的情形話你知,首先你要定下學習目標,如果我要成為大老官,職業化,當然要求條件要高,業餘者也雖要具備以下條件,其中包括體形柔軟,因學身段要一個頗長的時間練習,手門,腳門,一定要熟練,把子功,唱功,粵劇鑼鼓及音樂等都要一一熟練. 錢...最為重要,除學費外,排戲,練曲,化妝,,頭籂,正辮,(生角可免)戲服等等...無財不行.或可流灠相關網頁鳳翔鳴呢個網址 |
|
|
戲曲表演 - apa 課程