網上共同研究唱粵曲的技巧 日期：2007/04/07 01:42 留言者：頑皮友 電郵：waterskin007@yahoo.com.hk 各位曲友,前輩： 日前關於評曲的問題,使到網主好煩,被人評到唔好,當然唔開心啦,我都是評曲人之一.我都不是亂評的,因為有很多曲友對唱粵曲的技巧,發音,吐字,拉腔,粵曲韻不大清楚,怎樣才能把粵曲唱得好,是有很多原因. 音樂師父会知道,但是唔会講,唔敢講[恐怕少個学生],唔敢評唱曲毛病[問題很多講都無用] 不才也曾唱過粵曲,把自己小小心得同大家研究,希望能互助互勉,如有錯漏希各位前輩高人指正. 可以做到以下的基本基礎就可以事半功倍架啦. 第一,首先要把每一個字音正確講出來,每個字要識分是N音還是L音. 第二,聲線天生靚聲就最好啦,如果比較粗或沙小小就最好選合適自己的曲啦. 第三,通常曲友上台前都沒有做熱身,即是在外邊先發聲,由合士乙上尺工反六五亿生伬,要多翻唱把聲帶熱身. 第四,要唱得隻曲完美,一定要學音樂師父懂合尺譜,當你有過門音樂和二王,反線中板等拉腔就可以音色完滿. 第五,平時一定要練氣,吊噪子,由低音唱到高音,由高音唱到底音.才可以知你唱到那個音符. 第六,找一個和你差不多的唱伴,共同操曲,研究是否合大家唱.唔好找些難度高的曲學. 第七,一定要把每首曲聽和唱＋次八次以上,才好配現場音樂.留心老倌們唱曲時的口形,同你是否一样. 第八,留心各老倌唱曲時,何時用唇音,喉音,鼻音,齒音,共鳴音,怎样拉腔才能完美,吐字才能清楚等. 暫時寫住咁多,希望各位前輩補漏,把粵曲唱好.

Page: [1] [2] [3] [4]

< 回上一頁

Re: 網上共同研究唱粵曲的技巧 ( No.9 ) 日期：2007/04/06 15:55 留言者：百事可樂 粵曲實在是一門非常高深的學問，對我來講，又難學，又複雜，又學之不盡， 所以周不時俾師傅話，今日聽完，下個禮拜再問，就乜都冇晒， 成日想唱隻好歌，俾各位前輩評下曲，就攪來攪去，師傅個頭總是打橫搖， 佢叫我要學好一些，才放歌上網，唔好等人聽兩句，就 Bye-Bye. 練氣，鬼唔知咩! 師傅都有講，好難架，係屋企博晒命叫，實俾一人鬧啦。 合尺，我都學過，不過到而家都唔多識，冇記性。 不過，師傅話我有潛質，只不過懶質多d, 唉，我又幾鍾意唱下歌，是應該多多研究學習唱粵曲的。 Re: 網上共同研究唱粵曲的技巧 ( No.10 ) 日期：2007/04/06 15:56 留言者：牛奶妹 Joejoe 哥哥 牛奶妹 Re: 網上共同研究唱粵曲的技巧 ( No.11 ) 日期：2007/04/06 20:29 留言者：Wing JOEJOE哥: 咁好介紹，當然立即就去喇。 誰知"它"不肯收留，衹見寫出來的都是"?" 如何解決？ Re: 網上共同研究唱粵曲的技巧 ( No.12 ) 日期：2007/04/06 21:33 留言者：JOEJOE Wing, 假定你所謂的 "？" 就是亂碼的意思，那麼，請試一下： View - encoding - auto-selcect or Traditional Chinese (big-5) 中文版： 檢視 - 編碼 - 自動選取 或 繁體中文 (big-5) Re: 網上共同研究唱粵曲的技巧 ( No.13 ) 日期：2007/04/06 21:45 留言者：Wing JOEJOE哥: 多謝你回應。 已是View - encoding - auto-selcect AND Traditional Chinese (big-5)， 看，我在這處沒有問題嘛。 "?" 是真的 "?'，不是"亂碼"。 我用的是手寫板，可能是問題所在吧？ Re: 網上共同研究唱粵曲的技巧 ( No.14 ) 日期：2007/04/06 21:53 留言者：JOEJOE Wing, 試用另一種迂迴方式： 先以你的手寫板在 notepad 上打中文，然後把那個顯示正常的中文字copy, 再 paste 上去。 Re: 網上共同研究唱粵曲的技巧 ( No.15 ) 日期：2007/04/06 22:16 留言者：Wing JOEJOE哥: 你教"導"有方，一招"迂迴方式"，果然得咗。大衆同樂，萬人稱"善"(kind)。 Re: 網上共同研究唱粵曲的技巧 ( No.16 ) 日期：2007/04/07 00:34 留言者：老三 電郵：tamcomhk@yahoo.com.hk Re：#4.百事可樂 好多謝你教識我分N音同L音，我原來真係唔知道唱曲要學埋分音架，可能一向我唱曲都沒懶音吧，故忽視了這方面的知識，而錄師父又的确不能在這方面教到我。(跟錄師父學唱曲就必定有許多不足之處了) RE：#5.頑皮友兄 仁兄唔好潤我啦，我邊鬼處係唱家班人馬丫，仲要久聞添，唔好嚇親隔d人啊.........哈哈哈..... 我面皮厚，唔識就問下乍，靠咁樣學下學下就學到d野囉，呢度咁多叻人，唔問係米好笨丫？ RE：#6.祖祖大師 Re: 網上共同研究唱粵曲的技巧 ( No.17 ) 日期：2007/04/07 01:34 留言者：文文 頑皮友曲友： 好多謝你將宝貴的意見給大家分享,我会盡力做到以上的基本功, 希望各曲友曲艺大進. Re: 網上共同研究唱粵曲的技巧 ( No.18 ) 日期：2007/04/08 15:40 留言者：飞花 好好的意见。多谢了。 吐字清楚要把字头，腹，尾弄清才会咬得准。 Re: 網上共同研究唱粵曲的技巧 ( No.19 ) 日期：2007/04/12 02:08 留言者：文文 飞花姐姐： 我也曾聽過每個字分头,腹,尾三部份,可否舉例使我可以明白些嗎？ Re: 網上共同研究唱粵曲的技巧 ( No.20 ) 日期：2007/04/12 20:40 留言者：飞花 字头就是拼音里的声母，声母清楚个字就清楚， 字腹是韵母，字尾是归音。戏剧要先吐字清楚给人知道唱词是什么，然后再行腔，腔就是装饰音，以字带腔。歌曲是以腔带字，所以有的歌曲你有时根本听不清它唱的是什么。个人意见仅供参考。

Page: [1] [2] [3] [4]

< 回上一頁

- 阿立粵曲天地 -
聲明